#jarayon_Samarqand

Joriy yilning 12 oktabr kuni Kadastr agentligi va Davlat kadastrlari palatasining Samarqand viloyat boshqarmasi rahbariyati tomonidan o‘tkazilgan yig‘ilishda mazkur oy davomida viloyatdagi barcha yerdan foydalanuvchilarning yer maydonlari to‘g‘risidagi ma’lumotlarni yagona platformada yig‘ish ishlarini yakuniga yetkazish bo‘yicha belgilangan topshiriqlar ijrosi yuzasidan markazlashgan holda boshqarmada tashkil etilgan shtabda Kadastr agentligining tuman (shahar) bo‘lim xodimlari hamda Davlat kadastrlari palatasining tuman (shahar) filiallari mutaxassislari tomonidan mavjud huquqiy xujjatlar asosida ma’lumotlarni tegishli dasturlarga yuklash hamda o‘rnatilgan tartibda davlat ro‘yxatidan o‘tkazish ishlari amalga oshirilmoqda.

#jarayon_Samarqand

Avval xabar berganimizdek, O‘zbekiston Respublikasi Prezidentining 2021-yil 23-noyabrdagi PQ-20-sonli qarori hamda Vazirlar Mahkamasining 2021-yil 24-noyabrdagi 709-sonli qarori ijrosini ta’minlash yuzasidan viloyat shtabi tashkil etilib, Davlat kadastrlari palatasi Samarqand viloyat boshqarmasining tuman (shahar) filiallari xodimlari qishloq xo‘jaligiga mo‘ljallangan yer uchastkalarini ikkilamchi ijaraga berish tartibi bo‘yicha zaxira yer maydonlarini davlat ro‘yxatidan o‘tkazish ishlarini amalga oshirmoqda.

Unga ko‘ra, Samarqand viloyatida 2022-yil 31-yanvar holatiga Dehqon xo‘jaligi uchun paxta-g‘alla yeridan zaxiraga qaytarish va yer uchastkalarini ijaraga berish rejasi jami 6 303 gektar bo‘lib, shundan, tumanlar kesimida Oqdaryo 270 gektar, Bulung‘ur 606 gektar, Jomboy 232 gektar, Ishtixon 392 gektar, Kattaqo‘rg‘on 564 gektar, Qo‘shrabot 188 gektar, Narpay 564 gektar, Payariq 762 gektar, Pastdarg‘om 1 044 gektar, Paxtachi 326 gektar, Nurobod 185 gektar, Urgut 713 gektar, Toyloq 278 gektar, Samarqand tumanida 179 gektarni tashkil etadi.