#Shofirkon_IM
#Tadbir

💥Til – davlat timsoli, mulki, ruhi, millatning madaniy va ma’naviy boyligi, xalqning madaniyati, urf-odati, uning turmush tarzi, tarixidir.
1989 yilning 21 oktyabr kuni Vatanimizda davlat tilining huquqiy asoslarini belgilash bo‘yicha “Davlat tili to‘g‘risida”gi Qonun qabul qilinib, unga ko‘ra O‘zbek tiliga - Davlat tili maqomi berildi. Xalqimizning muqaddas qadriyatlaridan biri bo‘lgan ona tilimiz o‘zining qonuniy maqomi va himoyasiga ega bo‘ldi.

💥Joriy yilning 21-oktyabr kuni ixtisoslashtirilgan ta'lim muassasalari agentligi tizimidagi Shofirkon tuman ixtisoslashtirilgan maktabida "Oʻz tilim-oʻzbek tilim" nomli tadbir tashkil etildi. Tadbir davomida oʻzbek tilini madh etuvchi sheʼr, qoʻshiq va sahna koʻrinishlari ijro etildi.

💥 Tilimizga davlat tili maqomi berilganligining 35 yilligi barchamizga muborak boʻlsin

🌐Bizni ijtimoiy tarmoqlarda kuzatib boring:
Telegram|Facebook|Instagram

#Shofirkon_IM
#TADBIR
#Konstitutsiya_baxtimiz_qomusi

🔰Har bir davlat o‘z istiqlol va taraqqiyot yo‘lini tanlar ekan, xalq farovonligini ta’minlashga xizmat qiladigan eng muhim maqsad va vazifalarini o‘zining Konstitutsiyasi – Asosiy qonunida mustahkamlab oladi. Binobarin, o‘z xalqining xohish-irodasi, dili va tilidagi ezgu niyatlariga hamohang Konstitutsiyaga ega bo‘lgan mamlakat o‘zi belgilagan yuksak marralardan hech qachon og‘ishmasdan, doimo oldinga qarab boradi.

🏢 O'zbekiston Respublikasi Konstitutsiyasining 32 yilligi munosabati bilan Ixtisoslashtirilgan ta'lim  muassasalari agentligi tizimidagi Shofirkon tuman ixtisoslashtirilgan maktabida joriy yilning 6-dekabr kuni "Konstitutsiya - baxtimiz qomusi" nomli tadbir tashkil qilindi.

🎗Tadbir davomida o‘quvchilar ishtirokida Konstitutsiya tarixi, moddalar sharhi, mavzuga oid sheʼr va sahna ko‘rinishlari tomoshabinlarga havola etildi.

📲Bizni itimoiy tarmoqlarda kuzatib boring 👇👇👇

Telegram|Facebook|Instagram

#Shofirkon_IM
#Tadbir

2025-yil 9-fevral kuni Shofirkon tuman ixtisoslashtirilgan maktabida buyuk mutafakkir, shoir va davlat arbobi Alisher Navoiy tavalludining 584 yilligiga bag‘ishlangan maʼnaviy-maʼrifiy tadbir bo‘lib o‘tdi. Tadbir tuman Madaniyat uyi xodimlari bilan hamkorlikda tashkil etilib, unda maktab ustozlari va o‘quvchilari ishtirok etishdi.
Tadbir davomida Navoiy ijodiy merosi, uning o‘zbek adabiyotiga qo‘shgan ulkan hissasi haqida so‘z yuritildi. O‘quvchilar tomonidan buyuk shoirning g‘azallari va ruboiylari o‘qildi, sahna ko‘rinishlari namoyish etildi.
Shuningdek, tadbir davomida san’atkorlar tomonidan Navoiy g‘azallari asosida kuylangan qo‘shiqlar ijro etildi.
Mazkur tadbir buyuk shoir ijodiga bo‘lgan hurmat va ehtirom ifodasi sifatida o‘tkazilib, yoshlarning adabiyotga bo‘lgan qiziqishini yanada oshirdi.

📲Bizni ijtimoiy tarmoqlarda kuzatib boring 👇👇👇

Telegram|Facebook|Instagram

#Shofirkon_IM
#Ayolga_ehtirom
#Tadbir

Shofirkon tuman ixtisoslashtirilgan maktabida Oʻzbekiston Respublikasi Vazirlar Mahkamasining 2025-yil 24-fevraldagi 32-sonli majlis bayoni bilan tasdiqlangan "Ayolga ehtirom" haftaligi doirasida "8-mart Xalqaro xotin-qizlar bayrami" munosabati bilan tadbir tashkil etildi. Tadbirda ayollarni madh etuvchi sheʼr va qoʻshiqlar, sahna koʻrinishlari ijro etildi.
Tadbirda maktabda faoliyat olib borayotgan xotin -qizlar va oʻquvchilarning ota - onalari ishtirok etishdi.

Bizni ijtimoiy tarmoqlarda kuzatib boring 👇👇👇

Telegram|Facebook|Instagram

#Shofirkon_IM
#Tadbir

12 Aprel – Xalqaro kosmonavtika kuni!

Shofirkon tuman ixtisoslashtirilgan maktabida kosmik olam sirlari, ilm-fan va ixtiro ruhi uyg‘unlashgan, quvonch va bilimga boy tadbir bo‘lib o‘tdi.

Tadbirda ikki jamoa – “Yangi yulduzlar” va “Koinot yulduzlari” jamoalari o‘zaro bellashdilar. Kosmosga oid savollar, sahna ko‘rinishlari,  “Kosmik xarita” asosida tashkil etilgan o‘yinlar orqali o‘quvchilar o‘z bilim va ijodkorliklarini namoyish etdilar.

Shuningdek, tadbir doirasida har bir jamoaga raketa maketini yasash vazifasi topshirildi. O‘quvchilar turli materiallardan foydalangan holda o‘z fantaziyasi va texnik fikrlash qobiliyatini ishga soldi. Har bir maket o‘ziga xos g‘oya va ijodkorlik bilan yasalgan bo‘lib, hakamlar tomonidan alohida baholandi.
Tadbir ishtirokchilar va tomoshabinlarda katta taassurot qoldirib, fanga, ayniqsa, kosmonavtika va astronomiyaga bo‘lgan qiziqishni yanada oshirdi.

Shofirkon tumani ixtisoslashtirilgan maktabining rasmiy sahifalari 👇👇

Telegram|Facebook|Instagram

#Shofirkon_IM
#Tadbir

2025-yil 25-aprel kuni Shofirkon tuman ixtisoslashtirilgan maktabida O‘zbekiston xalq shoiri Muhammad Yusuf tavalludining 71 yilligiga bag‘ishlab adabiy bellashuv tadbiri bo‘lib o‘tdi.
Tadbirda o‘quvchilar o‘rtasida shoir hayoti va ijodi bo‘yicha bilimlar sinovi, she’r o‘qish va ijodiy chiqishlar bellashuvi tashkil etildi.
Bellashuv qizg‘in va ko‘tarinki ruhda o‘tdi. Baholash jarayonida o‘quvchilarning ijodkorlik darajasi, she’rni ifodali o‘qish mahorati va shoir asarlariga bo‘lgan munosabati inobatga olindi. Tadbir yakunida eng yaxshi ishtirokchilar diplom va esdalik sovg‘alari bilan taqdirlandilar.
Bunday adabiy bellashuvlar yoshlar o‘rtasida milliy qadriyatlarimizga hurmatni oshirish, ularning adabiyotga bo‘lgan qiziqishini kuchaytirish va ijodiy salohiyatini rivojlantirishga xizmat qiladi.

✅IMA tizimidagi Shofirkon tumani ixtisoslashtirilgan maktabining rasmiy sahifalari👇👇👇

Telegram|Facebook|Instagram