Ойууннааһыны утары охсуһуу.

1920-30-сс сыллардааҕы ойууннааһыны утары охсуһууга сүрүн күүһүнэн хомсомуол эдэр ыччата буолбута. Холобур, Орто Халыма улууһугар Юбан Т. диэн эдэр киһи ойууннартан 9 дүҥүрү былдьаан Сиэн күөлэ диэн сиргэ кутааҕа умаппыт. Онно оскуола оҕолорун көмөлөһүннэрэ ыҥырбыттар. "Эргэ, хаалынньаҥ олох тобоҕун уоттуубут" диэн. Киһи бөҕөтө мустубут. Халыма кырдьаҕаһа, оччолорго оскуола оҕото И.Ф. Волков ахтарынан, кини абаҕата ойуун эбит. Ол маҕан дүҥүрэ чөмөхтөнө сытар дүҥүрдэртэн барыларынааҕар хоройон, сырдаан көстөрө үһү. Арай, уматан барбыттарыгар, ол дүҥүр кутааттан атын сиргэ ыстаммыт. Ылан иккистээн укпуттарыгар эмиэ ыстаммыт. Оннук үс төгүл гыммыта үһү.
Юбан Т. икки күнүнэн, тоҕо эбитэ буолла, иһэ үллэн өлбүт. Кинини дүҥүрдэри умаппыт сиригэр Сиэн күөлүгэр көмпүттэр. Источник: traditional_sakha_culture

#ойуун #ойууннааһын #дүҥүр #аньыы