Дўстим ! Юрагимда тугилди тугун.
Кипригим оғринди ухлолмаган тун.
Айтолмадим сенга ғамгин дардларим.
Дунё айланади менсиз ҳам бир кун.

Қўлимни қўйвординг адашиб қолдим.
Фақат ўзим ёндим,кулга айландим.
Ҳаёлларим ичра мангуга қолдим.
Минг бор тўкилдия пойингга қалбим.

Шумиди тақдирим,шумиди умрим?
Бефойда дайдимоқ эдими сафар?
Ҳатто бир кўнгилга кўнгил қўймадим.
Мендан кечаверди бахт ҳам ҳар сафар.

Йўлларим, йилларим сиздан минг узр.
Сизга беролмадим ибратли ҳаёт.
Ташрифимдан ҳеч ким топмади ҳузур.
Мен кирган даврага бўлавердим ёт!

Ҳатто дўстим сенга келди малолим.
Оғриндинг ҳар битта айтар сўзимдан.
Азалдан қирқилган экан иқболим.
Энди фақат қолди кечмоқ ўзимдан!

Yordin ayro bo'ldim - Allohga yetdim,
Endi na hasrat, na kechmishim qolmadi.
Bu dunyodan kechib, jannatga yetdim,
Endi dunyosida ishim qolmadi...


Ketdim..

Dalalarda qoldingmi sen qoʻzichoqlar bilan quvlashgan bolaligim
Hayotni yerlarda oʻsgan chuchmolar bilan bezalgan gilam deb bilganimni meni nodonligim
Otlar ustida mayin shamol kabi uchgan baxtiyorligim
Tuyalardan qoʻrqmay kaltak koʻtara olgan mardonavorligim
Sigirlar ni qizim deya erkalagan mehridaryoligim
Qaydan bu hislar ketmas boʻldi
Tuproq ifori kabi seni tuyaman hokisorligim
Kunlar,oylar yillar oʻtdi
Koʻrinishimizga tasir etdi bu hayot
Sen ham tasirlanding nahot
Qoʻy yigʻlamagin solmagin dod
Har bahor kelgin qaldirgʻochlar kabi meni yoʻqlab
Qalbimning toʻrida in quray
Ozorlardan asrab seni saqlab
Qishda uchib ketma meni tashlab
Ketar boʻlsang meni ham olib ket qolmayin muzlab
Yana qaytamiz bahor bilan
Soylarda toʻlib oqqan anhor bilan
Yana yerlarda gilam toʻsharmiz anovi gulli
Yomgʻir boʻlib qaytamiz hush iforli
Koʻkda rangorang kamallakka aylanamiz
Qoʻllarimdan tut bulut bilan birga suzamiz
Faqat ketma meni mensiz etib
Samimiyatim beguborligim olib ketib
Qoldirma meni sahrolarda yolgʻiz
men men emasman sensiz
Qayerda endi qoʻzichoqlar bilan quvlashgan qiz

****

ОТАМНИНГ МАКТАБДА ИШИ БОР ЭДИ


Ўша йил жудаям ёмғирли келди,
Томчи ўтди кулбаларнинг томидан.
Юпунлигу намгарчиликлар
Ўтиб кетди одамларнинг жонидан.
Қўшни чол нолиди, ҳамда сўкиниб
Қуюқ булутларга тикилаверди.
Овулдишларимнинг умид гуллари
Шилта жўякларга эгилаверди.
Деҳқонлар нолиди — ғирт бекор эди,
Отам шукр қилди, ғамгин ўйларга
Вақт топа олмади недир суйларга,
Отамнинг мактабда иши бор эди.

Кейинги йил эса қирғоқчиликдан
Дала экинларин томири куйди,
Итимиз ўзини дарёга отди,
Шўрлик чидолмади, жонидан тўйди.
Қўшни чол нолиди, ҳамда сўкиниб
Қисиқ кўзларини қуёшга тикди.
Овулдошларимнинг бардош гуллари
Қатқалоқ жўякка бошини эгди.
Нолиган бошларга калваш тор эди,
Отам шукр қилди, ўлган итимга
Мотам тутишга ҳам вақт тополмади,
Отамнинг мактабда иши бор эди.

Ундан кейинги йил нодон дарахтлар
Баҳор келмасидан гуллашга тушди.
Изғирин кечада, мевадан тортиб
Деҳқончиликлар ҳам ҳавога учди.
Қўшни чолни эса юрак хуружи
Олиб кетди шунда қайтмас манзилга.
Овулдошларимнинг умид гуллари
Қабрдан жой олди у билан бирга.
Қолганлар нолиди, ҳақи бор эди,
Отам дуо қилди қўшнимиз учун,
Мактабга жўнади яна ўша кун,
Отамнинг мактабда иши бор эди.

Навбатдаги йилда тўқчилик бўлди,
Деҳқонлар қалпоғин кўкка отарди
Одамлар уйларин баландроқ қурди,
Қирларда қўй-қўзи мараб ётарди.
Йилнинг охирига бориб сел келди,
Олиб кетди данғиллама уйларни.
Олиб кетди фаровонлик гулию
Ҳовлидаги қўра-қўра қўйларни.
Мазлумлар нолиди, оч-наҳор эди,
Отам кўзидаги селлари билан
Курашиб жўнади балчиқли йўлдан,
Отамнинг мактабда иши бор эди.

Очиғи, шаҳарда қолмоқ важидан
Орзу этагига ёпишган менман.
Аммо тушларимда хабар оламан
Орзу рангларини билмаган элдан... —
Қўшни кампир нолир: “Чолим-а чолим,
Мени кўмиб кетди ташвишларига.
Бўғдойим йиқилди, қуриди шолим...”.
Жовдираб қарайди ковушларига.
Бошқалар ҳомуза, кампир хор эди,
Дардкаш керак эди овулдошимга,
Отам, отагинам, на нолиш қилди,
На нодон атади қишлоқдошини.
На шоҳлар ҳақида ғийбат тўқиди,
На кулфат, на улфат, на тўй ҳашамда
Тақдирни сўкарди... Шукр қилди у.
Отамнинг иши йўқ эди одамда,
Отамнинг мактабда иши бор эди.


Бек АЛИ
2020 йил. Май.
Тошкент.

ЙЎЛОВЧИ

Бу йўл шундай эди, манзилим қаён?
Шундай кўкламларда қилсайди аён.

Иккимиздан қолар изларни кўрдим,
Ортимдан мунғайган кузларни кўрдим.

Бу йўл шундай эди, манзилим олис,
Ёнимда бўл, ёрим, ёнмагин ёлғиз.

Қадамларим сўзлар сенинг ҳақингда,
Ситамларим сўзлар сенинг ҳақингда.

Бу йўл шундай эди, ёмғир, қорда ҳам,
Товонларим агар чўғда қолса ҳам -

Кўнгил кўпригидан олиб ўтажак,
Синов, кўригидан олиб ўтажак.

Бу йўл шундай эди, Сўзга ташнадир,
Дилинг бунча улфат, руҳинг чашмадир.

Унинг Сўздан бошқа қўлловчиси йўқ,
Иккимиздан бошқа йўловчиси йўқ...

Шоди ОТАМУРОД

Фейсбукдан

❄️❄️❄️

yurakni o‘rtaga qo‘yib yig‘lasang,
hech kim indamasa...
to‘yib yig‘lasang,

qaysidir kun,
va qaysi istak,
qaysidir bir yurak,
...kuyib yig‘lasang

yana nimalardir degim keladi,
yana nimalardir va yana nimalar
hech narsa haqida uzoq o‘ylasam,
hech narsa haqida hech narsa desam...
xalaqit bermasa hech narsa
hech kim

yurakni o‘rtaga qo‘yib yig‘lasang,
hech kim indamasa...
to‘yib yig‘lasang...

*

she’r emas bu,
yonayotgan dard,
kuyayotgan yurak,
kul bo‘lgan sevgi

mensiz kechalarning shodon kulgusi...
mensiz kulgularning baxtli kechasi...

she’r emas bu,
yo‘q-yo‘q...
yo‘q-yo‘q bu sog‘inch
shunday sog‘inchki sog‘inishni sog‘ingan...

mayli,xayr!

*

alvido!

birgina so‘z biiiittagina so‘z
umrimda fasllarning qorishiq rangi

juda
juda
juda

alvidoga alvido degim keladi...

*

hech kim indamasa...
to‘yib yig‘lasang !!!

✍ ...

@InjaTuygular

🔥Ҳолим не бўларкин бир куни ўлсам...

Ҳолим не бўларкин бир куни ўлсам,
Жаннатми, дўзохми қайдир маконим...
Савобларим кўпми ёки гунохлар,
Жавоб тополмайин қийналар жоним...

Ҳолим не бўларкин бир куни ўлсам,
Аллоҳ тавбаларим қиларми қабул...
Кимнидир юрагин вайронлар қилиб,
Кимнингдир қалбида ўстирганман гул...

Ҳолим не бўларкин бир куни ўлсам,
Пешонамни кечроқ ўпди жойнамоз...
Этим жимирлайди буни ўйласам,
Яхшилигим сони ёмонимдан оз...

Ҳолим не бўларкин бир куни ўлсам,
Қўлимдан тортади вақтлар тинмай...
Ўлим ҳақ биз банда Аллоҳ кечирсин,
Ким боқий яшади тобутга минмай...

Ҳолим не бўларкин бир куни ўлсам,
Саждага кўзимдан ёғади ёмғир...
Ўта оларманми бу синовлардан,
Ҳаёт имтихони бунчалар оғир...

Ҳолим не бўларкин бир куни ўлсам,
У ерда ёрдамга келмайди биров...
Беправолик қилиб шунча йил ўтди,
Яқинда сочимга оралар қиров...

Ҳолим не бўларкин бир куни ўлсам,
Қилган хатоларим кечиргин ё Раб...
Илтифот қил тангрим ҳидоят бергин,
Яшайман бир умр жаннатинг сўраб...

Ҳолим не бўларкин бир куни ўлсам...
😢😢