#أخبار_عالريق//
شو بدك أقلكم بس عنجد الواحد صار يخجل وهو صاحي كل يوم يكتب أخبار بتسد النفس .. عليا الطرشاق بقعد أبعبش هان وهناك وأأخر النشرة شوية عشان أشوف خبر منيح .. بلاقيش ولا خبر .. الله يجملها بالستر وبس
#حختصر اليوم الأخبار عالسريع::
شب متعلم ومثقف اسمه يوسف النوري انتحر مبارح في الوسطي ..شنق حاله
وولد صغير كمان من دار صلاح غرق بالليل ببحر دير البلح
شب غلبان وخلوق من البريج اسمه محمد أبو زور مات مبارح برضه بسبب حريقة صارت بالتيك توك تبعه إللي بيترزق منه
توفى فريد درويش من غزة في حادث سير في القاهرة
برضه في كمان طفل من دار الشاعر من رفح أكل ضربة حجر براسه وهو بيلعب وصار معه نزيف ومات
المفروض انهم شغلوا المولد الرابع ورجع جدول الكهرب زي قبل 8 في 8 ..
خلصت لجنة التحقيق بموضوع مقتل شادي أبو قوطة والمحاسبة حتطول الكل حسب ما شفنا بالبيان
وصل مبارح موسى أبو مرزوق لقطاع غزة في زيارة مش حيطول فيها يشوف فيها أهله
الحكومة برام الله بدها تدعم الطلبة المتفوفين وإللي جابوا علامات عالية بمليون دولار
بخصوص رواتب موظفي السلطة الفلسطينية الأسبوع الجاي ان شاء الله وحتكون بنسبة 85% ، وفش أي صرف للمتأخرات
شكاوي كثير بتوصل من موضوع فواتير المولدات الكهربائية ..الأسعار شيطانية هذا الشهر
الناس قرفانة حالها من العداد الذكي ومش ملاحقة تركيب كروت الله وكيلك
بكل الأحوال برضه عشان ما ننسى شركة الكهرب بدها تشحن لكل واحد بياخذ شؤون 50 شيكل كرت كهرب
بكفي لعند هان ..فكروا كيف بدكم تدبروا مصاريف المدارس
بيقلك مواليد شهر 8 للأمانة ناس طيبين عالآخر وعندهم زوق بزيادة وإللي بايدهم مش إلهم ..لكن دير بالكم تزعلهم
🌹 #يسعد صباحكم بكل خير ومحبة وسلام
الأربعاء 2-8-2023 م
https://t.iss.one/Ahaamd1985
شو بدك أقلكم بس عنجد الواحد صار يخجل وهو صاحي كل يوم يكتب أخبار بتسد النفس .. عليا الطرشاق بقعد أبعبش هان وهناك وأأخر النشرة شوية عشان أشوف خبر منيح .. بلاقيش ولا خبر .. الله يجملها بالستر وبس
#حختصر اليوم الأخبار عالسريع::
شب متعلم ومثقف اسمه يوسف النوري انتحر مبارح في الوسطي ..شنق حاله
وولد صغير كمان من دار صلاح غرق بالليل ببحر دير البلح
شب غلبان وخلوق من البريج اسمه محمد أبو زور مات مبارح برضه بسبب حريقة صارت بالتيك توك تبعه إللي بيترزق منه
توفى فريد درويش من غزة في حادث سير في القاهرة
برضه في كمان طفل من دار الشاعر من رفح أكل ضربة حجر براسه وهو بيلعب وصار معه نزيف ومات
المفروض انهم شغلوا المولد الرابع ورجع جدول الكهرب زي قبل 8 في 8 ..
خلصت لجنة التحقيق بموضوع مقتل شادي أبو قوطة والمحاسبة حتطول الكل حسب ما شفنا بالبيان
وصل مبارح موسى أبو مرزوق لقطاع غزة في زيارة مش حيطول فيها يشوف فيها أهله
الحكومة برام الله بدها تدعم الطلبة المتفوفين وإللي جابوا علامات عالية بمليون دولار
بخصوص رواتب موظفي السلطة الفلسطينية الأسبوع الجاي ان شاء الله وحتكون بنسبة 85% ، وفش أي صرف للمتأخرات
شكاوي كثير بتوصل من موضوع فواتير المولدات الكهربائية ..الأسعار شيطانية هذا الشهر
الناس قرفانة حالها من العداد الذكي ومش ملاحقة تركيب كروت الله وكيلك
بكل الأحوال برضه عشان ما ننسى شركة الكهرب بدها تشحن لكل واحد بياخذ شؤون 50 شيكل كرت كهرب
بكفي لعند هان ..فكروا كيف بدكم تدبروا مصاريف المدارس
بيقلك مواليد شهر 8 للأمانة ناس طيبين عالآخر وعندهم زوق بزيادة وإللي بايدهم مش إلهم ..لكن دير بالكم تزعلهم
🌹 #يسعد صباحكم بكل خير ومحبة وسلام
الأربعاء 2-8-2023 م
https://t.iss.one/Ahaamd1985
Telegram
الصحفي الشهيد أحمد بكر اللوح Ahmad AL Louh
متابعة إخبارية وميدانية
❤1👍1