#Onlayn
#Mánawiyat_marafonına_start_berildi
#Shımbay_rayonı

Shımbay rayonında «Biz bir bolsaq-bir xalıqpız, birlessek-Watanbız!» ideyası tiykarındaǵı «Mánawiyat marafonı» rayondaǵı 38-sanlı ulıwma orta bilim beriw mektebinde «Milliy qádiriyatlar» joybarı menen baslandı.

Dáslep Nókis qalasınan kelgen miymanlar  kútip alınıp, olarǵa bul jerdegi  kórgizbelerden orın alǵan qaraqalpaq, qazaq, orıs, qırǵız xalıqlarınıń milliy kiyimleri hám taǵamları,  qol óneri buyımları, sonday-aq, milliy qádiriyatlarımızdıń ajıralmas bólegi esaplanǵan milliy oyınlaramız benen tanıstıldı.

Bunnan soń miymanlar mekteptiń belsendiler zalında shólkemlestirilgen ushırasıwda sóz shıǵıp, mánawiyat marafonınıń áhmiyeti hám  milliy qádiriyatlarımdıń xalqımız mánawiyatın asırıwda tutqan ornı haqqında keń túrde toqtalıp ótti.

Mánediy-aǵartıwshılıq ilaj rayonlıq mádeniyat bólimi hám mekteptiń háwesker jasları tárepinen tayarlanǵan koncert baǵdarlaması menen dawam etpekte.