#Qonunchilikdagi_yangiliklar #Huquqiy_asoslar #Davlat_kadastrlari_palatasi #Vazifalar

🔰 Loyiha doirasida:

➖ qishloq xo‘jaligiga mo‘ljallangan yerlarda – faqat qishloq xo‘jaligi ishlab chiqarishi uchun qishloq xo‘jaligi maqsadlarida;

➖ qishloq xo‘jaligiga mo‘ljallanmagan yerlarda – qonunchilik bilan taqiqlanmagan har qanday faoliyatni amalga oshirish mumkin.

⚠️ Yakka tartibdagi uy-joy va ko‘p kvartirali uylar qurilishini nazarda tutuvchi loyihalar yirik investisiya loyihasi hisoblanmaydi va ko‘rib chiqilmaydi.

❌ Tanlangan yerga bo‘lgan huquqning bozor qiymatidan kam qiymatdagi yirik investisiya loyihasi bo‘yicha takliflar ko‘rib chiqilmaydi.

🖥 Bo‘sh turgan yer uchastkasi bo‘yicha hujjatlar yig‘ma jildi Kadastr agentligining Davlat kadastrlari palatasi tomonidan “YERELEKTRON” AAT orqali tayyorlanadi.

BATAFSIL

#Qonunchilikdagi_yangiliklar #kadastr

190 ta normativ-huquqiy hujjat korrupsiyaga qarshi ekspertizadan o‘tkaziladi

“Normativ-huquqiy hujjatlar va ularning loyihalarini korrupsiyaga qarshi ekspertizadan o‘tkazishni yana-da takomillashtirish chora tadbirlari to‘g‘risida”gi Prezident qarori (PQ–5263-son, 22.10.2021 y.) qabul qilindi

🔰 Qarorga ko‘ra, normativ-huquqiy hujjatlarni korrupsiyaga qarshi ekspertizadan o‘tkazish tartibi joriy etiladi. Bunda:

➖ amaldagi normativ-huquqiy hujjatlar bosqichma-bosqich to‘liq korrupsiyaga qarshi ekspertizadan o‘tkaziladi;

➖ normativ-huquqiy hujjatlar loyihalarini ishlab chiqishda korrupsiyaviy omillarni aniqlash bo‘yicha namunaviy shakldagi savolnoma (cheklist) to‘ldirilib, loyiha qabul qilingunigacha bo‘lgan bosqichlarda unga ilova qilinadi;

➖ cheklist to‘ldirilmagan loyihalar adliya organlari tomonidan huquqiy ekspertizadan o‘tkazilmaydi va ishlab chiquvchiga qaytariladi;

➖ normativ-huquqiy hujjatlar va ularning loyihalarida aniqlangan korrupsiyaviy omillar tegishli davlat organlari va tashkilotlari faoliyatini baholashning asosiy mezonlaridan biri etib belgilanadi.

🔎 Qarorga ko‘ra, 2021 yilda amaldagi 190 ta normativ-huquqiy hujjat korrupsiyaga qarshi ekspertizadan o‘tkaziladi.

✅ 2022 yil 1 yanvardan ilmiy tashkilotlar va OTM vakillari hamda jismoniy shaxslar – mustaqil ekspertlar normativ-huquqiy hujjatlar va ularning loyihalarini korrupsiyaga qarshi ilmiy va mustaqil ekspertizadan o‘tkazishi mumkin.

❗️Ekspertizadan o‘tkazish natijalari bo‘yicha xulosalar tegishli davlat organlari va tashkilotlari tomonidan majburiy ko‘rib chiqiladi.

📊 Davlat organlari va tashkilotlari yuridik xizmat xodimlarining normativ-huquqiy hujjatlar va ularning loyihalarini korrupsiyaga qarshi ekspertizadan o‘tkazish faoliyati har olti oy yakunida baholanadi.

📌 Shunga ko‘ra, xodimlarni lavozim maoshlarining 100 foizi miqdorida bir martalik pul mablag‘lari berish orqali rag‘batlantirish yoki ularga nisbatan intizomiy jazo qo‘llash bo‘yicha choralar ko‘riladi.

📋 Qaror bilan shuningdek, qurilish, sog‘liqni saqlash, oliy taʼlim va davlat xaridlari sohalaridagi normativ-huquqiy hujjatlarni korrupsiyaga qarshi ekspertizadan o‘tkazish natijasida aniqlangan korrupsiyaviy omillarni bartaraf etish bo‘yicha “yo‘l xaritasi” tasdiqlandi.

Telegram Instagram YouTube Facebook Web-sayt

#qonunchilikdagi_yangiliklar #yer_soligi

✔️Yuridik va jismoniy shaxslarning yer solig‘ini hisoblash va to‘lash tartibi;
✔️qishloq xo‘jaligiga mo‘ljallangan yerlar uchun qishloq xo‘jaligi yerlarining normativ qiymatiga nisbatan belgilangan soliq stavkasi – 0,95% (Soliq kodeksi 429-modda);
✔️qishloq xo‘jaligiga mo‘ljallangan yerlar uchun yer solig‘i hisobotlarini taqdim etish – joriy soliq davrining 1-mayiga qadar (Soliq kodeksi 431-modda) saqlab qolindi.

🔁Qishloq xo‘jaligiga mo‘ljallanmagan yerlar uchun yer solig‘ining bazaviy stavkalari o‘rtacha 1,07 baravarga indeksatsiya qilindi.

🏗Geologiya-qidiruv va (yoki) qidiruv ishlari uchun ajratilgan yer uchastkalari yuridik shaxslardan olinadigan yer solig‘i soliq solish obyektidan chiqarib tashlandi.

📑Soliq to‘lovchilarga qishloq xo‘jaligiga mo‘ljallanmagan yerlar uchun yer solig‘i bo‘yicha joriy soliq davri uchun soliq hisobotlarini 2022-yil 1-fevralga qadar taqdim etish huquqi berildi. Bunda, ushbu soliqni to‘lash, aylanmadan soliq to‘lovchilar toifasiga kirmaydigan soliq to‘lovchilar tomonidan yillik summaning 1/12 qismi miqdorida 2022-yilning 1-fevraliga qadar amalga oshiriladi.

👉Batafsil

Тelegram | Facebook | Youtube| Instagram

▫️Ko‘chmas mulk ijara shartnomasi faqat elektron shaklda hisobga qo‘yiladi▫️

✍️ Hukumat qarori (150-son, 02.04.2022-y.) bilan Ko‘chmas mulk ijara yoki tekin foydalanish shartnomalarini davlat soliq xizmati organlarida hisobga qo‘yish bo‘yicha davlat xizmatini ko‘rsatish ma’muriy reglamenti tasdiqlandi.

🔰 Reglamentga ko‘ra, ijaraga beruvchi ko‘chmas mulk shartnomasini tuzilganidan 3 kundan kechiktirmay soliq organida hisobga qo‘yishi shart.

#DavKadastrPalata #Qonunchilikdagi_yangiliklar

Ijtimoiy tarmoqlardagi sahifalarimiz:
Telegram | Facebook| Instagram |YouTube

▫️1 iyundan qonunchilikdagi o‘zgarishlar▫️

2022 yil 1 iyundan kuchga kiradigan milliy qonunchilikdagi asosiy o‘zgartirishlar sharhini taqdim etamiz.

🔹Davlat xizmatchilarining ish haqi oshiriladi

🔹Tibbiyot muassasalari tibbiyot, farmasevtika va boshqa xodimlarining oylik lavozim maoshlari oshiriladi

🔹Oliy ta’lim muassasalariga o‘qishga qabul qilishda o‘tkaziladigan kirish test sinovlari uchun kimlar to‘lovlarni amalga oshirmaydilar

🔹Litsenziyalashning yangi tartibi joriy etiladi

🔹Xorijda Tashqi mehnat migratsiyasi agentligining vakolatxonalari ochiladi

🔹Volontyorlar elektron platformasi ishga tushiriladi

🔹Tibbiyot xodimlari emlanadi

🔹Nogironligi bo‘lgan shaxslar uchun qo‘shimcha imtiezlar joriy qilinadi.

🔹Olimlar O‘zbekistonning halqaro reytinglari bilan shug‘ullanadilar.

#DavKadastrPalata #qonunchilikdagi_yangiliklar

Ijtimoiy tarmoqlardagi sahifalarimiz:
Telegram | Facebook| Instagram |YouTube

#Qonunchilikdagi_yangiliklar

❗️Koʻp kvartirali uylarning umumiy mulki hududida qoʻshimcha obyekt qurish taqiqlanadi

“Koʻp kvartirali uylarni boshqarish tizimini yanada takomillashtirish va boshqaruvchi tashkilotlarni moliyaviy sogʻlomlashtirish borasidagi qoʻshimcha chora-tadbirlar toʻgʻrisida”gi Prezident qarori (PQ–346-son, 04.08.2022-y.) qabul qilindi

✅ Qaror bilan 2022-yil 1-sentyabrgacha muammoli kredit qarzi bor uy-joy mulkdorlari shirkatining (JEK) boshqaruv usulini oʻzgartirish boʻyicha umumiy yigʻilish qarori qabul qilinsa, ular davlat tomonidan qoʻllab-quvvatlanadi.

🔰 Bunda:

▫️muammoli bank kreditlari bor shirkatlar bankning xulosasi olingan taqdirda tugatilishi mumkin;
▫️tugatilgan yoki boshqarish usuli oʻzgartirilgan shirkatlar boshqaruvidagi koʻp kvartirali uylarni boshqarish uchun, qoida tariqasida, reytingi yuqori boʻlgan boshqaruvchi tashkilotlar jalb qilinadi;
▫️Uy-joy kommunal xizmat koʻrsatish vazirligi jalb qilingan boshqaruvchi tashkilot faoliyatini, xizmatlar sifatini 6 oy monitoring qiladi va koʻp kvartirali uylarni boshqarish faoliyatini amalga oshirish qoidalariga rioya qilmagan boshqaruvchi tashkilotlarga choralarni qoʻllaydi.

🗓 2022-yil 1-noyabrdan:

🔸koʻp kvartirali uylarni boshqarish organlari boshqaruv faoliyatini, ular elektron reyestrga kiritilgandan soʻng amalga oshiradi;
🔸uylarni qurish loyiha hujjatlarida, kadastr pasportida umumiy foydalanishdagi mulk roʻyxati aniq koʻrsatiladi;
🔸qurilishi tugallangan koʻp kvartirali uylarga ruxsatnoma berilganidan soʻng loyiha hujjatlari, kadastr pasporti va mazkur ruxsatnomaga umumiy mol-mulkni kamaytirish va tutash yerda qoʻshimcha obyekt qurish uchun oʻzgartirish kiritish taqiqlanadi.

manba: @huquqiyaxborot

#Qonunchilikdagi_yangiliklar

❗️Davlat xizmatchilariga tadbirkorlik muassisi bo‘lishi taqiqlanadi

“Davlat fuqarolik xizmati to‘g‘risida”gi Qonun (O‘RQ–788-son, 08.08.2022 y.) Prezident tomonidan imzolandi

✅ Qonun bilan davlat organlarida fuqarolik hizmatini o‘tash tartibi, ushbu sohadagi davlat boshqaruvi, davlat xizmatchilarining huquqiy maqomi belgilandi.

⏩ Davlat fuqarolik xizmatini o‘tashda mazkur Qonun bilan tartibga solinmagan munosabatlarga Mehnat kodeksi qo‘llaniladi.

📝 Davlat xizmatchisi o‘z rahbarining noqonuniy topshiriq va talablarini bajarishdan bosh tortish, korrupsiya haqida xabar berganda davlat himoyasida bo‘lish huquqiga ega.

🚫 Davlat xizmatchisi tadbirkorlik bilan shug‘ullanishi, ularning muassisi bo‘lishi, O‘zbekistondan tashqarida hisobvaraqlar ochishi, chet elda ko‘chmas mulk olishi taqiqlanadi.

📋 Davlat xizmachisi daromadlari va mol-mulki to‘g‘risida deklaratsiya berishi kerak.

🏢 Prezident tomonidan tasdiqlanadigan davlat fuqarolik xizmati lavozimlarining reestri Davlat xizmatini rivojlantirish agentligi tomonidan yuritiladi.

☑️ Davlat xizmatiga davlat tilini biladigan, tegishli malaka talablariga javob beradigan O‘zbekiston fuqarolari qabul qilinadi.

❕Davlat xizmatchilari uchun 5 kunlik ish haftasi va haftasiga 40 soatdan oshmaydigan ish davomiyligi belgilanadi.

🔰 Davlat xizmatchilariga haq to‘lash quyidagilardan iborat:

▫️bazaviy lavozim maoshi;
▫️ko‘p yillik xizmati uchun qo‘shimcha to‘lov;
▫️malaka darajasi uchun qo‘shimcha to‘lov;
▫️eng muhim samaradorlik ko‘rsatkichlarga erishganlik uchun ustama;
▫️hisobot davri yakunlari bo‘yicha rag‘batlantiruvchi to‘lovlar.

⚖️ Davlat xizmatchilariga hayfsan, jarima, ishdan bo‘shatish bilan bir qatorda malaka darajasini pasaytirish va lavozimini pasaytirish tarzidagi intizomiy jazolar ham qo‘llaniladi.

➡️ Davlat xizmatchilariga 27 kundan kam bo‘lmagan yillik asosiy ta’til beriladi.

Qonun rasmiy e’lon qilingan kundan e’tiboran 3 oy o‘tgach kuchga kiradi.

#Qonunchilikdagi_yangiliklar

Mol-mulkka taqiq qo‘yilganligi to‘g‘risidagi elektron maʼlumotlar banki joriy etiladi

Hukumat qarori (468-son, 22.08.2022 y.) bilan Boshqa shaxsga o‘tkazish taqiqlab yoki xatlab qo‘yilgan mol-mulklar elektron maʼlumotlar bankini shakllantirish, yuritish va undan foydalanish to‘g‘risidagi nizom tasdiqlandi

✅ Qarorga ko‘ra, 2022 yil 1 oktabrdan “Notarius” avtomatlashtirilgan axborot tizimida mol-mulkni boshqa shaxsga o‘tkazish taqiqlab (xatlab) qo‘yilganligi, shuningdek taqiqlab (xatlab) qo‘yish bekor qilinganligi to‘g‘risidagi elektron maʼlumotlar banki joriy etiladi.

🔰Maʼlumotlarni elektron maʼlumotlar bankiga kiritishda:

▫️jismoniy shaxsning shaxsiga oid va avtomototransport vositalariga oid maʼlumotlar – Ichki ishlar vazirligi;

▫️yuridik shaxsga oid maʼlumotlar – Adliya vazirligi;

▫️ko‘chmas mulkka oid maʼlumotlar – Davlat soliq qo‘mitasi huzuridagi Kadastr agentligi;

▫️qishloq xo‘jaligi, melioratsiya va yo‘l-qurilish texnikalariga oid maʼlumotlar – Vazirlar Mahkamasi huzuridagi Agrosanoat majmui ustidan nazorat qilish inspeksiyasi;

▫️attraksionlar va ko‘tarish inshootlari (minora kranlari)ga oid maʼlumotlar – Sanoat xavfsizligi davlat qo‘mitasi;

▫️kemalarga oid maʼlumotlar – Transport vazirligi;

▫️kichik hajmli kemalarga oid maʼlumotlar – Favqulodda vaziyatlar vazirligi Kichik hajmli kemalar inspeksiyasining elektron axborot tizimlari orqali real vaqt rejimida amalga oshiriladi.

🔘 Elektron maʼlumotlar banki davlat tilida shakllantiriladi va yuritiladi.

📝 Notarius elektron maʼlumotlar banki orqali mol-mulkni boshqa shaxsga o‘tkazishni taqiqlab qo‘yishi va taqiqni bekor qilishi mumkin.

❕Mol-mulkni boshqa shaxsga o‘tkazishni taqiqlab yoki xatlab qo‘yish, shuningdek, uni bekor qilishda to‘lov undirilmaydi.

⏩ Murojaatga asosan elektron maʼlumotlar bankida mavjud maʼlumotlar notarius va (yoki) notarial arxiv mudiri tomonidan to‘g‘ridan-to‘g‘ri yoki YAIDXP (my.gov.uz) orqali yoxud E-notarius.uz axborot portali orqali taqdim etiladi.

Manba: @huquqiyaxborot

#Qonunchilikdagi_yangiliklar

❗️Dehqonchilik uchun yerlar aholiga 30 yilga ijaraga beriladi

“Dehqon xoʻjaliklari tashkil etishni qoʻllab-quvvatlash orqali aholi daromadlarini oshirish boʻyicha qoʻshimcha chora-tadbirlar toʻgʻrisida”gi Prezident qarori (PQ–373-son, 10.09.2022-y.) qabul qilindi

✅ Qarorga muvofiq, fermerlar va klasterlar foydalanishidagi paxta va gʻalladan qisqartirilgan hamda aholi punktlariga yaqin va suv taʼminoti yaxshi boʻlgan yerlardan 2022-yil yakunigacha qoʻshimcha 20 ming gektar – umumiy 100 ming gektar ekin maydonlari, 2023-yilda 95 169 gektar ekin maydonlari aholiga ochiq elektron tanlov orqali ijaraga beriladi.

🔰 Bunda ekin maydonlari 30 yil muddatga:

▫️suv taʼminoti yaxshi boʻlgan yerlardan – Andijon, Namangan va Fargʻona viloyatlarida 0,15 gektardan 1 gektargacha, boshqa viloyatlarda 0,30 gektardan 1 gektargacha hamda Qoraqalpogʻiston Respublikasida 0,30 gektardan 2 gektargacha boʻlgan oʻlchamlarda;
▫️kam suvli yerlardan – viloyatlarda 0,50 gektardan 1 gektargacha hamda Qoraqalpogʻiston Respublikasida 0,50 gektardan 2 gektargacha boʻlgan oʻlchamlarda ijaraga beriladi.

📝 2022–2023-yillarda ekin maydonlarini aholiga berish uchun oʻtkaziladigan tanlovda 1 ta talabgor ishtirok etsa ham, istisno tariqasida, tanlov oʻtkazilgan hisoblanadi.

☑️ Issiqxona rivojlangan tumanlarda dehqon xoʻjaliklariga ajratib berilgan ekin maydonlarida isitish tizimlarini oʻrnatmagan holda yengil konstruksiyali issiqxonalar qurilishiga ruxsat beriladi.

📌 “Temir daftar”, “Ayollar daftari” va “Yoshlar daftari”ga kiritilgan aholiga dehqon xoʻjaligini uchun yer tanlov orqali ijaraga berilganda, ular daftarlardan chiqarilmaydi va ular uchun barcha imtiyoz va preferensiyalar bir yilga saqlab qolinadi.

@huquqiyaxborot