Ўзбекистон Республикаси Президенти Шавкат Мирзиёевнинг Ўзбекистон халқига Янги йил табриги

@segmentuz

1 январдан айрим давлат боғчаларида тўловлар миқдори камайтирилади

2023 йил 1 январидан бошлаб Ўзбекистондаги 208 та туман ва шаҳар иқтисодий аҳволидан келиб чиқиб, 5 та тоифага ажратилди. Тоифага қараб бу туманларга солиқ имтиёзлари, субсидия ажратиш тартиби ва тадбиркорлик фаолиятини қўллаб-қувватлаш чоралари белгиланади.

Хусусан, Президент қарорига (ПҚ–471, 30.12.2022 й.) кўра, 2023 йил 1 январдан 2026 йил 1 январга қадар давлат боғчаларида бола таъминоти учун тўловлар туманларнинг тоифасидан келиб чиқиб, қуйидагича камайтирилади:

➖ 5-тоифадаги туманларда — 50 фоиз;
➖ 4-тоифадаги туманларда — 50 фоиз;
➖ 3-тоифадаги туманларда — 30 фоиз.

@segmentuz

11 январдан Тошкент шаҳридаги 16 та олий таълим муассасасида дарслар соат 9:30дан бошланади

Бу борада 2022 йил 22 декабрда Транспорт вазирлиги, Олий ва ўрта махсус таълим вазирлиги ҳамда Тошкент шаҳар ҳокимлиги қарори қабул қилинган.

▪️ Қуйидаги олий таълим муассасаларида дарслар 9:30дан бошланади:  
– Низомий номидаги Тошкент давлат педагогика университети; 
– Сингапур менежментни ривожлантириш институти; 
– Пучон университети; 
– ТМC институти; 
–Тошкент давлат иқтисодиёт университети; 
– Г.В. Плеханов номидаги Россия иқтисодиёт университети Тошкент филиали; 
– Ўзбекистон давлат консерваторияси; 
– Вебстер университети; 
– Тошкент кимё-технология институти; 
– Тошкент фармацевтика институти; 
– Тошкент давлат юридик университети; 
– Тошкент молия институти; 
– Муҳаммад ал Хоразмий номидаги Тошкент ахборот технологиялари университети;
– Тошкент давлат техника университети;  
– Жаҳон иқтисодиёти ва дипломатия университети; 
– Янги Ўзбекистон университети.

▪️ Шунингдек, Ўзбекистон миллий университети ва Тошкент давлат шарқшунослик университетида 08:00 дан, «Тошкент ирригация ва қишлоқ хўжалиги механизациялаш муҳандислари институти» Миллий тадқиқот университетида 08:30 дан бошланади.

@segmentuz

Ўзбекистонда мактаб ўқувчиларининг ўқув юкланмаси бошқа мамлакатлардагига нисбатан анча юқори

Ўзбекистондаги умумтаълим мактабларида юқори синфларнинг ҳафталик юкланмаси ўртача 31 соатни, бошланғич синфларда эса 23,5 соатни ташкил қилади. Ўқувчилар ҳафта давомида тахминан 7-8 соат вақтини қўшимча тўгаракларга ажратса, ўзбек ўқувчиларининг ҳафталик юкланмаси 38-40 соатни ташкил қилади.

Таълим сифати юқори ривожланган Эстония, Япония, Корея ва Финляндия давлатларида эса бу кўрсаткич 20,4 соатдан кам.

Бундан ташқари, Ўзбекистондаги мактабларда ўқув дастурида ижтимоий ва амалий фанларни ўрганишга кўпроқ вақт ажратилган, шунингдек, ўқувчилар математикани бошқа мамлакатлардаги ўқувчиларга қараганда анча кам ўрганади.

@segmentuz

UzAuto Motors барча турдаги автомобиллар учун шартнома беришни тўхтатди

UzAuto Motors 4 январдан бошлаб контрактация шартномасини тузиш, барча автомобилларни топшириш ва тўловларни қабул қилишни вақтинча тўхтатди.

Маълум қилинишича, дастурий таъминотни янгилаш ва инвентаризация ишлари якунлангандан сўнг, контрактация шартномаларини тузиш, олдиндан тўловни қабул қилиш ва автомобилни етказиб бериш тўлиқ ҳажмда қайта тикланади.

Шунингдек, 2022 йил, янги йил арафасида автомобиль етказиб бериш бўйича шартнома тузган ва 7 кун ичида олдиндан тўловни амалга ошира олмаган шахслар иш қайта тикланганидан сўнг, автомобиль учун олдиндан тўловни амалга ошириши мумкин. Шу билан бирга, улар томонидан автомобиль етказиб бериш бўйича тузилган шартномалар ўз кучида қолади, фақат олдиндан тўлов муддати узайтирилади.

@segmentuz

Ғаниев Шухрат Мадаминович Президентнинг Иқтисодиёт соҳаларини ривожлантириш, инвестиция ва ташқи савдо сиёсатини амалга ошириш масалалари бўйича маслаҳатчиси ўринбосари лавозимига тайинланди.

@segmentuz

Тиббий суғурта қайси ҳудудларда жорий этилиши маълум бўлди

Соғлиқни сақлаш вазири Амрилло Иноятовнинг айтишича, 2023 йилда Навоий вилоятида давлат тиббий суғурта тизими жорий этилади.

Шунингдек, Тошкент шаҳрида ҳам 2023 йил 1 июлдан тиббий суғурта тизими механизмлари жорий этилади. Бундан ташқари, пойтахтдаги 72 та поликлиника ва 40 та шифохонани компьютер жиҳозлари, зарур тиббий ускуналар билан таъминлашга 30 млрд сўм йўналтирилади.

@segmentuz

Ўзбекистонда 9-15 январь кунлари аномал совуқ бўлиши кутилмоқда — Ўзгидромет

Жорий йилнинг 9 январь куни республика ҳудудига Волгабўйи ҳудудларидан Россия Европа қисмининг шимолий ҳудудларида шаклланган совуқ ҳаво массаси кириб келиши бошланади.

9-11 январда республика ҳудудининг катта қисмида ёғингарчилик (ёмғир, қор) бўлади.

10-15 январда республика бўйича аномал совуқ об-ҳаво бўлиши кутилмоқда. Ҳаво ҳарорати кечалари 12-17 совуқгача, кундуз кунлари 5-8 даража совуқгача; шимолда кечалари 17-22 совуқгача, Устюртда ва чўл ҳудудларда баъзи жойларда 25-27 совуқгача, кундуз кунлари 7-10 даража совуқгача, жанубда ва Фарғона водийсида кечалари 5-10 совуқгача, кундуз кунлари 2-5 даража совуқгача пасаяди.

Йўлларда баъзи жойларда яхмалак юзага келади.

@segmentuz

❗️Тўлов-контрактни тўлаш муддати 20 январга қадар узайтирилди

Давлат комиссиясининг тегишли қарорига мувофиқ:

2022/2023 ўқув йилида олий таълим муассасаларининг бакалавриат таълим йўналишлари, магистратура мутахассисликларига тўлов-контракт, жумладан, табақалаштирилган тўлов-контракт асосида талабаликка тавсия этилган абитуриентлар, ўқиши кўчирилган (кўчириб тикланган) ва қайта тикланган талабалар ўқиши учун тўлов ҳақини ўтказиш ҳамда талабалар сафига қабул қилишни расмийлаштиришнинг сўнгги муддати 2023 йилнинг 20 январи этиб белгиланди.

@segmentuz

⚡️ Қишки таътил узайтирилди

Ўзбекистонга аномал совуқ об-ҳаво кириб келиши муносабати билан барча бўғиндаги таълим муассасаларида қишки таътил муддати 17 январга қадар узайтирилди.

Ўқув машғулотлари 18 январь, чоршанба кунидан бошланади.

@segmentuz

📣 Докторантурага (PhD, DSc) кириш учун инглиз тили сертификати талаб этилишидан хабарингиз борми?

«Mega School»дан ажойиб таклиф!

«Mega School» ўқув маркази талабгорларни IELTS 7+ / CEFR имтиҳонларига тайёрлаш бўйича қисқа муддатли курслар очилишини эълон қилади!

👨‍🎓🇰🇾 «Mega School» билан биргаликда инглиз тилидан халқаро ва миллий даражадаги сертификат (IELTS 7+/CEFR)ни юқори кўрсаткич билан олиш имкониятини қўлдан чиқарманг!

📌 Бизнинг устунлигимиз сифатли таълим ва ҳамёнбоп нархлар.

«Mega School» ўқув марказининг докторантлар учун махсус курсларига қатнашиш учун рўйхатдан ўтинг! (Биринчи дарс мутлақо БEПУЛ)

🗓 Рўйхатдан ўтиш учун: 91 771 04 44, 99 868 96 94

✅ Instagram: instagram.com/megaschooluz

Шаҳар ва туманлар қайси тоифага киради?

Президент фармонига мувофиқ 2023 йил 1 январдан бошлаб, Ўзбекистондаги барча — 208 та туман ва шаҳар иқтисодий аҳволидан келиб чиқиб, 5 та тоифага ажратилди. Тоифага қараб бу туманларга солиқ имтиёзлари, субсидия ажратиш тартиби ва тадбиркорлик фаолиятини қўллаб-қувватлаш чоралари белгиланади.

Туман ва шаҳарларнинг қайси тоифага мансублигини қуйидаги рўйхатдан кўришингиз мумкин.

▪️ Қорақалпоғистон Республикаси
1-тоифа: мавжуд эмас
2-тоифа: Нукус шаҳри ва Қўнғирот тумани;
3-тоифа: Беруний, Қораўзак, Тахиатош, Тўрткўл, Хўжайли, Чимбой, Элликқалъа;
4-тоифа: Амударё ва Нукус туманлари;
5-тоифа: Бўзатов, Кегейли, Қонликўл, Мўйноқ, Тахтакўпир, Шуманай.

▪️ Тошкент шаҳри
1-тоифа: барча туманлар.

▪️ Андижон вилояти
1-тоифа: Андижон шаҳри;
2-тоифа: Андижон, Асака ва Шаҳрихон туманлари, Хонобод шаҳри;
3-тоифа: Балиқчи, Булоқбоши, Қўрғонтепа, Олтинкўл ва Хўжаобод;
4-тоифа: Жалақудуқ, Избоскан, Марҳамат ва Пахтаобод;
5-тоифа: Бўстон ва Улуғнор.

▪️ Бухоро вилояти
1-тоифа: Бухоро шаҳри;
2-тоифа: Когон шаҳри, Когон, Қоровулбозор ва Ромитан туманлари;
3-тоифа: Бухоро, Ғиждувон ва Қоракўл туманлари;
4-тоифа: Вобкент, Жондор, Олот, Пешку, Шофиркон;
5-тоифа: мавжуд эмас

▪️ Жиззах вилояти
1-тоифа: Жиззах шаҳри;
2-тоифа: Ғаллаорол;
3-тоифа: Дўстлик, Зарбдор, Зафаробод, Зомин, Мирзачўл, Пахтакор, Фориш, Шароф Рашидов;
4-тоифа: Бахмал, Янгиобод;
5-тоифа: Арнасой;

▪️ Қашқадарё вилояти
1-тоифа: Қарши шаҳри;
2-тоифа: Шаҳрисабз шаҳри, Ғузор, Китоб ва Шаҳрисабз туманлари;
3-тоифа: Касби, Косон, Кўкдала, Қарши, Чироқчи ва Яккабоғ туманлари;
4-тоифа: Қамаши, Миришкор, Муборак, Нишон;
5-тоифа: Деҳқонобод.

▪️ Навоий вилояти
1-тоифа: Навоий шаҳри;
2-тоифа: Зарафшон шаҳри, Кармана, Навбаҳор ва Учқудуқ туманлари;
3-тоифа: Ғозғон, Қизилтепа, Нурота;
4-тоифа: Конимех, Хатирчи;
5-тоифа: Томди.

▪️ Наманган вилояти
1-тоифа: Наманган шаҳри, Янги Наманган ва Давлатобод туманлари;
2-тоифа: Тўрақўрғон, Уйчи, Учқўрғон;
3-тоифа: Косонсой, Наманган, Поп, Чортоқ, Чуст ва Янгиқўрғон туманлари;
4-тоифа: Норин;
5-тоифа: Мингбулоқ.

▪️ Самарқанд вилояти
1-тоифа: Самарқанд шаҳри;
2-тоифа: Жомбой, Самарқанд ва Тойлоқ туманлари;
3-тоифа: Каттақўрғон шаҳри, Булунғур, Иштихон, Нарпай, Оқдарё, Пастдарғом ва Ургут туманлари;
4-тоифа: Каттақўрғон, Нуробод, Пахтачи, Пайариқ;
5-тоифа: Қўшрабод.

▪️ Сирдарё вилояти
1-тоифа: мавжуд эмас
2-тоифа: Гулистон ва Ширин шаҳарлари, Сирдарё тумани;
3-тоифа: Янгиер шаҳри, Мирзаобод ва Оқолтин туманлари;
4-тоифа: Боёвут, Гулистон, Сайхунобод ва Ховос туманлари;
5-тоифа: Сардоба.

▪️ Сурхондарё вилояти
1-тоифа: Термиз шаҳри;
2-тоифа: Жарқўрғон ва Термиз туманлари;
3-тоифа: Ангор, Денов, Қумқўрғон, Сариосиё;
4-тоифа: Бойсун, Музработ, Узун, Шеробод, Шўрчи;
5-тоифа: Бандихон, Қизириқ, Олтинсой.

▪️ Тошкент вилояти
1-тоифа: Оҳангарон ва Чирчиқ шаҳарлари;
2-тоифа: Ангрен, Бекобод, Нурафшон, Олмалиқ ва Янгийўл шаҳарлари, Бўстонлиқ, Зангиота, Қибрай, Қуйичирчиқ, Тошкент, Чиноз ва Юқоричирчиқ туманлари;
3-тоифа: Оққўрғон, Оҳангарон, Паркент, Ўртачирчиқ ва Янгийўл туманлари;
4-тоифа: Бекобод, Бўка ва Пискент туманлари;
5-тоифа: мавжуд эмас

▪️ Фарғона вилояти
1-тоифа: Фарғона шаҳри;
2-тоифа: Қўқон ва Марғилон шаҳарлари, Бувайда тумани;
3-тоифа: Қувасой шаҳри, Бешариқ, Боғдод, Данғара, Қува, Қўштепа, Олтиариқ, Риштон, Тошлоқ, Ўзбекистон, Учкўприк ва Фарғона туманлари;
4-тоифа: Фурқат;
5-тоифа: Сўх, Ёзёвон.

▪️ Хоразм вилояти
1-тоифа: Урганч шаҳри;
2-тоифа: Боғот;
3-тоифа: Хива шаҳри, Гурлан, Тупроққалъа, Урганч, Ҳазорасп, Хонқа, Шовот туманлари;
4-тоифа: Қўшкўпир, Хива ва Янгибозор туманлари;
5-тоифа: Янгиариқ.

@segmentuz