#xorij_xabarlari

▶️ Xitoy aholisi ketma-ket uchinchi yil kamaydi

2024-yilda mamlakat aholisi undan oldingi yilga nisbatan 1,29 mln kishiga qisqargan. Xitoyliklar soni 2022-yildan kamayishni boshlagan.

_______

▶️ Istanbul aeroporti yegulik va ichimliklar narxi bo‘yicha dunyodagi eng qimmat aeroport deb topildi

Masalan, unda sendvich narxi 16,50 yevro bo‘lsa, Londondagi aeroportda 7 yevro (eng arzon).

______

▶️ Nokia smartfonlar bozorini tark etmoqda

Nokia brendi ostida smartfonlar ishlab chiqarish va sotish bilan shug‘ullanuvchi Finlyandiyaning HMD Global kompaniyasi ularni sotuvdan olib tashladi. Endi kompaniya veb-saytida smartfonlarni xarid qilish imkoni yo‘q.

______

▶️ Mercedes-Benz E-Class dunyodagi eng xavfsiz avtomobil deb topildi

Xitoyning Zeekr X krossoveri esa elektromobillar orasida xavfsizlik bo‘yicha birinchilikni qo‘lga kiritdi.

______

▶️ Har 45 daqiqada bitta millioner Buyuk Britaniyani tark etmoqda

Bunga bosh vazir Kir Starmer boshchiligidagi Leyboristlar partiyasining soliq siyosati sabab bo‘lmoqda, deb xabar berdi The Times.

______

▶️ Haj va Umra ziyorati uchun emlanganlik haqida sertifikat talab etiladi

Saudiya Arabistoni Sog‘liqni saqlash vazirligi xabariga ko‘ra, mamlakatga Umra va Haj ziyorati yoki ziyorat davrida mavsumiy ishlash uchun keladiganlar meningit infeksiyasiga qarshi emlangan bo‘lishi kerak.

✈️ @samarkandnews_uz

📱 Web-sayt | 📱 Telegram | 📱 Facebook

#xorij_xabarlari

▶️ SpaceX kompaniyasi oyga 2 ta xususiy modulli raketani uchirdi

SpaceX kompaniyasi AQSH va Yaponiyadagi xususiy kompaniyalar tomonidan qurilgan ikkita oy modulini olib yuruvchi Falcon 9 raketasini uchirdi.
Floridadagi Kennedi kosmik markazidan "Falcon 9" raketasi uchirilishi, 15 yanvarga o‘tar kechasi bo‘lib o‘tgan edi. "Falcon 9" Oy orbitasiga yetib borgach, qo‘nuvchilar ajralib chiqishi va mustaqil tadqiqot o‘tkazishi rejalashtirilgan.

_______

▶️ Kanada G‘azodan kelgan falastinliklarga bir martalik to‘lovlarni taqdim etadi

Ushbu bir martalik to'lov miqdori kattalar uchun 3000 dollar va bolalar uchun 1500 dollar.
Viza va biometrik xarajatlar ham qoplanadi.
______

▶️ TikTok AQSHdagi faoliyatini to‘xtatdi, ilova App Store'dan ham o‘chirib tashlangan

Foydalanuvchilar Xitoyning ByteDance kompaniyasi bilan bog‘liq CapCut, Lemon8, Gauth va Hypic ilovalari ham ishlamay qolganini aytmoqda.
Xizmat Qo‘shma Shtatlarda platformaga nisbatan federal taqiq kuchga kirishidan oldin ishlashdan to‘xtadi. Reuters ma’lumotiga ko‘ra, ilovani ochishga urinish vaqtida foydalanuvchilar TikTok'ning mavjud emasligi haqida xabar olishmoqda.

______

▶️ Telegram asoschisi Pavel Durov Fransiya sudi yig‘ilishida messenjerda moderatsiyani yaxshilashga va'da berdi

Bu haqda dekabr oyi boshida bo‘lib o‘tgan uchrashuv stenogrammasiga tayanib "France Info" yozmoqda.
Durov shuningdek, so‘nggi olti oy ichida platforma rahbariyati 10 ming foydalanuvchi haqidagi ma'lumotlarni turli mamlakatlar rasmiylariga topshirganini aytdi, ularning to‘rtdan bir qismi AQSH rasmiylari bo‘lgan.

______

▶️ Islom Maxachev chempionlik kamarini o‘zida saqlab qoldi

Yengil vazn toifasida rossiyalik UFC chempioni Islom Maxachev Los-Anjelesda yakunlangan UFC-311 turnirining asosiy jangida braziliyalik Renato Moikanoni mag‘lub etdi. Jang 3 daqiqa 31 soniya davom etdi. Maxachev birinchi raunddayoq raqibini bo‘g‘ish usulida mag‘lub etdi. Ushbu g‘alaba bilan u chempionlik kamarini o‘zida saqlab qoldi.

✈️ @samarkandnews_uz

📱 Web-sayt | 📱 Telegram | 📱 Facebook

#xorij_xabarlari

▶️ Tramp Ukrainadagi urushni tugatishga va’da berdi

Inauguratsiyasi arafasida o‘tkazilgan mitingda Tramp uchinchi jahon urushining oldini olish va Yaqin Sharqda tartibsizlikni to‘xtatish niyatini ham ma’lum qildi.

______

▶️ Suriya uch davlatdan tovarlar import qilishni taqiqladi

Suriya o‘tish davri hukumatining moliya vazirligi Rossiya, Eron va Isroil tovarlari importini taqiqladi. Bu haqda “Al Arabiya” xabar berdi.
Bildirilishicha, bu qaror Suriyaga boshqa mamlakatlar, jumladan, AQSHdan keladigan import oqimiga yo‘l ochgan.

______

▶️ Yun Sok Yol yakka tartibdagi kameraga joylashtirildi

Hibsga olingan Janubiy Koreya prezidenti Yun Sok Yol sudning rasmiy hibsga olish qaroridan so‘ng Seuldagi hibsxonaning 12 kvadrat metrli yakka tartibdagi kamerasiga joylashtirildi. Bu haqda “Yonhap” xabar berdi.

______

▶️ Shveysariyada Usmonovga tegishli aktivlarning bir qismi blokdan chiqarildi

Shveysariya Iqtisodiy masalalar bo‘yicha davlat kotibiyati (SECO) avval Alisher Usmonov bilan bog‘liq bo‘lgan trastlarning Credit Suisse bankidagi hisobidan 6,5 million yevrodan ortiq mablag‘ni blokdan chiqardi. Ushbu mablag‘lar boshqa yurisdiksiyalarda mol-mulkni saqlash bilan bog‘liq xarajatlarni to‘lash uchun ishlatiladi. Bu haqda “Tages-Anzeiger” nashri xabar berdi.

______

▶️ Qozog‘iston benzin narxini tartibga solishni bekor qilmoqchi

Qozog‘iston benzin narxini tartibga solishni bekor qilishni rejalashtirmoqda. Bu haqda mamlakatning Ochiq yuridik shaxslar veb-saytida e’lon qilingan hujjatdan keltirilgan.
Mamlakatning Energetika vazirligi qo‘shni davlatlar bilan narxlardagi farqni bartaraf etish va kulrang eksport xavfini kamaytirish uchun yoqilg‘i-moylash materiallari narxini tartibga solishdan bosqichma-bosqich voz kechmoqchi.

📱 Web-sayt | 📱 Telegram | 📱 Facebook

#xorij_xabarlari

▶️ Tramp davrida AQSH Iqlim bo‘yicha Parij kelishuvidan chiqadi

Bu haqda Reuters agentligi Oq uyga tayanib xabar berdi. Tramp global iqlim o‘zgarishiga shubha bilan qaraydi va uni “uydirma” deb hisoblaydi. AQShning saylangan prezidenti Amerika neft va gaz kompaniyalarini yonilg‘i qazib olish bo‘yicha cheklovlardan ozod qilmoqchi.

______

▶️ Vatikan tarixida birinchi marta ayol kishi gubernator bo‘ladi

Rim papasi Fransisk mart oyidan rohiba Rafaella Petrini Vatikan gubernatori etib tayinlanishini e’lon qildi. Gubernator amalda bosh vazir vakolatlariga ega bo‘ladi va Rim papasi nomidan Vatikanni boshqaradi.

______

▶️ Tramp Putin bilan “imkon qadar tezroq” uchrashishni rejalashtirayotganini aytdi

U bu borada Rossiya tomoni bilan muzokaralar olib borilayotganini ta’kidladi. Bundan tashqari, Trampning aytishicha, Zelenskiy unga Rossiya bilan tinchlik bitimi tuzishga tayyorligini bildirgan.

______

▶️ Yaponiyada keksa va yolg‘iz ayollar qashshoqlikdan qutulish uchun qamoqxonaga tushishga urinmoqda

Qamoqxonada ularga oziq-ovqat beriladi, tibbiy xizmat va boshqa yordam ko‘rsatiladi. Shu sababli jazoni o‘tab chiqqan ayollar qamoqqa qaytish uchun yana jinoyat qilmoqda.

______

▶️ Turkiyadagi mehmonxonada dahshatli yong‘in yuz berdi. Kamida 10 kishi halok bo‘ldi, odamlar vahima ichida derazadan sakragan

Voqea Turkiyaning Bolu shahridagi mashhur tog‘-chang‘i kurortida sodir bo‘lgan. Kartalkay mehmonxonasining restoranida yong‘in chiqqan.

📱 Web-sayt | 📱 Telegram | 📱 Facebook

#xorij_xabarlari

▶️ Samsung 2025-yilda ilk uchbuklama smarfonlarini chiqaradi

Tri Fold smartfonlari yiliga 200 ming dona ishlab chiqarilishi rejalashtirilmoqda.

______

▶️ Kolumbiya prezidenti qurolli guruhlar o‘rtasidagi to‘qnashuvlar tufayli mamlakatda favqulodda holat e’lon qildi

Mamlakat hukumati so‘l radikal partizanlarga qarshi urush e’lon qildi, ularning harakatlari tufayli 100 ga yaqin odam halok bo‘lgan.

______

▶️ Panama Tramp ustidan BMTga shikoyat qildi

Trampning Panama kanalini egallab olish haqidagi nutqidan so‘ng Panama hukumati BMT bosh kotibi nomiga shikoyat yubordi, deb yozmoqda Reuters.

______

▶️ Janubiy Koreyada so‘nggi to‘qqiz yil ichida birinchi marta tug‘ilish darajasining o‘sishi qayd etildi

2024-yilning yanvar-noyabr oylarida mamlakatda 220 ming nafar bola tug‘ilgan, bu avvalgi yilning shu davriga nisbatan 3 foizga ko‘p.

______

▶️ Turkiyada yong‘in oqibatida halok bo‘lganlar soni 66 kishiga yetdi

Turkiyaning Kartalkaya tog‘-chang‘i kurortidagi mehmonxonada sodir bo‘lgan yong‘in oqibatida halok bo‘lganlar soni 66 kishiga yetdi, 51 kishi jarohatlandi.

📱 Web-sayt | 📱 Telegram | 📱 You Tube | 📱 Facebook

#xorij_xabarlari

▶️ Buyuk Britaniyada ultratovush yordamida inson kayfiyatini ko‘taradigan chiplar sinovdan o‘tkaziladi

Chip miyaga yaqin joylashtiriladi va unga tovush to‘lqinlari bilan ta’sir ko‘rsatadi. Natijada nafaqat kayfiyatni ko‘tarish, balki depressiyani ham davolash mumkin bo‘ladi.

______

▶️ Saudiya Arabistoni AQSh bilan savdo va investitsiyalarni 600 milliard dollarga ko‘paytirmoqchi

Saudiya valiahd shahzodasi AQSH prezidenti Tramp bilan telefon suhbatida ikki mamlakat o‘rtasidagi savdo hajmini oshirish ustida ishlashga va’da bergan.

______

▶️ Qirg‘iziston poytaxtini ko‘chirish taklif qilinmoqda

Qirg‘iziston parlamenti yig‘ilishida deputat Baxitbek Maripov poytaxtni yangi qurilayotgan Asman shahriga ko‘chirish va Vazirlar Mahkamasini shu yerda joylashtirishni taklif qildi.

Maripovning fikricha, kabinetni Bishkekdan ko‘chirish transport bilan bog‘liq muammoni hal qiladi.

______

▶️ Fransiya Bashar Asadni hibsga olish uchun order berdi

Fransiyadagi tergov sudyalari Suriyaning sobiq prezidenti Bashar Asadni 2017-yilda Arab Respublikasidagi tinch aholi manzillarini bombardimon qilishda ishtirok etganlikda ayblab, hibsga olish uchun navbatdagi orderni berdi.

______

▶️ Donald Tramp muhojirlarning AQSH janubiy chegarasi orqali kirishini to‘xtatish haqidagi farmonni imzoladi

Tramp mas’ullarga AQSHga janubiy chegara orqali kirgan noqonuniy muhojirlarni chiqarib yuborish uchun barcha choralarni ko‘rishni buyurdi.

📱 Web-sayt | 📱 Telegram | 📱 Facebook | 📱 You Tube

#xorij_xabarlari

▶️ Moskvaga tunda uyushtirilgan dronlar hujumi qaytarildi

Moskva meri Sergey Sobyanin havo hujumidan mudofaa kuchlari beshta okrugda dronlarni urib tushirganini ma’lum qildi. Jabrlanganlar yo‘q.

Dron hujumi sababli Moskvaning Domodedovo va Jukovskiy aeroportlarida vaqtinchalik cheklovlar joriy etildi: reyslarni qabul qilish va jo‘natish to‘xtatildi.
______

▶️ Cadillac o‘zining eng tezkor avtomobilini taqdim etdi

Cadillac Lyriq-V elektromobili atigi 3,3 soniyada noldan 100 km/soatgacha tezlasha oladi.

______

▶️ Xalqaro jinoyat sudi prokuraturasi “Tolibon” rahbari Haybatulloh Oxundzodani hibsga olish uchun order so‘radi

Oxundzoda va “Tolibon”ning Oliy sud rahbari Abdulhakim Haqqoniy ayollar va qizlarni, shuningdek, ularning yonini olganlarni ta’qib qilganlikda ayblanmoqda.

______

▶️ Sud Trampning tug‘ilganlik asosida fuqarolik olish huquqini cheklashga qaratilgan farmonini to'xtatdi

AQSH Prezidenti Donald Trampning tug‘ilganlik asosida fuqarolik olish huquqini cheklashga qaratilgan farmoni Federal sud tomonidan vaqtinchalik to‘xtatib qo‘yildi. Bu haqda Vashington shtati Sietl shahridagi federal sudya Jon Koenurga tayanib, “The New York Times” xabar berdi.

Eslatib o‘tamiz, Donald Tramp joriy yilning 20-yanvar kuni Oq uyga qaytganidan so‘ng bir nechta farmonlarga imzo chekkan, ulardan biri AQSH hududida tug‘ilgan har bir kishiga avtomatik ravishda fuqarolik berishni cheklashga qaratilgan edi.

📱 Web-sayt | 📱 Telegram | 📱 Facebook | 📱 You Tube

#xorij_xabarlari

▶️ Saudiya Arabistoni AQSHga 600 milliard dollar sarmoya kiritadi

Saudiya Arabistoni valiahd shahzodasi podshohlik kelasi to‘rt yil ichida AQSHga 600 milliard dollar sarmoya kiritmoqchiligini ma’lum qildi.

______

▶️ Turkiyaning Konya viloyatida to‘rt qavatli uy qulab tushdi

Mahalliy OAV bergan xabarlarga ko‘ra, vayronalar ostida besh nafar kishi qolmoqda. Voqea joyiga o‘t o‘chiruvchi va qutqaruvchilar yetib borishgan.

______

▶️ Ilgari Trampga tegishli bo‘lgan Ferrari 1 mln dollarga auksionga qo‘yildi

Bu avtomobilning bozor narxidan besh baravar qimmat, deb yozmoqda OAV.

______

▶️ Saudiya Arabistoni mashhur bastakor Hans Zimmerga mamlakat madhiyasini buyurtma qildi

Zimmer “Interstellar”, “Karib dengizi qaroqchilari” va boshqa taniqli filmlar uchun musiqa yozgan hamda nufuzli mukofotlarga sazovor bo‘lgan.

______

▶️ Kim Chen In Ukrainaga qarshi urushda qatnashish uchun Rossiyaga qo‘shimcha qo‘shinlar jo‘natmoqchi

Shu vaqtgacha Ukrainada bir necha ming shimoliy koreyalik askar halok bo‘lgani aytiladi.

📱 Web-sayt | 📱 Telegram | 📱 Facebook | 📱 You Tube

#xorij_xabarlari

▶️ Tramp Daniya Bosh vaziriga telefonda tahdid qildi

Tramp Daniya yetakchisiga agar u Grenlandiyani AQSHga berishga rozi bo‘lmasa, mamlakat eng qattiq cheklovlar, soliqlar girdobida qolishi bilan tahdid qildi.

______

▶️ Lukashenko yettinchi bor prezident saylovida g‘olib bo‘ldi

Belarusni 30 yildan beri boshqarayotgan Aleksandr Lukashenko yettinchi muddatga qayta saylandi.
Yevropa Ittifoqi esa ushbu saylovni tan olmadi hamda ovoz berish jarayonlarini soxta va noqonuniy deb baholadi.

______

▶️ Dunyodagi eng keksa Prezident qayta saylanishga qaror qildi

Kamerun Prezidenti, 91 yoshli Pol Biyya 2025-yilning oktyabr oyida bo‘lib o‘tadigan prezidentlik saylovlarida o‘z nomzodini qo‘yishini aytdi.

______

▶️ Rossiya Federatsiyasi prezidenti Vladimir Putin Qirg‘izistonning sobiq prezidenti, ayni damda Moskva davlat universisteti professori Asqar Aqayevga «Rosiya Federatsiyasida xizmat ko‘rsatgan fan arbobi» unvonini berdi.

______

▶️ Tramp ma’muriyati noqonuniy migrantlarni har kuni harbiy samolyotlarda mamlakatdan chiqarib yuborish rejasini e’lon qildi

Bu “AQSH tarixidagi eng yirik deportatsiya operatsiyasi” bo‘ladi.

______

▶️ Braziliyada millionlab odamlar kuchli yomg‘ir tufayli uy-joysiz qoldi

Braziliyaning San-Paulu shahrida kuchli yomg‘ir tufayli yo‘llar va metro tizimi suv ostida qoldi. Falokat oqibatida 96 kishi hayotdan ko‘z yumdi, yana 1,5 million kishi boshpanasiz qoldi. Mahalliy hokimiyat favqulodda holat e’lon qilgan.

📱 Web-sayt | 📱 Telegram | 📱 Facebook | 📱 You Tube

#xorij_xabarlari

▶️ Eron Rossiyaning Su-35 qiruvchi samolyotlarini sotib olganini tasdiqladi

Eron Islom inqilobi qo‘riqchilari korpusi qo‘mondoni Ali Shadmaniy Eron Rossiyada ishlab chiqarilgan Su-35 qiruvchi samolyotlarini sotib olganini aytdi.
Eron rasmiylari ushbu ilg‘or jangovar samolyotlar sotib olinganini birinchi marta tasdiqladi.

______

▶️ To‘qayev hukumatga atom elektr stansiyasi qurilishini tezlashtirish, shuningdek, ikkinchi AES uchun joy izlash bo‘yicha topshiriq berdi

Kuzda Qozog‘istonda AES qurish bo‘yicha referendum o‘tkazilgandi, unda ovoz berganlarning 70 foizdan ortig‘i qarorni qo‘llab-quvvatlagan.

______

▶️ Xitoy ChatGPT’ga o‘xshash DeepSeek-R1 bepul sun’iy intellekt chat-botini ishga tushirdi

Bu Yevropa va Amerika birjalarini xavotirga solmoqda, chunki bot ishga tushirilishi bilan Sun'iy Intellektga oid ko‘plab kompaniyalarning aksiyalari arzonlashib ketdi. Tramp esa DeepSeek muvaffaqiyatini ijobiy baholadi va sun’iy intellektga ko‘p mablag‘ sarflash shart emasligini aytdi.

______

▶️ Buyuk Britaniyada 200 ta kompaniya doimiy 4 kunlik ish haftasiga o‘tdi

Sinov vaqtida ushbu kompaniyalarda mehnat unumdorligi o‘sib, xodimlar ishidan mamnun bo‘lgan, shuningdek, yosh mutaxassislarni ishga jalb qilish osonlashgan.

______

▶️ Yevroittifoq Suriyaga qarshi sanksiyalarni bekor qilmoqchi

Ammo mamlakatning yangi hukumati “noto‘g‘ri qadamlar tashlasa”, sanksiyalarni olib tashlash qarori qayta ko‘rib chiqilishi mumkin. Yevroittifoq Suriyaga qarshi sanksiyalarni 2012-yilda, Bashar Asad rejimi va isyonchi guruhlar o‘rtasida yuzaga kelgan fuqarolik urushidan keyin joriy etgandi.

📱 Web-sayt | 📱 Telegram | 📱 Facebook | 📱 You Tube

#xorij_xabarlari

▶️ Shvetsiyada bir necha bor omma oldida Qur’onni yoqqan Iroq fuqarosi otib ketildi

Salvan Momika 29-yanvar kuni kechqurun TikTok’da jonli efir o‘tkazayotgan paytda otib tashlangan. 30-yanvar kuni unga Qur’on yoqish orqali odamlar orasiga nizo solish ishi bo‘yicha hukm o‘qilishi kerak edi.

______

▶️ Turkmanistonda prezident surati tushirilgan gazetalarni “bemaqsad ishlatish” taqiqlandi

Davlat xodimlari va talabalar mamlakat prezidenti Serdar Berdimuhamedov va uning oila a’zolari surati tushirilgan “gazeta sahifalarini saqlab qolish” haqidagi majburiyatni imzolagan.

______

▶️ Tramp farmonlar chiqarish tezligi bo‘yicha rekord o‘rnatdi

U prezidentligining dastlabki o‘n kunida 38 ta farmon imzoladi. Hujjatlarning aksariyati noqonuniy migratlarga qarshi kurashish, inklyuzivlik va tenglik siyosatiga taalluqli.

______

▶️ Ahmad ash-Shar’a Suriyaning yangi prezidenti deb e’lon qilindi

Yangi hukumat mamlakat konstitutsiyasi bekor qilinishi, shuningdek, barcha xavfsizlik kuchlari va qurolli tuzilmalar tarqatib yuborilishini e’lon qildi.

______

▶️ AQSh O‘zbekistonning 975 nafar fuqarosini deportatsiya ro‘yxatiga kiritdi — OAV

Migrantlar hibsga olinmagan, biroq deportatsiya etish bo‘yicha yakuniy qaror qabul qilingani ta’kidlanmoqda.

______

▶️ Dunyodagi birinchi ko‘rinmas dron — Eagle APDS ishga tushirildi

Dron havo sharlari yordamida ilgari yetib borilmagan balandlikka ko‘tariladi. U uchirilgan joyidan yuzlab kilometr uzoqlikdagi vazifalarni bajara oladi. Qurilma ham to‘liq avtonom, ham operator boshqaruvi ostida uchadi. Yuqori darajadagi maxfiylik konstruksiyasi sabab dushman tizimlari uni payqashi qiyin.

📱 Web-sayt | 📱 Telegram | 📱 Facebook | 📱 You Tube

#xorij_xabarlari

▶️ Krishtianu Ronaldu yangi rekord o‘rnatdi

U klub darajasidagi 700 ta o‘yinda g‘alaba qozongan tarixdagi birinchi futbolchiga aylandi.

______

▶️ Rossiyada tug‘ilish darajasi 2000-yilgi ko‘rsatkichga tushib ketdi

Mamlakatda 2024-yilning yanvaridan noyabrigacha 1,124 million bola tug‘ilgan. Bu zamonaviy Rossiya tarixidagi eng past ko‘rsatkichlardan biri hisoblanadi.

______

▶️ Shvetsiya Ukrainaga 1,2 mlrd dollarlik harbiy yordam yuboradi

Shvetsiya mudofaa vaziri Pol Yonson yordam yaqin kunlarda jo‘natilishini ma’lum qildi. Bu mamlakatning 18-harbiy yordam paketi bo‘ladi.

______

▶️ Saudiya Arabistonida dunyodagi eng baland binoni qurish ishlari qayta boshlandi

1000 metrdan oshadigan Jeddah Tower 2013-yilda qurila boshlangan, biroq 2018-yilda ish to‘xtatib qo‘yilgandi. Hozirga qadar minoraning 63 qavati qurilgan.

______

▶️ Italiyada Xitoyning DeepSeek chat-boti bloklandi

Bunga DeepSeek ishlab chiqaruvchilari foydalanuvchilarning shaxsiy ma’lumotlaridan qay tarzda foydalanilayotgani haqida yetarlicha ma’lumot bermagani sabab bo‘lgan.

______

▶️ Meta kompaniyasi Trampga 25 mln dollar to‘laydi

2021-yilda Kapitoliyda yuz bergan tartibsizliklardan keyin Trampning Instagram va Facebook akkauntlari bloklangan edi. Shundan so‘ng Tramp Meta ustidan sudga da’vo arizasini kiritgan. Kompaniya mazkur da’voni hal etish uchun 25 mln dollar to‘laydigan bo‘ldi.

📱 Web-sayt | 📱 Telegram | 📱 Facebook | 📱 You Tube

#xorij_xabarlari

▶️ Diyora Keldiyorovaning Uta Abe ustidan g‘alabasi Xalqaro dzyudo federatsiyasi tomonidan “Yil voqeligi” deb topildi

Keldiyorovaning ustozi Marko Spittka “Ayollar terma jamoalarining eng yaxshi murabbiyi” nominatsiyasida g‘olib bo‘ldi.

__

▶️ Xitoyning Shenjen shahrida humanoid robotlar politsiya bilan birga ko‘chalarda patrullik qilishga chiqdi

Politsiyachi robotlar yurish, yugurish, sakrash va narsalarni olish qobiliyatiga ega. Ular sun’iy intellekt yordamida atrofni tahlil qilib, ovozlarni aniqlaydi va odamlar bilan muloqot qiladi.
id robot
▶️ Turkiyada yuk mashinasi va bir nechta avtomobil ko‘prikdan qulab tushdi. Uch kishi halok bo‘ldi, yana 22 kishi jarohat oldi

Ma’lumotlarga ko‘ra, yuk mashinasining tormozi ishdan chiqqan, u oldinda ketayotgan avtomobillarni urib yuborgan va ular bilan birga ko‘prikdan qulagan.
enjen sh
▶️ Suriyaning yangi prezidenti Ahmad ash-Shar’a ilk xorijiy safarini Saudiya Arabistonidan boshladi

U Ar-Riyodda mamlakat valiahd shahzodasi Muhammad bin Salmon Ol-Saud bilan uchrashuv o‘tkazib, ikki tomonlama munosabatlarni muhokama qilgan.

__

▶️ Xitoyning Yutong kompaniyasi dunyodagi ilk 26 metrli elektrobusni chiqardi

Ikkita “garmoshka”li avtobusda 73 kishilik o‘rindiqlar bor. Ammo ushbu transport vositasi mahalliy bozorga mo‘ljallanmagan, yaqin orada u Meksikaga jo‘natiladi.

__

▶️ 2027-yilgacha Rossiya va Shimoliy Koreya o‘rtasida avtomobil ko‘prigi quriladi

Tegishli kelishuv 2024-yilning yozida imzolangan, ammo loyihani amalga oshirish muddati endi ma’lum bo‘ldi.

__

▶️ Xitoy Google’ga nisbatan monopoliyaga qarshi tergov ishini boshladi

AQSH kompaniyasi Xitoyning monopoliyaga qarshi qonunini buzganlikda gumonlanmoqda. Tergov Tramp Pekindan keladigan tovarlarga 10 foizlik boj e’lon qilgandan keyin boshlandi.

__

▶️ Fransiya o‘z qo‘shinlarini Senegaldan olib chiqishni boshladi

Fransiya Senegalni XVII asrda zabt etishni boshlagan. 1960-yilning avgust oyida Fransiyaning boshqa ko‘plab mustamlakalari kabi mamlakat o‘z mustaqilligini e’lon qildi. Ammo Parij harbiy bazalarda muayyan miqdordagi qo‘shinlarini saqlab keldi.

Telegramdagi rasmiy sahifamizga obuna bo'ling ▶️ Samarqand.uz

📱 Web-sayt | 📱 Instagram | 📱 Facebook | 📱 You Tube

#xorij_xabarlari

▶️ Turkiya ballistik raketasini sinovdan oʻtkazdi

Turkiyaning “Tayfun” (Typhoon) ballistik raketasi Roketsan davlat kompaniyasi tomonidan ishlab chiqarilgan. 2022-2023-yillarda oʻtkazilgan sinovlarda 560 kilometrdan ortiq masofani bosib oʻtgan. Mudofaa kompaniyasi raketani ommaviy ishlab chiqarish boshlanganini bildirgan.

______

▶️ Shvetsiyaning Erebru shahridagi maktabda otishma sodir etildi. 10 kishi halok bo‘ldi

Yana 15 kishi jarohatlandi. Hujumchi o‘z joniga qasd qildi. Bu Shvetsiya tarixidagi eng katta ommaviy otishma sanaladi.

______

▶️ “Ukraina NATOga kirmaydigan bo‘lsa, bizga yadroviy qurol bering”, — Zelenskiy

Ukraina prezidenti yadroviy qurol mamlakat uchun yetarlicha xavfsizlik kafolati bo‘lishi mumkinligini aytdi.

______

▶️ Yevropa Kengashi Putin uchun maxsus tribunal yaratishni rejalashtirmoqda

Bu haqda Deutsche Welle va “Yevropa haqiqati” xabar berdi. Tribunal Ukraina va Yevropa Kengashi o‘rtasidagi ikki tomonlama kelishuv asosida ishga tushiriladi, dedi OAV manbasi.

______

▶️ Zelenskiy urushda 45 ming ukrainalik askar halok bo‘lganini, 390 ming nafari yaralanganini aytdi

Bu haqda u britaniyalik jurnalist Pirs Morgan bilan suhbatida ma’lum qildi. Zelenskiyning aytishicha, Rossiyaning yo‘qotishlari taxminan 350 ming kishini tashkil etadi. 50-70 ming rossiyalik bedarak yo‘qolgan, 600-700 ming kishi esa jarohatlangan.

______

▶️ Amerikalik 26 yoshli qiz lotereyada 4 mln dollar yutib oldi. Omadli chiptani unga otasi “shunchaki” sovg‘a qilgandi

“Buncha pul yutganimdan haligacha shokdaman”, — deydi lotereya g‘olibi.
Qiz yutuqni bir martalik to‘lov shaklida olishga qaror qildi, bunda unga 2,7 mln dollar beriladi.

Telegramdagi rasmiy sahifamizga obuna bo'ling ▶️ Samarqand.uz

📱 Web-sayt | 📱 Instagram | 📱 Facebook | 📱 You Tube