NAZORATDAGI YOSHLAR BILAN UCHRASHUV

Narpay tumani IIB probatsiya guruhi hisobida turgan nazoratdagi yoshlar bilan navbatdagi uchrashuv bo‘lib o‘tdi.

Uchrashuvda tuman IIB boshlig‘i 28 nafar nazoratdagi yoshlar bilan suhbatlashib ularning huquqiy-ijtimoiy muammolarini o‘rgandi.

Shuningdek, ularni bandligini taʼminlash, imtiyozli kreditlar ajratish, kasb-hunarga yo‘naltirish hamda ijtimoiy muammolarini o‘rganib ijobiy hal etish borasida tegishli tashkilotlar bilan hamkorlikda ishlash bo‘yicha aniq vazifalar belgilab olindi.

Uchrashuv yakunida sodir etgan jinoiy qilmishini anglab yetgan va hayotda to‘g‘ri yo‘lni tanlagan 3 nafar nazoratdagi yoshlarga badiiy kitoblar sovg‘a qilindi.

Bu kabi tadbirlar probatsiya nazoratidagi yoshlarga huquqiy-ijtimoiy yordam berish maqsadida tashkil qilinayotgan bo‘lib, tuman bo‘ylab davom ettiriladi.

👉@samiibuz

Sektor rahbari yoshlar bilan uchrashdi   
                                                                 
Urgut tumani IIB boshlig‘i, 3-sektor rahbari M.Kuziyev ishtirokida sektor hududida joylashgan Soy-guzar mahallasida yoshlar bilan “Rahbar va yoshlar”uchrashuvi bo’lib o’tdi.

Unda asosiy e’tibor yoshlarning hayotda o‘z o‘rnini topishi uchun sharoit va imkoniyat yaratish, hudud yoshlarini Oliy ta’lim muassasalariga kirish qamrovini oshirish, kasbga yo‘naltirish, ularni qiynayotgan muammolariga yechim topish kabi vazifalarni amalga oshirishga qaratildi.

Uchrashuv davomida yoshlar o‘rtasida jinoyat va huquqbuzarliklarning oldini olish, ularning bo‘sh vaqtlarini mazmunli tashkil etish, sog‘lom muhitni yaratish kabi mavzularda ochiq va samimiy muloqot qildi.      

Shuningdek, sektor rahbari yoshlarning taklif va muammolarini eshitdi, ularning savollariga  batafsil javob berdi.

👉@samiibuz