▫️Ko‘chmas mulk savdosi ortgan▫️

O‘zbekiston ko‘chmas mulk bozorida avgust oyida jadal o‘sish kuzatilgan.

🏢Iqtisodiy tadqiqotlar va islohotlar markazi 2022 yil avgust oyida o‘tkazgan ko‘chmas mulk bozoridagi holat tahliliga ko‘ra:

🔹O‘zbekistonda ko‘chmas mulk oldi-sotdi shartnomalari soni 26,5 mingtani tashkil etdi, bu joriy yilning iyul oyiga (20,3 ming) nisbatan 30%ga (+6,2 ming) ko‘p.

🔹2021 yil avgust oyi bilan taqqoslaganda ko‘chmas mulk oldi-sotdi bo‘yicha shartnomalar soni 22%ga (4,7 mingta) oshdi .

🔹Toshkent shahrida ikkilamchi ko‘chmas mulk bozorida narxlar o‘sishi biroz sekinlashgan va 1,4%ni tashkil etdi (iyun oyida 2,4%, iyul oyida 2,9%).

🔹Hisob-kitoblarga ko‘ra, joriy yil avgust oyida ikkilamchi bozorda uy-joy o‘rtacha narxlari o‘sishi oyiga 0,5%ni tashkil etdi (iyun oyida – 2,7%, iyul oyida-2,5%).

#DavKadastrPalata #statistika #tahlil

Ijtimoiy tarmoqlardagi sahifalarimiz:
Telegram | Facebok | Instagram | You Tube

▫️Murojaatlarga vaqtida javob berilishi lozim❕

💠 Bugun Davlat kadastrlari palatasi Markaziy apparatida Palata raisi rahbarligida barcha hududlarning boshqarma va filiallari boshliqlari ishtirokida kengaytirilgan “ZOOM” yig‘ilishi bo‘lib o‘tdi.

⚪️ Yig‘ilishning ilk mavzusi tizimga joriy yil 9 oy davomida kelib tushgan murojaatlar va ularning tahliliga bag‘ishlandi. Tahlillarga yuzlanadigan bo‘lsak: 2021 yilning 9 oy davomida Respublika bo‘yicha tizimga 8 100 ta murojaatlar kelib tushgan bo‘lsa, qiziqarli tomoni ushbu ko‘rsatkich bu yil 211,5% ga oshib, 17 134 tani tashkil etmoqda. Ya’ni bu joriy yilning mos davriga nisbatan 9 034 taga ko‘p deganidir. Ularning esa turlanishi quyidagicha: topshiriq xatlar, murojaatlar, aholi murojaatlari, call-center orqali og‘zaki va yozma murojaatlar, rahbariyat qabuli, telegram bot va DKPga bevosita kelgan fuqarolarning murojaatlari kabilardir. E’tiborli jihati - tashkilotlarning topshiriq xatlarini hisobga olmaganda, murojaatlarning asosiy qismi aynan call-center orqali kelib tushgan bo‘lib, ularning soni 4 404 tani tashkil etmoqda.

⚪️ Yig‘ilish davomida hududlarda yo‘l qo‘yilayotgan xato va kamchiliklar o‘rtaga tashlandi va muhokama qilindi. Tizimdagi ilg‘orlar namuna qilib ko‘rsatilib, oqsayotgan tumanlar, ya’ni murojaatlarni o‘z vaqtida ijrosini ta’minlamay muddatini o‘tkazgan hududlar – Samarqand, Surxondaryo, Sirdaryo va Toshkent viloyati hamda Toshkent shahar boshqarmalarning murojaatlarga mas’ullari va ijrochilariga nisbatan choralar ko‘rish yuzasidan topshiriq va ko‘rsatmalar berildi.

⚪️ ZOOM platformasi orqali o‘tkazilgan onlayn yig‘ilishda kun tartibidan o‘rin olgan navbatdagi masala Davlatimiz rahbari topshirig‘iga binoan, hozirda boshlangan respublikamizdagi 2 million 600 mingta hujjatsiz uylarning xatlovi bo‘yicha amalga oshirilayotgan ishlarga bag‘ishlandi. Xatlov ishlarida Surxondaryo tumani yaxshi natijalar ko‘rsatayotgani ta’kidlandi. Davlat kadastrlari palatasi raisi tomonidan bu yo‘nalishda ham kamchiliklarga yo‘l qo‘yayotgan hudud mutasaddilariga intizomiy choralar ko‘rilishi ta’kidlab o‘tildi.

Shuningdek, xatlov ishlarini maksimal darajada faollik bilan amalga oshirish yuzasidan ko‘rsatmalar berildi.

#DavKadastrPalata #murojaatlar #tahlil

Ijtimoiy tarmoqlardagi sahifalarimiz:
Telegram |Facebook|Instagram|YouTube