💢 Ҳарбий қисмларда спорт тадбирлари

🤪 Ҳарбий хизматчилар ўртасида соғлом турмуш тарзини кенг тарғиб қилиш, жисмоний тарбия ва спорт билан мунтазам шуғулланишларини таъминлаш мақсадида, Қашқадарё вилояти Деҳқонобод туманида жойлашган ҳарбий қисмларнинг бирида дам олиш куни режасига асосан, арқон тортиш бўйича турнир ўтказилди.

🏆 Унда “Лочинлар”, “Бургутлар”, “Куч адолатда” ва “Кучлилар” жамоалари иштирок этдилар. Ҳар бир жамоа ғолиблик учун шиддатли баҳс олиб борган мусобақанинг финал босқичида “Куч адолатда” ва “Кучлилар” жамолари ўзаро беллашиб, “Кучлилар” жамоаси ғолибликни қўлга киритди. Ғолиб ва совриндорлар диплом ҳамда эсдалик совғалари билан тақдирландилар.

🛟 t.iss.one/sarhad_uz

🏟 Ватан ҳимоячиси бўлишдек шарафли ва масъулиятли касб унинг соҳибларидан ҳам жисмонан, ҳам маънан баркамолликни талаб этади. Шу сабабли, ДХХ Чегара қўшинлари ҳарбий қисм ва бўлинмаларида юқори жанговар тайёргарликни таъминлаш бўйича турли спорт мусобақалари ўтказилиб келинмоқда.

⚽️ Андижон вилоятида жойлашган ҳарбий қисмларнинг биридаги аскарлар ва Булоқбоши туманидаги 22-сонли умумтаълим мактаби ўқувчилари ўртасида футбол ўйини ўтказилди. Ўйин қизғин ва шиддатли курашларга кечиб, якунда ғолиблар муносиб тақдирланди.

🛟 t.iss.one/sarhad_uz

🏢 Музейга саёҳат

📌Фарғона шаҳрида жойлашган ҳарбий қисмларнинг бирида муддатли ҳарбий хизматчиларнинг маданий ҳордиғини таъминлаш мақсадида, “Фарғона вилояти тарихи ва маданияти давлат музейи”га саёҳат ташкил этилди.

☀️ Тадбир давомида музей масъул ходимлари томонидан вилоят тарихи, мазкур ҳудуддан топилган қадимий археологик ёдгорликлар, аждодларимиз-нинг турмуш тарзи, урф-одат ва анъаналарини ўзида акс эттирган экспонатлар хусусида маълумот бериб ўтилди.

🛟 t.iss.one/sarhad_uz

💢Андижон вилояти Хонобод шаҳрида жойлашган ДХХ Чегара қўшинларига қарашли ҳарбий қисмларнинг бирида фаолият олиб бораётган бир гуруҳ ҳарбий хизматчилар учун Андижон шаҳрига саёҳат ташкил этилди.

🎊 Заҳириддин Муҳаммад Бобур юрти бўлмиш Андижон шаҳри ўзининг бой тарихи, меъморий обидалари билан довруқ қозонган. Ҳарбий хизматчилар “Андижон вилояти тарихи” ва “Адабиёт музейи”да бўлиб, аждодларимизнинг қўл излари қолган, ҳар бир тоши тарихдан сўзловчи, асрлар синовига дош берган экспонатлар билан яқиндан танишиб, маънавий озуқа олдилар.

🛟 t.iss.one/sarhad_uz

✅Ҳарбий бўлиш истагидаги ёшлар учун катта имконият

🍀 Термиз шаҳрида жойлашган “Ёш чегарачилар” ҳарбий-академик лицейида таҳсил олиш учун номзодларни жалб қилиш мақсадида, Жиззах вилояти Фориш туманида тарғибот тадбири ўтказилди.

🎤 Тадбирни Фориш туман ҳокимининг ёшлар сиёсати, ижтимоий ривожланиш ва маънавий-маърифий ишлар бўйича ўринбосари Элнора Умматова кириш сўзи билан очиб берди.

Тадбир давомида иштирокчиларга “Ёш чегарачилар” ҳарбий-академик лицейида ўқиш жараёни, лицей ўқувчиларига яратилган шарт-шароитлар ҳақида батафсил маълумотлар берилди. Шунингдек, ушбу маскан фаолиятига оид видеоролик намойиш этилди.

🛟 t.iss.one/sarhad_uz