Суруналыыстар кэлбиттэригэр ыйытабын: "Сүөһү-сылгы иитиитинэн дьарыктанар дьоҕус дэриэбинэҕэ саамай сүрүн киһи кимий?" - диэн.

Тохтуу түһэн баран, Айтаана: "Ветеринар!" - диэтэ.

Оннук, хаһаайыстыбалаах дьоҥҥо саамай көмөлөһөөччүбүт бэтэринээр буолар. Татьяна Владимировна Яндреева атынан кэлбитигэр суруналыыс кыргыттар олус дьиибэргии, үөрэ көрүстүлэр. Хоточчу сүөһүтүн-сылгытын биэс тарбаҕын курдук билэр исписэлиис информацията олус наада буолан, ыҥырбыппыт.

Татьянаҕа махтал, кэлэн тыа сирин тутаах экономикатын билиһиннэрбиккэр.

Татарстаан баараҕай агро-комплекстарын көрө үөрэммит кыргыттар, биһиги саах сыбахтаах хотоммутун олус интэриэһиргээтилэр. "Туох матырыйаалтан турарый?" диэтилэр. Оттуур сирдэри, от үүннэрэр бааһынабытын токкоолоһон ыйыттылар.

Саха сирин фермердарын өйүүр ханнык судаарыстыбаннай бырагыраамалар баалларын интэриэһиргээтилэр.

#тыасирэ #бэтэринээр #сүөһүсылгы