#SayyorQabul #Toshkent #HududlardanXabarlar

💬 Aholi murojaatlari yechimiga doir sayyor qabul o‘tkazdi

Toshkent shahri Chiqindilarni boshqarish va sirkulyar iqtisodiyotni rivojlantirish boshqarmasi tomonidan “Maxsustrans ICHB” DMning Mirobod tuman filiali mas’ullari ishtirokida "Qo‘yliqota" mahallasida sayyor qabul tashkil etildi.

Ochiq muloqotda mahalla fuqarolarining sohaga doir mavjud murojaat va takliflari birma-bir tinglanib, ijobiy yechimi bo‘yicha choralar ko‘rildi.

Jarayonda aholiga chiqindi xizmatlari uchun yuzaga kelgan yangi qarzdorliklarni o‘z vaqtida bartaraf etmagan taqdirda 2025-yil 1-avgustdan ishga tushadigan elektr energiyasi to‘loviga cheklov joriy etilishi tartib haqida ham batafsil tushuntirishlar berildi.

Veb-sayt | Telegram | Facebook | Instagram | YouTube

#HududlardanXabarlar #Surxondaryo

🎹 Surxondaryoda chiqindilarni boshqarish sohasidagi faoliyat samaradorligi o‘rganildi

Surxondaryo viloyati Chiqindilarni boshqarish va sirkulyar iqtisodiyotni rivojlantirish boshqarmasi tomonidan Qiziriq va Bandixon tumanlarida xizmat ko‘rsatayotgan sanitar tozalash korxonasi “Qiziriq Invest” MCHJ faoliyati o‘rganildi.

Unda “Toza makon” billing tizimida abonentlarni to‘liq identifikatsiyadan o‘tkazilgani, sanitar tozalash xizmatida to‘lov intizomi va ijtimoiy himoyaga muhtoj aholining mavjud qarzdorliklarini kamaytirish masalalari ko‘rib chiqildi.

Shuningdek, fuqarolarga qarzdor abonentlar uchun tatbiq etiladigan yangi tartib bo‘yicha hamda chiqindilarni olib chiqishda belgilangan grafik vaqtlari to‘g‘risida tushuntirishlar berildi.

Qolaversa, ommaviy oferta shartlariga muvofiq yuridik shaxslar o‘rtasida xizmat qamrovini kengaytirish choralari ko‘rilib, sanitar tozalash korxonasi faoliyatidagi muammolar tahlil qilindi va ularni bartaraf etish bo‘yicha chora-tadbirlar belgilandi.

Veb-sayt | Telegram | Facebook | Instagram | YouTube

#HududlardanXabarlar #Sirdaryo

🟡 Hududlarda chiqindilarni boshqarish sohasidagi qonunchilik targ‘iboti olib borildi

Sirdaryo viloyati Chiqindilarni boshqarish va sirkulyar iqtisodiyotni rivojlantirish boshqarmasi mas’ullari tomonidan sohaga oid qabul qilingan qonunlarning mazmun-mohiyati yuzasidan “Boyovut”, “Farxod” va “Beruniy” MFYda targ‘ibot ishlari olib borildi.

Unda agentlik va boshqarma vakillari, mahalla faollari, tadbirkorlik subyektlari vakillari qatnashib chiqindilarni to‘plash, olib chiqish va to‘lov intizomiga doir aholining huquqiy savodxonligini oshirishga qaratilgan targ‘ibot ishlari hamda qonunchilik yuzasidan tushuntirish ishlari olib borildi.

Veb-sayt | Telegram | Facebook | Instagram | YouTube

#HududlardanXabarlar #Jizzax

✅Jizzax: “Mahallani chiqindidan xoli hududga aylantiramiz” aksiyasi davom etmoqda

Jizzax viloyati Chiqindilarni boshqarish va sirkulyar iqtisodiyotni rivojlantirish boshqarmasi hamda sanitar tozalash korxonalari tomonidan Arnasoy tumanida navbatdagi tozalik tadbiri o‘tkazildi.

“Mahallani chiqindidan xoli hududga aylantiramiz” shiori ostida tashkil etilgan tozalik aksiyasi doirasida “Eko-sfera” MCHJ va “Toza hudud” davlat korxonasi xodimlari tumandagi 11 ta mahallani chiqindilardan tozalab, obod etishga hissa qo‘shdi.

Jarayonlarda viloyatning 10 ta shahar va tumanlaridan 13 ta maxsus texnika vositasi jalb etilib, eko hasharda nafaqat mas’ullar qolaversa mahalliy ko‘ngilli fuqarolar ham faol ishtirok etdi.

Ayni paytda viloyat bo‘ylab aholi xonadonlari, korxona va tashkilotlardan yig‘ilgan, shuningdek, belgilanmagan joylarga tashlangan chiqindilarni bartaraf etish ishlari jadal davom ettirilmoqda.

Veb-sayt | Telegram | Facebook | Instagram | YouTube