#Еслетпе

⚡️Ҳүрметли пуқаралар! Күнниң кескин суўытып кетиўи себепли төмендеги өрт қәўипсизлиги қағыйдаларына әмел етиўиңизди сораймыз.

- Жылытыў үскенелериниң морыларын көзден өткерип, тазалатың!
- Жасалма ысытыў үскенелеринен пайдаланбаң!
- Жас өспирим балаларды жалғыз қалдырып, от пенен ойнаўына жол қоймаң!
- Жылытыў үскенелерин қараўсыз қалдырмаң ҳәм ҳәдден тысқары қызып кетиўине жол қоймаң!
- Жылытыў үскенелери, қазанхана, печ, суў қазаны морылары әтирапын
1х1 метр аралықта жанбайтуғын материаллар менен бастырың!
- Газ үскенелеринен дурыс пайдаланың ҳәм газ ийисин сезсениз электр үскенелерин қоспаң, шырпы жақпаң, айна-есиклерди ашып, бөлмени самаллатың ҳәм 104 номерине хабар бериң.
- Бөлмелерди қыздырыў ушын ҳәр қыйлы жасалма түрдеги газ ҳәм электр үскенелеринен пайдаланбаң!
- Газ үскенелерин резиналы, насаз шлангалар ҳәм газ сорыўшы насослардан пайдаланбаң!
- Электр тоқ сымлары монтажлары «Электр қурылмалары қағыйдалары» на муўапық ҳалда исленсин.

⚡️Айтылған өрт қәўипсизлиги қәделерине итибарлы қарасақ, хожалығымыздағы мал-мүлкимизди өрт қәўипинен асырап, бахытсыз ҳәдийселердиң алдын алған боламыз.

Қарақалпақстан Республикасы Айрықша жағдайлар басқармасы Мәлимлеме хызмети

https://t.iss.one/QR_AJB

#Еслетпе

⚡️Зәҳәрли гази реңсиз ҳәм дәмсиз болып инсан өзиниң зәҳәрленип атырғанын дәрҳал сезбейди

⚡️Ҳүрметли пуқаралар, егер сизлерде бас аўырыў яки кеўил айныўы сыяқлы жағдайлар ушырасып атырған
болса, дәрҳал

☎️ 103 Тез жәрдем;
☎️ 104 Газ хызмети;
☎️ 1050 Айрықша жағдайлар хызметине хабар
бериң.

☝️Себеби бундай жағдайда сизди зәҳәрли газ зыянлап атырған болыўы мүмкин.

⚠️ Ҳеш қашан өз басымшалық пенен емлениў ушын дәрилерди қабыл етпең. Зәҳәрли газ реңсиз ҳәм дәмсиз болып, инсан өзиниң зәҳәрленип атырғанын дәрҳал сезбейди.

Тамақтың қышыўы, бас аўырыўы, кеўилдиң айныўы сыяқлы белгилер инсанның зәҳәрли газден зыянланып атырғанлығын билдиреди.

Қарақалпақстан Республикасы Айрықша жағдайлар басқармасы Мәлимлеме ҳызмети

https://t.iss.one/QR_AJB