#rasmiy_munosabat

Rasmiy munosabat!

🔶"Jomboy tumanidagi Shirinkent MFYda katta stadion qurilishi uchun yer maydonini tenderda sotib olgan “tadbirkor” bugun yerni aholiga naqd pulga pullagan ko‘rinadi" deya ijtimoiy tarmoqlarda murojaat bo‘yicha shuni maʼlum qilamizki.

✅Mazkur holat yuzasidan Dehqonobod qishloq fuqarolar yig‘ini Elaton qishlog‘ida tanlovga qo‘yilgan yer maydoni bo‘yicha tanlov g‘olibi Narmatov Dilshodga, Futbol va basketbol sport zallari, yuvinish xonalari qurulishi uchun 5400 kv.metr yer maydoni doimiy foydalanish huquqi bilan ajratib berilgan.

➡️Batafsil videoda📹

Rasmiy sahifalarimiz 👇

✅ Telegram | YouTube | Facebook

▫️Rasmiy munosabat▫️

⚡️IJTIMOIY TARMOQLARDA AYLANAYOTGAN "10400 AQSH DOLLARI" HAQIDA ANIQROQ

Bugun kunning ikkinchi yarmida deyarli barcha ijtimoiy tarmoq kanallarida "Kadastr muhandisi 10.400 AQSh dollari bilan ushlandi" degan mazmundagi xabarlar tarqaldi.

Aslida 10400 Aqsh dollarini kim olgan?

Demak, joriy yil 21 oktabr kuni fuqaro Sh.Ya. Toshkent viloyat IIBB boshlig‘i nomiga ariza bilan murojaat qilib, o‘z arizasida "Ibroxim" ismli shaxs Yangiyo‘l tumani Xalqobod maxallasi hududidagi “U.Yusupov” nomli agrofirmaga qarashli 32 sotix yer maydonini jami 29.000 AQSh dollariga sotishligini va ushbu yer maydonini Yangiyo‘l tuman kadastr bo‘limida ishlovchi tanishi orqali hujjatlarni rasmiylashtirib berishi evaziga 2.400 AQSh dollari berish kerakligini, shundan "avans" sifatida oldindan kadastr xodimi 400 AQSh dollari va yer maydoni egasi "Ibroxim" ismli shaxs 10.000 AQSh dollari talab qilishayotganligini bayon qilib, ularga nisbatan qonuniy chora ko‘rishni so‘ragan.

Arizaga asosan o‘tkazilgan tezkor tadbir davomida "Ibroxim" deya aytilayoigan fuqaro I.A kelishilgan summadan "avans" sifatida 10.000 AQSh dollarini olayotgan vaqtida, kadastr muhandisi esa 400 AQSh dollari olayotgan vaqtida ashyoviy dalillar bilan ushlangan.

Lekin, ijtimoiy tarmoq sahifalar sarlavhalarida esa "kadastr muhandisi" iborasi birinchi planga qo‘yilib, 10.400 AQSh dollari olganligiga urg‘u berilmoqda.

Ijtimoiy tarmoq egalaridan har bir ma’lumotni yaxshi o‘rgangan holda omma e’tiboriga havola etishlarini so‘rardik, zero birgina yuzaki o‘rganilgan xabar ortidan nafaqat bir insonning balki butun bir tashkilotning nomi qoralanayotganini anglash lozim.

📌 Biz bu rasmiy munosabat orqali xodim tomonidan qilingan noqonuniy harakatni oqlamoqchi emasmiz, aksincha qonun ustuvorligi ta’minlanishi tarafdorimiz. OAVlar va blogerlardan esa ma’lumotni noto‘g‘ri tarqatmasliklarini so‘raymiz.

#DavKadastrPalata #rasmiy_munosabat

Ijtimoiy tarmoqlardagi sahifalarimiz:
Telegram |Facebook|Instagram|YouTube

​​#rasmiy_munosabat

Rasmiy munosabat!

⚡️Yerimni o‘zboshimchalik bilan egallab olishdi deya ijtimoiy tarmoqda chiqqan holat bo‘yicha rasmiy munosabat.

🔶Fuqaro Toshqulov Jaʼfar Jalolovichga Samarqand tuman hokimining 2020-yil 25-avgust № 1457-q sonli qarori bilan MCH “Mexrobod-agrotexservis agrofirmasi yer xaritasining 801-k konturidagi tuman zaxirasidagi yaylov yer maydonidan 0,50 ga dehqon xo‘jaligi tashkil qilish uchun yer maydoni ajratilgan.Toshqulov Jaʼfar Jalolovichga dehqon xo‘jaligi tashkil qilish uchun ajratilgan yer maydonidan fuqaro Ergashev Muxammadsharif tomonidan o‘zboshimchalik bilan egallab noqonuniy simto‘r bilan o‘rab olganligi aniqlangan va ushbu holat bo‘yicha Kadastr agentligi Samarqand tuman bo‘limi hamda tuman hokimligi tomonidan Ergashev Muxammadsharif tomonidan o‘zboshimchalik bilan egallab olingan yer maydonidan majburiy tartibda chiqarish uchun fuqarolik ishlari bo‘yicha Fuqarolik ishlari bo‘yicha Tayloq tumanlararo sudiga Ergashev Muxammadsharifni yer maydonidan chiqarish bo‘yicha daʼvo ariza kiritilgan.

✅Fuqarolik ishlari bo‘yicha Tayloq tumanlararo sudida Da’vogar Samarqand tuman hokimligining javobgar Ergashev Muxammadsharif Ixtiyorovichga nisbatan o‘zboshimchalik bilan qurilgan bino va inshootlar, qurilmalarni buzish, yer maydonidan majburiy tartibda chiqarish hamda javobgarga to‘sqinlik qilmaslik majburiyatini yuklash haqidagi da’vosi qanoatlantirilgan. Javobgar Ergashev Muxammadsharif Ixtiyorovich tomonidan Samarqand tumani, MCh “Mehrobod-agrotexservis” agrofirmasi yer xaritasining 801q-konturidagi qishloq xo‘jaligida foydalanadigan yaylov yerlar hisobidagi jami 1.5 ga yer maydonida o‘zboshimchalik bilan qurilgan 2x3 metrdan iborat, jami 6 kv.metr bo‘lgan qurilma javobgar hisobidan buzdirilsin va 53 metr simto‘r javobgar hisobidan oldirilsin hamda javobgar Ergashev Muxammadsharif Ixtiyorovich Samarqand tumani, MCh “Mehrobod-agrotexservis” agrofirmasi yer xaritasining 801q-konturidagi qishloq xo‘jaligida foydalanadigan yaylov yerlar hisobidagi jami 1.5 ga yer maydonidan majburiy tartibda chiqarilsin. Javobgar Ergashev Muxammadsharif Ixtiyorovich zimmasiga Toshkulov Ja’far Jalolovichni Samarqand tuman hokimining 2020-yil 25-avgustdagi №1457-Q sonli qaroriga asosan MCh “Mehrobod agrotexservis” agrofirmasi yer xaritasining 801q konturidan ajratilgan 0.50 ga yer maydonida dehqon xo‘jaligi yuritish uchun to‘sqinlik qilmaslik majburiyati yuklatilsin deya 2021-yil 24-sentyabr kuni Fuqarolik ishlari bo‘yicha Toyloq tumanlararo sudining HAL QILUV QARORI qabul qilingan. Ushbu holatda Kadastr agentligi Samarqand tuman bo'limi xodimlari o'z vakolati doirasidagi ishlarni amalga oshirgan.

Rasmiy sahifalarimiz 👇

✅ Telegram | YouTube | Facebook

#RASMIY_MUNOSABAT

🔶Ijtimoiy tarmoq orqali “Bizga tegishli yerni kadastr xodimi noqonuniy ravishda boshqalarga sotib yuborgan” mazmunidagi murojaat yuzasidan o‘rganish ishlari olib borilmoqda va Davlat kadastrlari palatasining Samarqand viloyat boshqarmasi tomonidan nazoratga olindi.

🔰Mazkur murojaatdagi holat yuzasidan o‘rganish natijasi bo‘yicha qo‘shimcha axborot beramiz.

MATBUOT XIZMATI.

#RASMIY_MUNOSABAT

🔶Ijtimoiy tarmoq orqali “Yerimizni ogohlantirmay olib qo‘yib, kimoshdida sotishdi” va “Yer qonuniy tartibda olinganmi? Davlatga tegishli to‘lov to‘langanmi?” mazmunidagi murojaatlarda qayd etilgan holatlar bo‘yicha Kadastr agentligining Samarqand viloyat boshqarmasi tomonidan nazoratga olindi hamda o‘rganish ishlari olib borilmoqda.

🔰Mazkur murojaatdagi holatlar yuzasidan o‘rganish natijasi bo‘yicha qo‘shimcha axborot beramiz.

Axborot xizmati.