Т/х сирин арендаҕа ыларга докумуон хомуйсууга киһи тилэҕэ элэйэр. Ол да иһин үксүгэр дьон бу хайысханы ылсарын ыарырҕатар. Быраҕыллыбыт сири оҥорууга элбэх техника, сыра-сылба, уматык да наада. Ол барыта харчы.

Бэҕэһээ үчүгэй сонун таҕыста.

Т/х анаммыт сирдэри туһаҕа таһаарыыга уонна мелиоративнай комплексы сайыннарыыга тосхол кэҥээтэ.

Докумуоҥҥа олоҕуран, билигин федеральнайдааҕы өйөбүлү т/х оҥорон таһаарааччылар эрэ буолбакка, селекция үлэтин ыытар уонна сиэмэни оҥорон таһаарар, сири мелиорациялыыр уонна кырыһы өҥ оҥорор наука уонна үөрэх тэрилтэлэрэ ылыахтарын сөп.

Уураахха сурулларынан, т/х оҥорон таһаарааччы мелиорацияҕа бырайыагын ороскуотун 50 — 90% диэри федеральнай бюджет уйунар.

Биһиги былырыыҥҥыттан от олордуутунан дьарыктанабыт. ЯНИИСХ-ны кытта үлэлэһэн, Саха сиригэр селекцияланан тахсыбыт сиэмэни эһиил олордуохпут.

#сирдээхдьон