#tadbir

YANGI OʻZBEKISTON YOSHLARI, BIRLASHAYLIK!

✅ Shahrixon tumanida ham “Yoshlar oyligi” yuqori saviyada oʻtmoqda. Oylik doirasida tumanda turli madaniy-maʼrifiy tadbirlar, sport musobaqalari, koʻrik-tanlov va intellektual oʻyinlar tashkil etilmoqda. Bu tadbirlarda minglab yoshlarning faol ishtirok etayotganlari quvonarlidir.
✅ Ayniqsa, tuman markaziy oʻyingohida “Yangi Oʻzbekiston yoshlari, birlashaylik!” shiori ostida oʻtkazilgan festival barcha ishtirokchilarga zavq-shavq ulashdi. Tadbir avvalida tuman hokimi H.Dadaxonov soʻz olib, mamlakatimizda yoshlarga yaratilayotgan keng imkoniyatlar, koʻrsatilayotgan gʻamxoʻrlik va berilayotgan imtiyozlar haqida toʻxtalib, yoshlarni samimiy muborakbod etdi. Tantanada mazkur oylik munosabati bilan oʻtkazilgan tadbirlarda faol ishtirok etayotgan bir guruh yoshlarga tuman hokimligining qimmatbaho sovgʻalari topshirildi. Harbiylar, sportchilar, kelajagimiz boʻlgan bolajonlarning chiqishlari festivalga oʻzgacha fayz kiritdi.
✅ Shodiyonada taniqli estrada xonandalari Mustafo, Qilichbek Madaliyev va boshqa sanʼatkorlar tomonidan ijro etilgan qoʻshiqlar ishtirokchilarga zavq-shavq bagʻishladi.
✅ Shahrixonlik yoshlarda unutilmas taassurotlar qoldirgan tadbir mushakbozlik bilan yakunlandi.

Respublika Ma'naviyat va ma'rifat markazi
Shahrixon tumani bo'linmasi
t.iss.one/shahrixonsoymavjlari

#tadbir

“БИР БЎЛСАК - ЯГОНА ХАЛҚМИЗ, БИРЛАШСАК - ВАТАНМИЗ!"

✅ Шу кунларда Давлатимиз мустақиллигининг 33 йиллиги байрами муносабати билан мамлакатимиз бўйлаб, “Бир бўлсак – ягона халқмиз, бирлашсак – Ватанмиз!” бош ғояси асосида Маънавият фестивали бўлиб ўтмоқда. Бугун ушбу фестиваль доирасида Шаҳрихон туманидаги “Бувайда” маҳалласида жойлашган агросаноат техникумида “Қаҳрамон билан учрашув” мавзусида маданий-маърифий тадбир бўлиб ўтди.
✅ Унда маънавият тарғиботчилари, аҳоли вакиллари, жумладан, хотин-қизлар ва ёшлар иштирок этдилар. Тадбирда Ўзбекистон Қаҳрамони Камолидин Ғопиров мустақиллик йилларида юртимизда амалга оширилаётган ислоҳотлар, таълимга берилаётган эътибор, ёшларни ҳар томонлама соғлом ва баркамол этиб тарбиялаш борасида қилинаётган кенг кўламли ишлар ҳақида сўз юритди.
✅ Учрашувда сўз олганлар К.Ғопировнинг ярим асрлик педагоглик фаолияти, заҳматли меҳнатлари, эришган ютуқлари ёшлар учун ҳақиқий ибрат мактаби эканлигини таъкидладилар.
✅ Фестивалда Ўзбекистон Ёзувчилар уюшмаси аъзоси, таниқли шоир Дилшод Ражабов томонидан ўқилган шеърлар, “Ниҳол” мукофоти совриндори Адолат Исмоилова, эстрада хонандаси Саидакбар Холматовлар ижросидаги кўшиқлар иштирокчиларга хушкайфият улашди.

Республика Маънавият ва маърифат маркази
Шаҳрихон тумани бўлинмаси
t.iss.one/shahrixonsoymavjlari