Қуддусда бўлиб ўтаётган FIDE жамоалари ўртасида жаҳон чемпионатида иштирок этаётган Ўзбекистон терма жамоаси Украина жамоасини қора доналарда 3:1, оқ доналарда эса 2,5:1,5 ҳисобида мағлуб этди ва ярим финалга йўл олди.

@segmentuz

Конституциявий қонун лойиҳасига кўра, Бош Қомуснинг 76 та моддасига ўзгартиш ва қўшимчалар билан бирга 15 та янги модда ва битта янги боб киритилмоқда. Лойиҳада фуқаролар томонидан тақдим қилинган 160 мингга яқин таклифлардан ҳам кенг фойдаланилган.

Бугун соат 15:00 да Олий Мажлис Қонунчилик палатасининг навбатдаги мажлисида ушбу ҳужжатни такомиллаштириш бўйича олиб борилаётган ишлар муҳокама қилинади. Мажлис Қонунчилик палатасининг YouTubeдаги канали орқали тўғридан-тўғри эфирга узатилади.

@segmentuz

📣 Siyosat va tahlilga qiziqadiganlar diqqatiga!

Bugungi kunda siyosiy xabarlarga oid ijtimoiy tarmoqlarni ko‘plab uchratish mumkin. Bunday tarmoqlar orasida ilmiy asoslangan ma'lumotlarni, tahliliy materiallarni taqdim etishi, shuningdek
Sharq olamida roʻy berayotgan siyosiy voqealar tahlili bilan shugʻullanadigan «Sharqshunos tahlilchilar» intellektual klubi alohida ajralib turadi.

Agar siz

✅xalqaro siyosatda sodir boʻlayotgan voqealar tahlili hamda prognozlari bilan tanishishni;

✅siyosiy bilimlaringizni oshirish, mantiqiy fikrlash va dunyoqarashingizni yanada kengaytirishni;

✅diplomatiya va diplomatik faoliyat haqida maʼlumotlarga ega boʻlishni;

✅qudratli davlatlar geosiyosati haqida tahliliy post va materiallarni qoʻlga kiritishni;

✅Qiziqarli adabiyotlar, ilmiy maqolalar, dissertatsiya avtoreferatlari hamda xorijiy siyosiy bestseller asarlarni o‘qishni

istasangiz «Sharqshunos tahlilchilar» intellektual klubining telegramdagi sahifasiga obuna boʻling!

👉✅ @sharqshunos_tahlilchilar✅️❤

❗️ОТМга ўқишга киришда кимларга имтиёз берилган?

▪️ Коллеж ёки техникумдаги мутахассислиги бўйича 5 йил иш стажига эга хотин-қизлар;

▪️ Эҳтиёжманд хотин-қизлар учун тавсияномага эга бўлганлар;

▪️ Иқтисодиёт тармоқларида камида 5 йил иш стажига эга абитуриентлар;

▪️ Зулфия номидаги Давлат мукофоти лауреатлари;

▪️ Тавсияномага эга ҳарбий хизматчилар;

▪️ Қуролли Кучлар ҳарбий хизматчиларининг фарзандлари;

▪️ «Мард ўғлон» давлат мукофоти соҳиблари

▪️ Ички ишлар органлари ходимларининг фарзандлари;

▪️ Ҳарбий қисм қўмондонлиги ва Ёшлар иттифоқи бошланғич ташкилоти тавсияномасига эга абитуриентлар;

▪️ Ўзбекистон ёшлар иттифоқининг тавсияномасини қўлга киритганлар;

▪️ Халқаро ва республика олимпиадалари, танловлар ва мусобақалар ғолиблари;

▪️ «Ниҳол» мукофоти совриндорлари;

▪️ Бадиий академиянинг тасвирий санъат бўйича республика танлови ғолиблари;

▪️ «Йилнинг энг яхши тарбиячиси» республика танлови ғолиблари;

▪️ «Ҳамшира» республика танлови ғолиблари;

▪️ Тўлиқ давлат таъминотидаги етим болалар;

▪️ Чет тилини билиш даражаси тўғрисидаги давлат намунасидаги В1 ва ундан юқори даражадаги малака сертификатга эга бўлган абитуриентлар;

▪️ Халқаро имтиҳон тизимлари сертификатларига эга абитуриентлар;

▪️ Профилактика инспекторлари;

▪️ «Ватан таянчи» ҳаракатининг фаол аъзолари.

@segmentuz

Ғофуржон Мирзаев Президентнинг давлат хизмати, аҳоли билан мулоқот ва маҳаллий ҳокимият органлари фаолиятини мувофиқлаштириш масалалари бўйича маслаҳатчиси лавозимига тайинланди.

Шу муносабат билан у Сирдарё вилояти ҳокими лавозимидан озод этилди.

@segmentuz

⚡️Ўзбекистон финалда!

Қуддусда бўлиб ўтаётган FIDE жамоалари ўртасидаги жаҳон чемпионатининг ярим финалида Ўзбекистон терма жамоаси Ҳиндистон терма жамоаси устидан ғалаба қозонди ва финалга чиқди.

@segmentuz

❗️Президентнинг иккита маслаҳатчиси лавозими бирлаштирилмоқда
 
Президентнинг тегишли фармони билан Ўзбекистон Республикаси Президентининг давлат хизмати, аҳоли билан мулоқот ва маҳаллий ҳокимият органлари фаолиятини мувофиқлаштириш масалалари бўйича маслаҳатчиси лавозими жорий этилди. Ушбу янги лавозим аввалги иккита маслаҳатчи лавозимини бирлаштириш орқали ташкил этилган.

Бунда Президентнинг фуқаролар ҳуқуқларини ҳимоя қилиш, мурожаатлар билан ишлашни назорат қилиш ва мувофиқлаштириш масалалари бўйича маслаҳатчиси (бунга қадар Турсинхон Худайбергенов маслаҳатчи эди) ҳамда Президентнинг давлат хизмати масалалари бўйича маслаҳатчиси (бунгача вакант эди) лавозимлари тугатилиб, уларнинг негизида янги лавозим жорий этилган.

Фармонда бундан мақсад давлат ва фуқаролар ўртасида ҳамкорликни янги тизимини ташкил этиш, давлат органларида мурожаатларини кўриб чиқишнинг замонавий ёндашувларини жорий этиш ва жойларда муаммолар ҳал этилиши устидан таъсирчан назоратни ўрнатиш эканлиги қайд этилган.

Шунингдек, сўнгги пайтларда Халқ қабулхоналари фаолияти етарли самара бермаётгани, жойлардаги муаммоларни ҳал қилишда сусткашликка йўл қўйиб, асосан сансалорлик билан шуғулланаётгани аҳолининг ҳақли эътирозларини келтириб чиқараётгани сабабли Халқ қабулхоналари институтини кучайтириш юзасидан айрим вазифалар белгиланди.

Жумладан, Халқ қабулхоналари ходимларига таъсирчан чора сифатида давлат органлари ва ташкилотларда жисмоний ва юридик шахсларнинг мурожаатлари тўғрисидаги қонунчилик ҳужжатлари бўйича қонунбузилишлар юзасидан маъмурий баённомалар тузиш ва судга юбориш ҳуқуқи берилмоқда.

Ҳудудлар билан тўғридан-тўғри алоқаларни ўрнатиш ва жойлардаги вазиятдан келиб чиқиб, тезкор чоралар кўриб бориш мақсадида Халқ қабулхоналари фаолиятини янги ташкил этилаётган Администрация раҳбари ёрдамчилари мувофиқлаштириб боради ва улар бевосита ҳудудларда ўз фаолиятини амалга оширади. Бунда Администрация раҳбари ёрдамчилари штатлари мавжуд штат бирликларини қисқартириш эвазига ташкил этилади.

@segmentuz

Президент Шавкат Мирзиёев 25 ноябрь куни Навоий вилоятига жўнаб кетди.

Ташриф давомида халқ депутатлари вилоят кенгаши йиғилишида иштирок этиш, саноат корхоналари фаолияти билан танишиш, янги лойиҳаларни ишга тушириш ҳамда халқ билан мулоқот режалаштирилган.

@segmentuz

Навоий вилоятига ҳоким тайинланмоқда

Президент вилоят фаолларининг билдирган фикрлари асосида Навоий вилояти ҳокими лавозимига ҳоким вазифасини бажариб келаётган Нормат Тўлқунович Турсунов номзодини тавсия этди.

Номзоднинг ҳудудни жадал ривожлантириш, аҳолига муносиб турмуш шароити яратиш, мавжуд муаммоларни ҳал этиш бўйича режаларини эшитиш таклиф қилинди.

@segmentuz

Шавкат Мирзиёев Халқ депутатлари Навоий вилояти Кенгаши сессиясида иштирок этмоқда.

Унда президент мутасаддиларга:

➖ келгуси йилда 26 та маҳаллий саноат маркази ва кичик саноат зоналарини ташкил этиш;

➖ оилавий тадбиркорлик дастурлари учун қўшимча 100 миллиард сўм, келгуси йилда 600 миллиард сўм йўналтириш;

➖ Нурота, Хатирчи ва Навбаҳордаги бўш биноларда моно-марказ ташкил этиб, камида 5 минг ёшларни замонавий касбларга ўқитиш;

➖ М-37 магистрал йўлида 3,5 мингта сервис объектларини ишга тушириш;

➖ Карманадаги Мавлоно Ориф Дег-Гароний мажмуасини таъмирлашга 15 миллиард сўм ажратиш;

➖ 20 та туризм маҳалласида инфратузилмани яхшилаш бўйича 50 миллиард сўмлик лойиҳани 2023 йил давлат дастурига киритишга топшириқ берди.

@segmentuz

Давлат солиқ қўмитаси томонидан умумий овқатланишда 26 та умумлаштирилган ИКПУ кодлари киритилиши таклиф қилинмоқда. Тадбиркор Зафар Хошимов «Twitter»да қўмитанинг бу таклифини «кафе, ошхона ва ресторанлар ҳаётини енгиллаштирувчи жуда ижобий қадам», дея изоҳлади.

@segmentuz

Навоий вилоятида Президент Администрацияси вакиллари иш олиб боради. Улар вилоятда аҳолини қийнаётган муаммоларни тезкор ечиш билан шуғулланади.

Йиғилишда президент:

➖ Навоийда 2023 йилда ижтимоий муаммоларни ҳал этишга қўшимча 655 миллиард сўм, оилавий тадбиркорликни ривожлантиришга яна 750 миллиард сўм ресурс ажратилиши;

➖ аграр соҳа, ичимлик суви ва автомобиль йўллари лойиҳаларига қўшимча 180 миллион доллар жалб қилиниши;

➖ келаси йил 240 минг аҳоли бандлигини таъминлаш шартлиги;

➖ 2023 йил якуни билан Навоий камбағаллик ва ишсизликдан ҳоли ҳудудга айланиши шарт ва зарурлиги;

➖ туман ҳокимлари ҳар ой маҳаллий кенгашга маҳалла раислари ва фаоллари олдида ҳисобот бериши;

➖ бундан буён вилоятда Администрация вакиллари иш олиб бориши, улар вилоятда аҳолини қийнаётган муаммоли масалаларни тезкор ечиш масалалари билан шуғулланишини таъкидлади.

@segmentuz

Нормат Турсунов Навоий вилоятининг ҳокими этиб тасдиқланди.

@segmentuz

Шавкат Мирзиёев “Зарафшон ойна” корхонасини ишга туширишга бағишланган маросимда иштирок этди.

Лойиҳа қиймати 250 млн доллар, корхонанинг йиллик ишлаб чиқариш қуввати 12 миллион квадрат метр. Маҳсулотлар импорт ўрнини босиш билан бирга экспортга ҳам мўлжалланган. Бу ерда 700 киши иш билан таъминланган.

Эслатиб ўтамиз, 2018 йилда президент вилоятда ойна ишлаб чиқаришни йўлга қўйиш бўйича кўрсатма берган эди.

@segmentuz

У даргоҳга порасиз яқинлашиб бўлмас эди – Президент

➖ Мана порасиз ҳам қилса бўлар эканку. Оддий одамни фарзанди билими билан ўқишга кириб кетяпдику, деди давлатимиз раҳбари Навоий вилоятида.

@segmentuz

Президент администрацияси раҳбарининг ҳудудлардаги ёрдамчилари лавозимлари ташкил этилди. Улар бевосита ўзлари бириктирилган ҳудудларда ишлайди ва администрациянинг ҳудудлар билан тўғридан тўғри алоқасини таъминлайди.

Ҳудудларда администрация ёрдамчилари фаолият бошлашидан ташқари, Халқ қабулхоналари ходимларига таъсирчан чора сифатида давлат органлари ва ташкилотларда жисмоний ва юридик шахсларнинг мурожаатлари тўғрисидаги қонунчилик ҳужжатлари бўйича қонунбузилишлар юзасидан маъмурий баённомалар тузиш ва судга юбориш ҳуқуқи берилмоқда.

@segmentuz

❗️1 декабрдан қонунчиликда нималар ўзгаради?

▪️ Қоидабузар ҳайдовчиларга жарима балларини ҳисоблаш тизими ишга тушади. Бунда:

➖ ҳар бир йўл ҳаракати қоидабузарлиги учун 12 ой давомида алоҳида жарима баллари ҳисоблаб борилади;

➖ ҳисобланган жарима баллари белгиланган миқдордан ошган ҳолларда ҳайдовчи маълум муддатга транспорт воситасини бошқариш ҳуқуқидан ўрнатилган тартибда маҳрум қилинади;

➖ муайян давр мобайнида йўл ҳаракати қоидабузарлиги содир этмаган ҳайдовчиларга кейинчалик ҳисобланган жарима балларини қисқартириш орқали рағбатлантириш чоралари қўлланилади.

▪️ ID-картани расмийлаштиришда ортиқча ҳужжатларни талаб қилиш амалиёти бартараф этилади;

▪️ Масъулияти чекланган жамиятнинг таъсис шартномасини давлат рўйхатидан ўтказиш талаби бекор қилинади;

▪️ Божхона хизматлари тўлиқ рақамлаштирилади;

➖ @segmentuz ➖

Маҳмудалиев Акмалжон Азимжонович Сирдарё вилояти ҳокими вазифасини бажарувчи этиб тайинланди.

Тайинловга қадар у Навоий вилояти ҳокимининг қишлоқ ва сув хўжалиги масалалари бўйича ўринбосари лавозимида фаолият юритган.

А.Маҳмудалиев Фарғона вилоятининг Учкўприк тумани ҳокими вазифасида ҳам ишлаган.

@segmentuz