❗️Хотин-қизлар диққатига!

Тавсияномага эга хотин-қизлар учун имтиҳонларни ўтказиш тартиби маълум қилинди

Тавсияномага эга хотин-қизлар учун танловлар умумий тартибда давлат ОТМнинг бакалавриатига ўқишга қабул қилиш бўйича кириш имтиҳонлари (тест синови, касбий (ижодий) имтиҳон) доирасида ўтказилади.

▪️ Кириш имтиҳонлари якунига кўра талабаликка тавсия этилмаган, бироқ тўплаш мумкин бўлган энг юқори баллнинг 30 фоизидан кам бўлмаган баллни тўплаган тавсияномага эга хотин-қизлар баллар кетма-кетлигига қатъий риоя этилган ҳолда тўлов-контракт асосида ўқишга тавсия этилади.

@segmentuz

⚡️Президент ҳузуридаги Давлат хизматини ривожлантириш агентлиги (АРГОС) давлат хизматчилари учун навбатдаги сиёсий-маърифат соатини тақдим этди.

▪️ Кўриш

@segmentuz

Арашов Жалол Самандарович Қурилиш вазирининг ўринбосари лавозимига тайинланди.

Тайинловга қадар у Тошкент шаҳар қурилиш бош бошқармасига раҳбарлик қилган.

@segmentuz

Конституция моддалари билан боғлиқ нормалар шакллантирилди

Бугун Конституцияга ўзгартиш ва қўшимчалар киритиш бўйича таклифларни шакллантириш ва ташкилий чора-тадбирларни амалга ошириш юзасидан Конституциявий комиссиянинг навбатдаги йиғилиши бўлиб ўтди.

❗️ Унда айтилишича, келиб тушган таклифлар таҳлил этилиб, дунё конституциялари ўрганилганидан сўнг, умумий келишувга эришилди ва 41 та ғоя юридик жиҳатдан расмийлаштирилиб, норма ҳолатига келтирилди. Натижада Конституциянинг жами 24 та моддаси билан боғлиқ нормалар шакллантирилди.

@segmentuz

Аҳолига қуёш ва шамол электр ускуналари учун 15 миллион сўмгача компенсация тўланиши мумкин

Муқобил энергия ускунасини ўрнатган аҳоли ва тадбиркорларни қўллаб-қувватлаш бўйича мутлақо янги тизим жорий этилади.

▫️ Бунда, аҳоли ва тадбиркорларга:

➖ ўрнатилган қуёш ва шамол электр ускуналари учун қувватига қараб 15 миллион сўмгача, сув иситиш қурилмаси учун эса 2 миллион сўмгача компенсация тўланади;

➖ ёки ускуна қийматини 3 йил ичида фоизсиз бўлиб-бўлиб тўлаш имконияти яратилади.

Ушбу тизим Энергетика вазирлигининг махсус жамғармаси орқали жорий этилиши белгиланди.

@segmentuz

Республика олий таълим кенгаши таркиби янгиланди, Одил Абдурахманов унга раислик қилади

Ҳукумат қарори билан Республика олий таълим кенгаши таркиби янгиланди, кенгашга янги ваколатлар берилди. Хусусан, киритилган ўзгаришларга мувофиқ эндиликда:

➖ Олий таълим соҳасига тегишли барча норматив-ҳуқуқий ҳужжатлар лойиҳалари Кенгаш билан келишилади;

➖ Республика олий таълим кенгаши Тошкент давлат транспорт университети биносига текин фойдаланиш ҳуқуқи асосида жойлаштирилади;

➖ республикадаги барча олий таълим муассасалари ва ректорларнинг мустақил рейтингини шакллантириш ҳамда уларнинг йиллик ўсиш динамикасини таъминлаш бўйича ташкилий масалаларда кўмаклашилади.

Тошкент давлат транспорт университети ректори лавозимида ишлаб келаётган Одил Абдурахманов бир вақтнинг ўзида Кенгашга раислик қилади.

@segmentuz

Ўзбекистонда “Ректорлар мактаби” тизими йўлга қўйилади

Ҳукумат қарори билан олий таълим муассасалари ректор лавозимларига муносиб номзодларни саралаш ҳамда бошқарув кадрлар захираларини шакллантириш мақсадида “Ректорлар мактаби” тизими йўлга қўйилади.

@segmentuz

Чет тилларига ихтисослашган 2 та институт ташкил этилди

Президентнинг тегишли қарорлари (1, 2) билан қуйидаги 2 та янги институт ташкил этилди:

— Андижон шаҳрида Андижон давлат чет тиллари институти;
— Наманган шаҳрида Исҳоқхон Ибрат номидаги Наманган давлат чет тиллари институти.

Иккала институтда ҳам ўқув жараёни 2022/2023 ўқув йилидан бошланади ва талабаларга иккита хорижий тил бўйича квалификация бериш амалиёти йўлга қўйилади.

Кейинги йилдан, яъни 2023/2024 ўқув йилидан бошлаб Институтнинг бакалавриат таълим йўналишларига кириш имтиҳонларида фанлар мажмуасидаги чет тили фанидан 4 та кўникмани (тинглаб тушуниш, ўқиш, ёзиш ва гапириш) баҳолашга қаратилган касбий (ижодий) имтиҳон ўтказилади. Бунда:

➖ чет тили фанидан касбий (ижодий) имтиҳон ДТМ томонидан амалга оширилади;

➖ чет тили бўйича B2 ва ундан юқори сертификатга эга бўлган абитуриентларга ушбу фандан ўқишга кириш синовларида касбий (ижодий) имтиҳонсиз максимал балл берилади.

Қарордан англашилишича, жорий йилги қабулда абитуриентлардан тест синовлари олинади, кейинги йилдан ижодий имтиҳонлар бўлади.

Иккала институтда ҳам 2023/2024 ўқув йилидан бошлаб хорижий тиллар ўқитувчилари С1 даражадан кам бўлмаган сертификатга эга бўлиши лозим. Шунингдек, хорижий тилда мутахассислик фанларидан дарс берадиган С1 даражадан кам бўлмаган сертификатга эга ўқитувчиларга уларнинг базавий лавозим маошига нисбатан ҳар ойлик 50 фоиз миқдорида қўшимча устама ҳақи тўлаб борилади.

@segmentuz

Конституцияга ўзгартиришлар киритиш бўйича 11 июнь ҳолатига жами 20 148 та таклиф келиб тушган. Таклифларнинг 70 фоизидан ортиғи 30 ёшгача бўлганлар томонидан йўлланган. Ҳудудлар кесимида эса Тошкент шаҳри, Андижон, Фарғона, Сурхондарё ва Жиззах вилоятлари етакчилик қилмоқда.

@segmentuz

Козимжон Комилов Олий суд раиси сифатида қайта сайланди

Бугун бўлиб ўтаётган Сенат йиғилишида Олий суд раисини сайлаш масаласи ҳам кўриб чиқилди.

Шавкат Мирзиёев Комилов Козимжон Фазилович номзодини Ўзбекистон Республикаси Олий суди раиси лавозимига навбатдаги муддатга сайлаш учун Сенатга тақдимнома киритди.

Сенаторлар ушбу номзодни маъқуллаб, овоз берди.

@segmentuz

❗️Бу йил 1-синфга қабул 20 июндан бошланади

2022-2023 ўқув йилида умумтаълим мактабларининг 1-синфига қабул жараёнлари 20 июндан бошланади.

▪️ Мактабларга бириктирилган микроҳудуд бўйича қабул жараёнлари жорий йилнинг 20 июнидан 31 июлига қадар амалга оширилади.

Умумтаълим мактабларининг бўш ўринларига микроҳудуддан ташқари қўшимча қабул жараёнлари 2022 йилнинг 1-15 август кунлари амалга оширилади.

▫️ Шунингдек, ота-оналарга қулайлик яратиш мақсадида Тошкент шаҳри, Қорақалпоғистон Республикаси ва вилоятларнинг марказидаги умумтаълим мактабларида 1-синфга қабул жараёнлари электрон шаклда ташкил этилади.

Халқ таълими вазирлиги

@segmentuz

❗️Абитуриентлар учун бу йилги асосий янгилик ва ўзгаришлар маълум қилинди

2022 йилда абитуриентлар учун тест топширишдаги ўзгаришлар ва янгиликлар ҳақида Давлат тест маркази маълумот берди.

1️⃣ Олдинги йилги қабулда мутахассислик блокидаги 2 та фанга тенг – 3,1 баллдан берилган эди. Бу йил эса шу 2 та фан муҳимлилигига қараб даражаланади. Масалан, математика йўналиши учун 1-фан математика (ҳар тўғри жавобга 3,1 баллдан) , 2-фан эса физика (ҳар тўғри жавобга 2,1 баллдан) бўлади.

2️⃣ Мутахассислик фанларининг даражаланиши абитуриентларнинг 5 та йўналиш танлаш имконига ҳам таъсир қилади. Энди абитуриентлар ўтган йилгидек мутахассислик блокида мавжуд 2 та фанга қараб эмас, балки уларнинг биринчи ёки иккинчи фанлигини ҳам ҳисобга олиб 5 та ОТМни танлайди.

3️⃣ Барча тест топширувчилар учун мажбурий бўлган 3 та фан – математика, она тили ва Ўзбекистон тарихи бўйича 10 тадан жами 30 та савол тушади ва уларга 1,1 баллдан берилади (2021 йили мажбурий блок учун 2,1 баллдан берилган).

Мажбурий блокдан жами тўплаш мумкин бўлган балл – 33 балл. Бакалавриат таълим йўналишига мос бўлган 2 та фан бўйича эса жами 60 та савол берилади. Биринчи фандан тўплаш мумкин бўлган максимал балл – 93 балл, иккинчи фандан тўплаш мумкин бўлган максимал балл эса 63 балл.

Умумий ҳолда, 2022-2023 ўқув йили қабулида абитуриентларга 5 та фан бўйича жами 90 та тест топшириғи берилади. Бунда тўплаш мумкин бўлган максимал балл – 189 баллни ташкил этади.

4️⃣ Бу йил кириш имтиҳонларида абитуриентларга тестларни ишлаш учун 3 соат вақт берилади. Вазирлар Маҳкамасининг тест топшириқларини ўтказишга оид 261-сонли низомида 30 та савол учун бир соат вақт берилиши ёзилган. Демак, 90 та саволга 3 соат вақт берилади.

5️⃣ Бу йилдан 6 та ОТМда тест ижодий имтиҳонга ўзгармоқда. Фанлар мажмуасига чет тили биринчи фан сифатида киритилган:
➖ Ўзбекистон давлат жаҳон тиллари университети;
➖ Самарқанд давлат чет тиллари институти;
Тошкент давлат шарқшунослик университети.

▪️ Шунингдек:

Тошкент давлат педагогика университети, Қўқон давлат педагогика институти, Нукус давлат педагогика институтининг хорижий тиллар бўйича педагогларни тайёрловчи бакалавриат таълим йўналишларида чет тилидан тест эмас, тинглаб тушуниш, ўқиш, ёзиш ҳамда гапириш компетенцияларини аниқлаш ва баҳолашга қаратилган касбий (ижодий) имтиҳон олинади.

Бунда ушбу ОТМларнинг биринчи фани чет тили бўлган йўналишларида абитуриентлар ижодий имтиҳон топширади. Инглиз тили бўйича ижодий имтиҳон компьютер вариантда, қолган тиллар бўйича эса қоғоз вариантда олиниши режалаштирилмоқда.

Бу йўналишларга топширадиган абитуриентлар учун энг мураккаб ва таваккалли томони – улар мана шу 6 та ОТМ доирасидагина 5 та йўналиш танлаши мумкин бўлади. Сабаби бошқа ОТМларда чет тили имтиҳони тест кўринишида олинади ва саволлар тури бир-биридан фарқ қилади.

6️⃣ Баъзи йўналишларда имтиҳон олинадиган фанлар ўзгарган. Давлат ОТМларида таълим йўналишлари сони – 461 та, шундан 7 фоизида 2 та фаннинг ўрни ўзгарган. Битта фан ўзгарган таълим йўналишлари эса 2,8 фоизни ташкил қилган бўлса, фақатгина битта йўналиш – биотиббиёт муҳандислиги йўналишида мутахассислик фанлари бутунлай ўзгарган.

Жумладан, филология ва ўзбек тили ва адабиёти йўналишларида ҳам иккинчи фан – тарих ўрнига чет тили киритилди.

7️⃣ Мактаб ёки коллеж, лицейни бир йил аввал тугатган абитуриентларнинг барчаси кириш имтиҳонларида қатнашиш учун пул тўлайди. Бу йилдан бошлаб кириш имтиҳонлари учун тўлов ундирилмайдиган абитуриентлар тоифасига:

➖ «Ижтимоий ҳимоя ягона реестри» ахборот тизимида рўйхатга олинган шахслар ва уларнинг фарзандлари;
➖ «Ёшлар дафтари»да рўйхатда турувчи ёшлар ҳам киритилди.

▫️ Бунгача озод қилинганлар рўйхатида ногиронлиги бўлган шахслар ва меҳрибонлик уйлари болалари, болалар шаҳарчасининг битирувчилари бор эди.

@segmentuz

Эндиликда давлат органлари мансабдор шахслари очиқ маълумотларни эълон қилмаганлиги учун жавобгар бўлади

Сенаторлар маъқуллаган қонунга кўра, очиқ маълумотлар сифатида жойлаштириладиган, ижтимоий аҳамиятга молик бўлган маълумотлар рўйхатига киритилган маълумотларни эълон қилмаганлик ёки тўлиқ эълон қилмаганлик, эълон қилиш муддатларига ва тартибига риоя этмаганлик ёки маълумотларни бузиб кўрсатганлик учун мансабдор шахслар базавий ҳисоблаш миқдорининг уч бараваридан беш бараваригача, агар маъмурий жазо чораси қўлланилганидан кейин бир йил давомида такрор содир этилган бўлса, беш бараваридан ўн бараваригача миқдорда маъмурий жаримага тортилиши назарда тутилмоқда.

@segmentuz

«Ёшлар дафтари»га кирганларга қандай имкониятлар мавжуд?

Президентнинг «Ёшларнинг тадбиркорлик фаолиятини қўллаб-қувватлаш ва бандлигига кўмаклашиш, уларни ижтимоий ҳимоя қилиш ҳамда бўш вақтини мазмунли ташкил этишга оид қўшимча чора-тадбирлар» тўғрисида (20.04.2021й, ПФ-6208-сон) фармонига кўра,

Ёшларни тадбиркорликка жалб қилиш, уларни доимий иш билан банд қилиш, қўшимча даромад олиши учун қулай шарт-шароитлар яратиш бўйича қуйидаги тартиб жорий қилинган.

▪️ 2021 йил 1 майдан бошлаб:

2023 йил 1 январга қадар иш берувчиларга (бюджет ташкилотлари, давлат корхоналари, устав жамғармаси (капитали)да давлат улуши 50 фоиз ва ундан ортиқ бўлган юридик шахслар бундан мустасно) улар томонидан 25 ёшдан ошмаган ходимлар учун тўланган ижтимоий солиқ суммаси Давлат бюджетидан тўлиқ қайтариб берилади. Бунда, ижтимоий солиқ суммаси ёш ходимлар олти ой давомида узлуксиз меҳнат фаолиятини амалга ошириши шарти билан еттинчи ойдан бошлаб қайтарилади;

▪️«Ёшлар дафтари»га киритилган ёшларга тадбиркорлик фаолиятини бошлаш ва ўзини ўзи банд қилишга зарур бўлган асбоб-ускуналар ва меҳнат қуролларини харид қилиш учун базавий ҳисоблаш миқдорининг 40 бараваридан кўп бўлмаган миқдорда «Ёшлар дафтари» жамғармалари ҳисобидан субсидия ажратилади;

▪️«Ёшлар дафтари»га киритилган ишсиз ёшларни ишга қабул қилган тадбиркорлик субъектларига давлат мулкини ижарага олишда ижара тўловларидан имтиёзлар тақдим этилади;

▫️ 2021 йил 1 июндан бошлаб:

«Ёшлар дафтари»га киритилган тадбиркорлик фаолиятини бошлаш учун бино ва иншоотларни ижарага олган ёш тадбиркорларга бир йиллик ижара харажатларининг 30 фоизи, бироқ базавий ҳисоблаш миқдорининг 25 бараваригача бўлган миқдори «Ёшлар дафтари» жамғармалари ҳисобидан компенсация қилинади;

▪️профессионал таълим ташкилотларида таҳсил олаётган «Ёшлар дафтари»га киритилган ёшларга улар ишлаб-чиқариш ёки хизмат кўрсатиш корхоналарида амалиёт ўтаган вақтида, бироқ олти ойдан кўп бўлмаган муддатда профессионал таълим ташкилотлари томонидан Давлат бюджети маблағлари ҳисобидан базавий ҳисоблаш миқдорининг икки баравари миқдорида ҳар ойлик субсидия ажратилади.

@segmentuz