Бүгүн "Кыым" хаһыат суруналыыстара Горнай улууһун Атамай нэһилиэгин Бэс Күөлэ бөһүөлэгэр үлэлии тиийдилэр. Суруналыыстары баһылыгы солбуйааччы Павлов Николай Юрьевич көрүстэ.

Бөһүөлэккэ билигин 705 киһи олорор. Дьаһалта, почта, бибилэтиэкэ биир дьиэҕэ бааллар эбит. Көрсүһүүгэ эрэдээктэр Иван Гаврильев тэрилтэ үлэтин-хамнаһын кэпсиир, ааҕааччылар хаһыат туһунан санааларын ыйытар.

Ол кэннэ суруналыыстар былырыын сайын улахан уот алдьархайын көрсүбүт нэһилиэк хайдах олорорун, туох кыһалҕалааҕын билсиэхтэрэ.

#кыымноруотхаһыата #горнай #атамай #бэскүөлэ #кыымру

https://t.iss.one/kyymsakha

Бэс Күөлүгэр сылдьан баран "Кыым" хаһыат суруналыыстара Горнай улууһун Октябрьскай нэһилиэгин Күөрэлээх сэлиэнньэтигэр сырыттылар. Кинилэри баһылыгы солбуйааччы Абрамова Прасковья Гавриловна көрүстэ.

Кулууп дьиэтигэр мустубут дьонтон саамай аҕа саастаахтара Яковлев Анатолий Павлович "Кыым" хаһыат суруналыыһа Дмитрий Иванов сокуону кэһии, буруйу оҥоруу, силиэстийэ, суут ымпыгын-чымпыгын кэпсиир суруйууларын сөбүлээн ааҕарын эттэ. Уонна "Суруналыыстар миэхэ кырдьыкпын буларбар көмөлөспүттэрэ" диэн, бэйэтин олоҕор буолбут түгэни холобурдаан, суруналыыс биир сүрүн соруга ити буоларын бэлиэтээтэ.

Кэпсэтии бэрт сэргэхтик барда, эдэрдэр хаһыат үлэтин-хамнаһын, электроннай таһаарыытын, социальнай ситимнэрин туһунан иһитиннэриилэри сэҥээрэн иһиттилэр.
Санатан эттэххэ, Күөрэлээх ойуур уотуттан эмиэ улаханнык эмсэҕэлээбит сирдээх-уоттаах сэлиэнньэ буолар. Видеоҕа "Күөрэлээх-Бэс күөлэ" суол кытыыта.

#горнайулууһа #күөрэлээх #кыымноруотхаһыата #кыымру

https://t.iss.one/kyymsakha