نون؟؟! قولته ليهو لااا انا ح انتظركم هنا،،، قال لي كيف نخليك براك،،، تسنيم قالت ليهو هي لو دايرة تقعد براها خليها،،، قال ليها انتي اسكتي لو ممكن،،، جاء مسكني من يدي قال لي خطوة ب خطوة تمشي معانا،،، حسيتو زي البيقول لي تعالي اوريك انا بحب تسنيم كيف،،، لكن دي حاجه واضحة من لهفتو عليها ،، رغم انو ماسك يدي بس عينو عليها،،،، ما قدرته اتحمل لحدي ما هو خلانا برانا ماش يجيب حاجه نشربها في الساعه دي تسنيم اتكلمت معاي قالت لي عارفاك يا نون زعلانه بس انا وعمر لمن نكون مع بعض بننسى اي طرف معانا عاينت ليها نهائي ما بديها فرصه فيني قولته ليها ما هو واضح بدلال ماسك يدي انا بدل يدك،، 😏،، بقت تعاين لي بغيظ،،، لمن شافت عمر جاي علينا قامت وجات ب قدامي احساس انها ماشه ليهو وفجأة وقعت انا لمن اتخلعته بسم الله؟؟! هو شافها لمن وقعت جاها جاري رفعناها وبقت تبكي قال ليها مالك الحصل معاك شنو،، قالت ليهو نون وقعتني عشان ما كانت دايراني اجي معاكم،،، استغربت متين وقعتك دايره ابرر ليها بس كمان ما اداني طريقه بقى يكورك فيني قال لي مشكلتك شنو معاها المرة الفاتت كفتيها..واتجاوزتها ليك وكمان ما كفاك جايه ترميها من متين وانتي يانون بالحقد ده؟؟؟؟! بصوتو العالي ده الناس كلها اتلمت،،، دموعي اوتومتك جات جاريه،، هو واصل عادي قال لي اصلا انتي زاتو ما شبهك تتكتبي على اسمي،،، لحدي الحد ده وانا غلبني ،،، عاين لي وقبل علي تسنيم قال ليها تعالي معاي نشوف ما تكون حصلت ليك حاجه،،،، وساقها، ولا اتلفت عاين لي ولا قال اشوفها ولا ادني نظره بكل بساطه قال لي انتظريني جمب العربيه،،، طيب طيب عاين لي اسمعني،،، لقيت الناس بتعاين لي منهم نظرات شفقه ومنهم نظرات شماته،،، جريت اتحركت ب سرعه وانا ما شايفه حاجه لمن جيت ماره بالعربيه عاينت مسافه،، يمكن ده الخذلان البيقولو عليهو ؟! انت يا عمر مش خذلتني حطمتني كمان .. أقرب أمجاد ركبته..

*"تختلف أحداث الروايه لتصبح النهايه مبهمه"*

*يقال "كان الصبر عليك هوايتي ، فثارت عليّ وألمتّني ،،

*#ولكنني أحببتك《05》*♥️
*#بقلم_نون_علي* 💛🌸
*_____*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
أقرب أمجاد ركبته،،، بتاع الامجاد قال لي ماشه وين،،،
قلت ليهُ بس اتحرك اتحرك
سريع،، قال لي وين لكن اتحرك؟؟؟؟؟؟؟!! قولته اي مكان اتحرك وتاني اانا بوريك،،، قال لي يا بت الناس اتحرك بلا وجهه معينه يعني؟؟!!،،، بتكلم معاهو وانا كلي برجف قولته ليهُ أتقدم. لحدي الاستوب ان شاء الله،،،
حتن الراجل اتحرك،،، في اللحظه دي بالذات عقلي كان واقف ما عارفه افكر كيف طيب امشي وين اعمل شنو؟؟؟ يمكن اتهورته بس مستحيل اتواجد في مكان اكون متهانه فيهو حتى لو علي حساب نفسي،، بقيت افكر في الموضوع يعني حاجه زاتها ما منطقيه ياااخ نحنا حتى عرسنا كان قبل يومين ودي اول طلعه لينا كعرسان من جانبي انا طبعا ف ما معقوله تسنيم تكون معانا فيها،،،، ايوة عمر هو بيحبها ودايرها ويمكن انا الداخله غلط بس ده كمان ما جواز ليهم عشان يتعامل معاي بالطريقة دي لو كان بيحبها ما من حقه اصلا يغلطني ويصدقها
هي من غير ما يسمعني،،، قطع تفكيري بتاع الامجاد قال لي يا بت الناس وصلنا الاستوب قولته ليهو واصل لحدي الاستوب الجاي،،، قال لي انتي ما توريني وجهتك وين قلت ليه لف بي الخرطوم لحدي م اقرر امشي وين،،، بتاع الامجاد استغرب فيني قال لي انا زول بشتغل عشان رزقي مش عشان اقعد افسح في الناس،،، طبعا اتغظته بس قولته ليهو رزقك كامل بسلمه ليك،، قال لي تمام،،بعد ما قبلته منه بقيت ببكي،، هو ركز معاي و قال لي انا ما عارف الزعلك شنو بس أأكد ليك مافي حاجه بتستاهل تزعلي عليها لو الحياه هي المزعلاك مفروض تكون انسانه واقعيه وعارفه انو يوم عليك ويوم ليك يعني مستحيل تمشي معاك سويه من غير مشاكل،،، وبعدين لو ما حصلت ليك مشاكل ما ح تحسي بطعم الفرح لمن يجيك،،، انا القدامك ده بكره بيشيلني القدر عشان كده بحاول افرح نفسي براي و الفي يدو القلم ما بيكتب علي نفسه الشقى،،، وقفت قولته ليهو بس مرات كتيره نحنا بنتخت في مواقف مافيها خيار كده ولا كده لالا هي بتتفرض عليك يا اما تعيشها يا اما تتهرب منها،، يعني كأنها واقع معاش نحنا مفروضين عليهُ سواء رضينا او ضربنا رأسنا في الحيطه ياها ح تحصل ح تحصل،،،، سكت مني وما عقب علي كلامي،، قولته احسن ارجع البيت ومنها اعرف اتصرف كيف،، اديتو العنوان،، وصلني لحدي البيت،، ونهائي ما شال مني القروش قال لي نصحيه مني لو قعدتي تباري في الزعل والنكد عمرك ما ح تشوفي للفرح لون،،، واتحرك مشى،،، وقفت بعاين للعربيه حقتو مستغربه يعني زي كان بيعرفني حتى انا ما خفت ولا عملت اي رد فعل اتجاهو كاني كنت محتاجه زول يتكلم معاي او ما كنت خايفه من اي حاجه تحصل لي لانو ما اعتقد في أسوأ من الحصل لي الليله، بعدين لسه في ناس زي ديل؟؟!،ولا انا حظي رماني ساي!!، ،،، ، عاينت لي تلفوني لقيت اكتر من عشرين مكالمه فايته من عمر قفلته تلفوني ودخلت البيت خلي تسنيم ديك تنفعو ان شاء الله بالعافيه،،، بس غلطانه انا الكنت فارضه نفسي عليهو كنت قايله كده ح يحبني او يشوفني ب زاوية اني كبيره وكذا بس ما نفع،،، من اول يوم انا بعلن استسلامي لا عايزهو يحبني ولا حاجه خلاص انا الفيني كملت والله،، موقف واحد هزاني كده طيب لو عمل لي كذا موقف هو وتسنيم ح يحصل شنو.....،!!

*"ويرجع يعاودني الحنين وخاطري انكسر يوم انجبر"*
_______
*من جانب عمر*
في مقايس تانيه للامور يعني ما تسمعوا لي نون وتطلعوني انا الغلطان او انا الما كويس لالا في زوايه انتو ما عرفتوها او جاهلين بيها او. مستهينين بيها لو ممكن تختو نفسكم مكاني زول اتفرض عليهو فرضاً يعرس زوله ما كان خاتيها في حساباته و كمان كان مرتبط،،،، براكم كده فكرو فيها زايد انو نون لمن طلبت مني نطلع في الأول كنت معترض احساس نحنا يادوب عرسنا كان امبارح حتى لو عايشين زي الاخوان بس ما جايه نطلع طوالي بس لمن لقيتها زعلت،،،فما قدرته ازعلها علي حاجه هي عايزاها،، و اهون لي اجي علي نفسي عشانها ♥️،، فلمن داير امشي اوريها ب موافقتي بأني اطلعها،، بقيت تسنيم بتتصل رديت عليها قالت لي اها بعدين ح اجيكم،، قولته ليه اااا تسنيم خليها مرة تانيه،، قالت لي ليه؟؟؟! نون ما دايراني اجي،،، قولته ليها لالا بس طالعين وكدا،، قالت لي خلاص ح اطلع معاكم،،، استغربت اقول ليها شنو لمن لقتني ساكت قالت لي يعني ما عايزني امشي معاكم؟؟!! قولته ليها ما كده بس... قالت لي لااا انت شكلك ما داير تخليني امشي معاكم،،،
من اولها كده يا عمر،، مش انت قولته لي انك ما بتحبها وما دايرها طيب هسي حصل شنو ح افرق معاك في شنو كان مشيت ولا لا علي الاقل افرق شويه انا من يوم عرسكم وقافله علي نفسي،،، يعني ما كفايه انا الطلعت من الحمص بلا مولد،، ما عرفته ارد ليها بشنو جاتني في طبقة حساسه قولته ليها خلاص تمام خليك جاهزه بعدين علي الساعه 6 كده قالت لي بالجد يعني ح تخليني اجي معاك،،،، قربت اقول ليها بعد كلامك ده كيف ما تجي معانا،،، بس قولته ليها اي،، قالت لي تمام بتلقاني جاهزه،،، وقفلت على كده،، اخدته نفس يعني والله انا بين نارين كل نار احر من التانيه بس نار تسنيم اهون علي من نار نون،،،، دقيت الباب فتحت لي بعد مسافه واضح انها كانت بتبكي زعلته من نفسي اني اتسببته في زعلها وانا زمان كنت بقلب الدنيا قلب لو زول زعلها بس هسي ماشاء الله بفضي غضبي فيها هي،،، شكل وشها وانفها الحمر من البكى كان بيجبرني اني اخدها في حضني و اراضيها وخلي الدنيا ومافيها تطير بس ما قدرته اعمل كده،،،،،،،قدر ما حاولته أقنعها انها تمشي وكذا ما رضت لي قولته ليها دايره تسنيم تجينا يعني،،،، زي ما اتوقعه وافقت طوالي اول ما جبت سيرة تسنيم بالجد دا اسرع طريق عشان توافق،،، اخر حاجه لمن جينا طالعين وهي لابسه الفستان وشعرها المفرود،، جدا جدا شكلها كان خلاب 💛 ايه من الجمال 💛،،،ف كان من المستحيل اخليها تطلع كده لالا بالجد نون قايلاني كيس جوافه قدامها اخليها تطلع كده؟؟؟؟؟؟ ،، خليتها تغير الفستان وتلم شعرها العاجبها ده ب اي طريقه دايره تطلعو،،، خليها كده لمن يوم اقصو ليها احيرها،،، حتى الروج مسحتو ليها،،، لحدي ما ركبنا العربيه كان غالبني اقول ليها تسنيم جايه معانا خوفت تحرد المرقه وهي كان نفسها فيها ف خليتها كيف ما تجي تجي،،، رغم اني كنت متوتر بس بحاول اكون ثابت،،، هي زاتها ركزت اني ماشي ب طريق غير طريق المنتزه وقبل ما تسألني وقفت لي تسنيم لقيتها منتظرانا فتحت ليها الباب طلعت وجيت ركبته،، نظرات نون كانت واضحه انها مضايقه بس مافي يدها حاجه تعملها،، كانت كل مرة تديني نظره اهون تجيب سكينه تقتلني بدل نظراتها دي،،،، والزاد علي تسنيم لمن قالت إني وافقت اول ما طلبت،، هنا نظرات نون كانت كفيله اني اقلب العربيه ونموت كلنا بالمرة،، حاولت امسك يدها اخليها تتكلم بس كانت ساكته و انا ساكت ده ما بيطمن من متين وهي كانت عاقله كده يعني انا متعود عليها انها البترد من النوعيه البتاخد حقها قلع لو صعب عليها الموضوع،،، فما لقيت نفسي غير منزل راسي بفكر اتصرف كيف اكذب تسنيم و اخليها تزعل ولا اخلي نون تزعل؟؟؟ لقيت حل وسط انو لمن نرجع البيت افهمها الموضوع كله،،، واني في وضع ما كنت مخير كنت مجبور فعليا كده،،، بس وين لمن وصلنا المنتزه المواضيع مشت ب مجرى تاني،،،يعني فوق ما هي كانت ساكته فقدت الرغبه حتى بعد ما كانت فرحانه قليل ب الطلعه هسي شكلها بتفكر متين ترجع البيت،،، كل مااعاين في عيونها بلقى نظرات الانكسار زعلها خلاني ازعل من نفسي فبقيت مضايق شديد،،لاا وكمان دايره تقعد براها،،، ده ابعد من خيالها اخليها براها ،، فمسكتها من يديها وخليتها زي ضلي وين ما امشي اخليها معاي،،، كل ما تحاول تفك يدها انا بضايق شديد،،، يعني هي مشكلتها شنو مش ده المنتزه العايزه ها مشينا المنتزه مشكلتها مع تسنيم اها اعمل شنو انا لي تسنيم أمسكها ادقها يعني ولا فهمها شنو هي،،، تسنيم دي عامله ليها شنو،،، يعني انا بعرف تسنيم دي انسانه مسالمه نون حساسه ب زياده بس ما عندي تفسير لي الموضوع ده غير كده،،،استمر الوضع ب الحساسيه حقتها لحدي ما قولته ليهم امشي اجيب حاجه ناكلها،،،لمن جيت راجع شايف من

بعيد تسنيم جايه قاطعه نون وفجأه وقعت ،،، تفسير واحد جاء في بالي انو نون وقعتها وفعلا تسنيم أكدت لي الحاجه دي ،،، ف زعلت يعني مهما حصل ما اتوقعته نون تصل لدرجه العنف دي،، يمكن عشان المرة الفاتت ما سألتها افتكرت اني تاني ما ح اسألها،،، ف انفعلته فيها متأكد تمام انفعالي كان ناتج عن الضيق إللي هي سببتو لي فلمن بكت ما عرفته اتصرف كيف انا ضعيف ضعيف شديد قدام دموعها فمسكت نفسي بالعافيه منها،،، حتى ما عارف من وين جاتني القوة اقول ليها الكلام القولته ده،، فعليا كده نسيت او اتناسيت انها بتاثر فيني سواء كانت فرحانه او زعلانه،، سوقته تسنيم عشان تشوف لو كان في جروح،، ما اتلفت علي نون لاني متأكد لو اتلفت ح أضعف قدامها واجي راجع اعتزر ليها،، عشان كده اتحركت طوالي،، بعترف بغلطتي العملتها يمكن دي من اقذر الاغلاط الما ح اقدر اسامح نفسي عليها،، رجعت محل نون ما كانت واقفه لقيتها مافي،، جريت جري علي العربيه لقيتها برضو مافي..... اتصلت ما بترد للحظه حسيت قلبي في كرعيني وعقلي وقف من التفكير معقوله ح تكون مشت خلتني؟؟؟؟! طيب طيب كانت تسمعني تفهمني،،،!! اتصلت ب اخو تسنيم يجي يسوقها وبديت افتش عليها ح تكون مشت وين اختفت فجأه كده،،،،، استمرت لحظة البحث ساعتين،،، والله والله لو ما كنت راجل كنت هسي بكيت عليها،،، مشيتي وين يا عمري انتي،،، اتصلت ب شيماء قالت لي الحصل شنو قولته ليها ماوقته اسألي أخواتها ما جات البيت بس من غير ما تحسسيهم،،،بعد مسافه رجعت لي قالت لي لالا ما مشت،،طيب يارب ح تكون مشت وين،،،،،، ‎بتذكر كلام اختي كويس قالت لي بصريح العباره انت يا عمر لو ما قادر علي زعلها بتزعلها ليه،،، صدقني بكره البت دي تموت ب سببك وتجي تقول ماتت ب سببي،،، طوالي قفلت الخط في وشها بالجد بالجد انا قاعد علي اعصابي تجي هي تزيد علي،، وكمان نون قفلت تلفونها،،، هنا الف فكره وسنيور جاني في راسي وافكار بشعه بزيد من قلقي زياده،،،حايم في الطرق ساي رجعت تاني المنتزه بفتش بس برضو مافي،، قولتهليه ما تكون رجعت البيت!!!،،، لمن وصلت هناك لقيتها فعلا ،،، بس ما كانت نون قاعده في الصاله مستكينه ولا علي بالها حال المسكين القلب البلد عشانها،،، جيت جاري عليها وقفت قصاده قولته ليه نون انتي كنتي وين مشيتي وين ليه ما كلمتيني ليه بتتصرفي تصرفات الشفع دي عندك فكره انا قلقته عليك كيف،،، طيب فكرتي في حالي،، نون اتكلمي ردي علي،،، وفقت علي حيلها ودايره تمشي غرفتها،، مسكتها من يدي قولته ليها بتكلم معاك انا،، فكت يدها من يدي ب قوة وما اشتغلت بي ومشت من هنا عرفت انها بتستخدم معاي أسوأ حاجه هو التجاهل،، كأنها بتحاول تنتقم مني بس هي ما عارفه كده بتخلينا في متاهات نحنا ما قدرها وخاصه كرهتي زول يجهلني لاني فعليا بنفس اسلوبها ح اعمل كده في النهايه انا راجل شرقي وما برضى في نفسي زول يتعامل معاي ب الأسلوب ده اي عدمي وجودي واحد،،، هي لو اختصرت علي نفسها وعلي جات اتفاهمت معاي مالو نشاكل نضارب بس في النهايه نرضى عن بعض يعني نكون متساوين لا انا شايل في قلبي منها لا هي قافلة على قلبها....
‎لكن ما مشكله كونها قدام عيوني
والحمد لله ما حصلت ليها حاجه....
*"" ما كونه عشان تنتقمي لي نفسك أو تردي اعتبارك* *تستخدمي اسلوب التججاهل او البعد لانو لو وقعتي مع شخصيه زي عمر بتكوني انتي الخسرانه لانو من النوعيه حتى لو تتعدى في بعدك احسن من انها تتهاون معاكي،،،، في النهايه ح تلقي نفسك انتي التعبانه وانتي البتجلدي في زاتك لأنك انتي اخترتي الطريق ده ف يا اما تكملي يا اما تحسري نفسك وترجعي تاني تستخدمي اسلوب التفاهم،،، من البدايه احكمي قراراتك ما تخلي العناد هو يتحكم فيك لانو في زوايه انتي ما مستوعباها وكده بتخربي بيتك ب نفسك،،، و" العناد" اكبر مهاجم في العلاقات العاطفيه،،، في حين انتي لو ابدلتي "الدال " بالقاف " لسوف تستمر الحياه بكل ود وصدر رحب ❤️❤️"*
‎
______
*من جانبي*
قرار اني ارجع البيت كان اكتر قرار سليم لاني لو مشيت بيت ناس امي ح يتخلعو ما بعيده امي تموت بسكتة قلبيه فما كان في يدي حل غير كده،،،،، بعد مساااافة طويله لقيت عمر جاء ،، جديآ كده ما كنت سامعه اي شي من الكلام الكان بيقوله بعاين بس في عيونه رغم انو في لهفه بس كلامه القبيل لسه مسيطر علي،، فقبل ما انفعل فيهو وتكبر المشاكل بيناتنا انسحبت، مسك يدي جريتخا ب قوه دخلت غرفتي،،،، بكيت ب حرقه ما كان نفسي نصل ل هنا بس موقفه العمله مسيطر علي بطريقه ما قادره أتجاوز بالساهل..
بعديها اختلف التعامل بيناتنا
يعني انا الزعلانه وانا المفروض
اخد موقف لقيت هو برضو

ماخد معاي موقف يخوانا دي
حالة شنو يا ولدنا والله انت
الغلطت في حقي ما انا،،،
رغم اننا زعلانين من بعض
بس كان متشاركين اي
حاجه في البيت بطريقه
انوشغل البيت مقسم
بيناتنا بس من غير ما
‎ نتفق او من غير ما نتكلم
مع بعض،،، يعني انا بنضف البيت
بلقى عمر بيمسح،،، بعمل الاكل
بلقاهو بعد ما اخلص بيغسل
العدة حاجه كده تضحك والله،،، فوق ده كله ما بنتكلم مع بعض،، يوم اتغاتت عليهو عملت اكل كتير احساس اوسخ قدر الإمكان عدة لمن جيت لقيتو مغسل المعالق والسكاكين والصحانه الصغار استغربته وين الحلل فتحت التلاجه اتفاجات بالحلل زي ماهي يعني ولا تعب نفسو 🤣🤣،، طلعتهم فضيتهم في أواني صغار وغسلت الحلل،، جاء شافني بغسل فيهم وقف جنبي لحدي ما خلصت بس لاهو اتكلم لا انا اتكلمته،،، مافي مبرر واحد في وقفتو دي غير انو داير يتعب نفسو بس،،، استمر الحال بيناتنا ده اسبوع ونحنا بنفس الطريقه لكن بقينا نتكلم في حدود معينه،، المشكله هو جادي في عدم الكلام معاي اكتر مني انا،،، بعديها كان نازل شغل لو ما كان حصل الموقف البيناتنا داك كان هسي حضرت ليهو هدومه وكذا بس الحمد الله الموقف كان بالنسبه لي كف في وشي عشان تاني ما افرض نفسي علي زول،،،، لكن حنيت عليهو عملت ليهو الشاي وانتظرته لحدي ما طلع من الغرفه وشرب الشاي كان بعاين لي كانو بيقول شكرا بس عملت نفسي ما مركزه لمن جاء طالع وقف جنب باب المخرج مسافه جاني تاني راجع استغربت يا ربي يكون نسى شنو،،، بس ما لقيتو غير هو واقف قصادي ،، اتوترته والله،، قرب مني باسني في جبيني وطلع ❤️،،، بعد ما طلع مسكت جبيني بحاول اتأكد من الحصل قبل شويه،،، مسافه ما استوعبت بقيت انطط ،، شغلت تلفوني وفتحت غنية حماقي " الله بقى اللخبطة دي ليه بالي خطفني ياريت تقولي ايه حصلي..." انفعلت مع الغنيه ب كل احساسي وبديت انظف وانا بغني فيها لحدي ما انتهيت ،، بعديها مشيت استحميت وجيت اتصلت علي ناس امي واخواتي سلمت عليهم،، سمعت الباب بيدق استغربت عمر جاء راجع سريع ليه،، قفلت من ناس امي مشيت فتحت الباب لقيت بت في عمر 27 كده بس ماشاء الله جميله جمال رباني حتى عمرها مزين ليها شكلها فمخليها حاجه استثنائيه كده،،، سلمت عليها قولته ليها اتفصلي قالت لي انا اسيل جارتك بالحيطه ب جاي،، قولته ليها ايوة والله ماشاء الله اتشرفنا،،، قالت لي عروسه جديده صح قولته ليها اااي يادوب تمينا الاسبوع قالت لي بالجد،،، الليله ما اكون ازعجتكم قولته ليها لاااا اصلا قاعده براي،،، قالت لي كويس والله،،، قولته ليها انتي زاتك شكلك عروسه جديده؟! ،،، قالت لي هي بتضحك لالا يدوب تمينا سنه وهسي حامل،، قولته ليها ماشاء الله ربنا يتم ليك علي خير،، ضيفتها وبقينا نتونس مع بعض طلع بالجد ظريفه،،، وعقلها يوزن بلد،،، يعني انا قدامها ولا حاجه،، بالجد المفروض يكون ده سن الزواج لأنها ماشاء الله واعيه حقيقي دي ح تطلع أجيال مافي زيهم ❤️❤️💋،،، قالت لي بعد كده امشي قولته ليها ليه افطري معاي قالت لي مرة تانيه،، بالله كل ما تلقي نفسك فاضيه تعالي لي لاني زاتي راجلي بيطلع من الصباح فخلاص نكون مع بعض قولته ليها ظريف و مالو 💛
بعد ما طلعت مشيت رقدته
نومته،، ما صحيت الا علي عمر
هو بيلمس لي في شعري،،، أول
ما شافني صحيت عاين لي
‎ وقام طالع،، اتخلعته فيهو ، لاا
بالجد الجن ولا النفسيات،،،،
غسلت وشي وطلعت لقيتو مجهز الاكل الساعه كانت4 كده،، طبعا انا بكل نفس مشيت اكلته،، لا هو سألني قيلتي كيف لا انا سالتو الشغل كيف لميت العده وغسلتها هو عمل شاي لي نفسو وعمل لي معاهو،،، وقعدنا نحضر في التلفزيون،،، قال لي امتحاناتك قربتك بتقري!!! سكت،،، قال لي بتكلم معاك،، قولته ليهو لااا لسه،، قال لي طيب منتظره شنو؟؟؟ قولته ليهو بقرا ان شاء الله من بكره قال لي تمام ،،، شيتاتك ولا ح تقري من شنو،، قولته ليهو لاا جبتهم معاي،، قال لي ماشاء الله جايه جاهزه،،، وسكت ما رديت،،، استمر اليوم عادي ،،،أيامنا بقت روتينيه شديد،، هو بيطلع من الصباح بس كل ما يجي طالع يبوسني في جبيني ويطلع،،،،وعلاقتي بقت مع اسيل حلوة يعني بتجيني بمشي ليها حتى يوم جاتني بالفطور،،، وقالت لي بختك ب عمر راجلك والله،، سكت ما قدرته اتكلم ،، والعبره خنقتني بختي وين بختي هو ما عايزني بختي انو ما راعى لي ونزل شغل من تاني اسبوع؟!!،،،
‎
‎ قالت لي انتي عارفة مصعب
راجلها شغال مع راجلك
ولالا كمان وصاني عليك،، اي قال لي متخليها براها لاني بقلق عليها،،،،،،، للحظه كده ما عرفته ارد ب شنو،،، متأكدة ده عمر القال كده،،، قالت لي اي واضح انو بيحبك ❤️،،، اخر كلامي معاها ودعتها مشت بيتها،،، لمن جاء عمر بقيت بعاين ليهو عشره عشره،،، يعني في احتمال انو عمر يكون بيحبني ؟؟ بس هو بيحب تسنيم،، اووف،، قال لي بعدين ح.

نمشي ناس امي ف ما تعملي الغدا،،، سكتت،، فعلا لبسنا مشينا ناس خالتو نجوى *امو*،،،،،،،،،، من البدايه ما عملت روج ولا حتى فكيت شعري احساس ما يحصل بيناتنا اي نقاشات،،، لمن جينا طالعين مسك يدي ما حاولت افكها،،،برضو مافي كلام بيناتنا،،، لحدي ما وصلنا لقينا شيماء منتظرانا جنب الباب،،، سلمت علينا وجات جنب اضاني قالت لي اخيراً جاء اليوم الجيتو فيهو مع بعض💛،، قلت ليها اسكتي،،، دخلنا استقبلتنا خالتو نجوى و مازن،،، الونسه كانت عاديه وكلها عباره عن مشاغلات مرة من شيماء ومرة من مازن،، حتى واحنا بنتغدا برضو رغم اني متعوده علي الاتنين ديل بس كل ما اكون دايره ارد على مازن بلقى عمر بيرد بدلي،، مازن قال ليهو شنو يا ما دايرني اتكلم معاها ولا كيف،،، ولا اشتغل بيهو،،، بعد ما خلصنا بديت ألم في العدة مع تسنيم رغم انو خالتو نجوى حلفتني وشغاله لي انتي عروس ما ينفع والوضع اختلف،، قولته ليها لالا ما مشكله،، طبعا جاده انا عادي ممكن اغسل ليهم العدة في المواضيع الزي دي بتشيلني الهاشميه شديد ،، وخاصه ناس خالتو نجوى بالفطره كده كنت طوالي معاهم،، لمن لقوني مصرة قالو لي خلاص تعملي لينا بس الشاي ،،
فعلا مشيت المطبخ بقيت اعمل في الشاي وشيماء معاي تغسل في العدة قالت لي انمشي اجيب تلفوني من فوق قولته ليها تمام،، في الاثناء دي مازن جاني وقف جنبي قال لي اخيرا لقيت طريقه اتكلم معاك،،، عمر ده بقى جادي معاك شديد يعني انا اخوه ما دايرني اتكلم معاكي،،،، ضحكت 🤣،، قال لي والله،،، بعدين انتي دايره بيهو شنو اطلقي منو وعرسيني انا،، يعني هو قالها بطريقة هظار كده،، بس في الكلام ده عمر جاء داخل،،، قال ليهو في أحلامك لو طلقتها،، قبل ما يخليهو يرد قال ليهو اطلع اطلع انا بقعد مع مرتي،،، مازن ولا كضب طلع طوالي،، جاء قريب مني قولته ليهو مافي داعي لي البتعمل فيهو ده كل وفعليا نحنا ح نتطلق ما أتم كلامي لقيتو جراني من رقبتي عليهو وباسني....، ❤️❤️،،، اتهجمته ما عرفته اتصرف كيف هو ما بعد الا لمن سمع شهقت شيماء،،، في اللحظه دي بالذات قربت احفر قبري جنبي اموت....

*" وتتغير أحداث الرواية من طريقه لأخرى "....*

*ومن بين أشباهكِ الأربعين ; وحدكِ تغريني !*

*#ولكنني أحببتك《06》*♥️
*#بقلم_نون_علي* 💛🌸
*_____*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
من اكتر المواقف الما بتحسد عليها الموقف ده،،، ما عرفته اتصرف كيف غير اني انزل راسي،، ما قدرته اتحرك من جنبو زي الزول الإتثبت ب صباع مير،،،المشكله هو بدل يتحرك ولا يعتذر او يعمل اي رد فعل عن الحصل ، قبل علي شيماء قال ليها احم ممكن اعرف انتي واقفه لسه ليه؟!،،،،عمر واضح واضح شديد انو شخصيه سافله،،، يا ود الناس والله عندنا بيت يلمنا مافي داعي اصلا للفضايح،،، شيماء بعد مسافه اتحركت داير تطلع شكلها يادوبها استوعبت كلامو،،، في نفس الوقت هو برضو شكلو استوعب عملتو لانو قال ليها لاا خليك انا طالع،، فعلا طلع،، بقيت بعاين ليهو،، دي اكيد جينات في اولاد خالتو نجوى عدم الاستيعاب السريع 🤣،،، بعد ما طلع،، يحلني الله من مشغالات شيماء كل مرة،، انتو لسه ما شبعتوا من بعض،،، حقكم والله لسه ما تميتوا شهر العسل جايين، قدر ما حنسته امي تخلي العزومه دي شويه قالت لالا،،، دايره تشوف اخوي عمر مبسوط ولا لا،،، شكلها الحاجه ما عارفه العرسان بيكون مخلوعين كيف 🤣،،، تتكلم وانا ماسكه خشمي علي،،، ما جاتني اصلا الجراءه ارد ليها،، قالت لي ما تردي عادي 🤣،،، خلصت الشاي وجهزته الكبابي سريع سريع وطلعت،،، فعليا كده ما قدرته اتحمل تشغيلات شيماء،،لكن وين شكلو اليوم ده ما فايت،، أول ما قعدته وعمر يشاغل ب عيونو ،،اتوترته لدرجه الشاي اتفك مني،، خالتو نجوى قالت لي يا ساتر يا ساتر،،، يا بتي ما مشكله خليني انا بكب الشاي كفايه انك سويته، ما اتنقشته معاها لأنها جاتني في جرح والله،، اليوم خلص من تشغيلات عمر لشيماء حتى مازن المفاهم حاجه يشاغل،،،بعديها رجعنا البيت،، سالتو قولته ليهو بخصوص ناس امي،، قال لااا ديل نمشي ليهم يوم براهم ما نمشي ليهم كده،، قولته ليها اااا طيب،،،، أول ما دخلنا البيت دخلت غرفتي علي طول ولا اتلفت،، سامعه صوت ضحكتو وراي بس ما اشتغلته بيهو كتير،،، قعدته علي طرف السرير وانا بحاول استوعب في نفسي او بالأخص كده عمر وعلاقتي معاهو مرة كده مرة كده بيحركني علي كيف كيفو من غير اي تفكير بلقى نفسي اتعاملته معاهو ودي الحاله اني حالفه ما اتكلم معاهو،، جد جد هو بشوشني ويخليني لافه حولين نفسي،،، متأكده تماماً لو علاقتنا دي ما كان فيها طرف تالت "تسنيم" كان أمورنا اتصلحت،، أخدته نفس غيرته هدومي والسرير جاك زول،، نومته بعمق لدرجه انو ما صحيت الا الصباح وعمر بيصحي فيني،، قال لي مالك الليله عيانه وخته يدو في جبهتي زحيت منو،، قال لي مالك؟؟؟؟،، ما اتكلمت بس هو فهمني قال لي اااا طيب ممكن تعملي لي شاي مسافة ما البس؟؟!،، كان نفسي اقول ليهو لالا او انفعل معاهو و اطلع الجواي كلو،، بس كالعاده لساني خذلني،، قولته ليهو حاضر ،، قال لي يحضر ليك الخير وين ما مشيتي يارب 💛،،، قال كلامو ده وطلع،، وانا بقيت شغاله لي نفسي متخلفه عويره اها نسيتي العملو ليك وكمان ماشه تسوي ليهو الشاي لالا اها لو طلع من غير ما يشربو ح يحصل شنو ح يموت يعني،،، قومت وانا بتففففف،،، دخلت الحمام وانا لسه مواصله في نقتي،،، وفي المطبخ كذلك،، هو جاء سمعني وقف جنب باب المطبخ قال لي نون مافي داعي تشاكلي نفسك ما ضروري تعمليهو وانتي ما عايزه،،، طبعا جاني ب وتره حساسه،، قولته ليهو لالا خلاص عملتو انا،، قال لي ما تنسي تكبي لي نفسك معاي،،في الصاله بنتظرك،، بعد مسافه خلصته الشاي مديت ليهو حقو قال لي

تعالي تعالي اقعدي جنبي هنا،، اتررردته بس هو قام مسكني من يدي وقعدني جنبو،،، شرب الشاي من سكات ،، لحدي ما قال لي عارف ح تكوني مستغربه في تصرفاتي بس والله انا زاتي مستغرب في نفسي ف عشان كده ما كل مرة تلومي نفسك ، لوميني انا،،، بعدين انا كل ما احاول اكون جادي في علاقتنا بتذكر اني مجبور عليك انتي عارفه براك انا بكون ضد الحاجه البتجبر عليها،،، قولته ليهو بكل بساطه كان ما توافق وانا بعرس اي زول ما وقفت عليك،، قولته كلامي ده ب عفويه احساس مش ما عايزني خلاص ،، بس هو مسكني من معصم يدي وقال لي قولتي شنو تعرسي زول غيري انتي جنيتي،،، قولته ليهو انا عايزه اعرف انا فارقه معاك في شنو ما انت ما دايرني وانا مجبوره عليك،، قال لي وأفضل حاجه انك انجبرتي علي،، سكت والعبره خنقتني يعني عمر ده ما طبيعي من ناحيه مضايق عشان انجبر علي ومن ناحيه مبسوط،، متناقض بطريقه مخليني انا زاتي اتناقص معاهو يعني مرة عايزهو و مرة نافره منو،،،،، قال لي ايوة احسن حاجه حصلت اني انجبرته عليك،،، خدته يدينو في وشي وقال لي ما تفتكري اني ممكن كان اخلي زول غيري يعرسك حتى لو تقعدي مع امك بس،،، واصل وقال ايوه احسبيها انانيه احسبيها زي ما انتي عايزه تحسبيها بس فعليا انا كان ح اعمل كده فموضوع العرس جا في مصلحتك 🌼،،،بعديها باسني في جبيني وقال لي فوتك بالعافيه،،، شال تلفونو ومفتاح العربيه وطلع،،، وانا لسه قاعده في مكاني،،،، يعني انا عايزه افهم موقعي بالنسبه ليهو شنو،،،، لاااا وكمان العرس جا في مصلحتي،،، كان نفسي انفعل اقول ليهو انتي عايز منو بضبط انا ولا تسنيم،، بس تصرفاتو كلها علي بعضها بتجوطني فما بعرف اتصرف كيف،،،،رغم ده كل كنت مبسوطه ب كلامو يعني انا من النوعيه البيتاكل ب عقلي حلاوة ف اول ما احس انك مهتمي بي بنسى ليك الفات كلو بطريقه مؤقته،،، بنسبه انو تاني ما تفتحو معاي،،، قولته احسن اقوم انظف لانو لو قعدته كدا لي بكره تاني ما بقوم وح افتر من التفكير،،، وأثناء ما انا بنظف تلفوني اتصل كان في غرفتي في الاول اتجاهلته الاتصال بس قولته يمكن ده عمر،،، دخلت الغرفه لقيت الاتصال فصل،، بس تاني اتصل كان رقم غريب اترددته بس تاني رديت،، جاني صوت بت هو بتقول الليله مزاجك رايق يا عمر،، ما كان بعيد علي اني اعرف صوتها تسنيم ايوة تسنيم بس عمر كيف معاها علي اساس ماشي الشغل،، سمعتو بيقول ليها كيف مزاجي ما يكون رايق،،،، قالت ليهو دايما كده رايق يا رب،، بس ما تنساني بعدين،، قال ليها انا عندي كم تسنيم عشان ما اوصلها معاي،، لحدي هنا وانا قفلته الخط،،،و انا قلبي مقبوض كل ما اقول خلاص تجيني دفعه أقوى من القبليها انا فترته والله فترته وكرهته حياتي،،قعدته في الأرض ضميت رجولي علي وبكيت بكيت لمن الله غفر لي،،انا ما كنت عايزه حاجه منو غير انو يتقبلني كنت عايزه يعرف مقدار حبي ليهو،، ليه يستهين بي كده ليه يتعامل معاي بالطريقه دي،، انا انسانه بحس ما مجرده من المشاعر،،يعني أقل حقوقي اتجاهكم تحترموني....

‏و ليشهد الله أنِّي رضيت، و لكنِّي مِن ضَعفي بَكيت.
_____
*من جانب عمر*

رغم قلة الكلام بيناتنا بس كون كنا بنعمل اي حاجه مع بعض ف ده بيخليني أعترف انها أفضل فترة عشتها في حياتي،،، والحصل في بيت ناس امي كان ناتج عن غيرة،،وخاصه انو مازن قادره يتكلم معاها وانا لالا،، وبتضحك معاهو وانا راجلها ما شغاله بي،،،لمحتو هو داخل المطبخ ما قدرته اقعد شلته بعضي ومشيت ليهم،، لمن سمعت بيقول ليها انها تطلق مني ويعرسها هو ما عرفته مسكته نفسي كيف منو،،، يعني هو انت لمن تعاين ليها انا ما بتحكم في نفسي لمن تجي تخد نية انك تعرسها! ،، فكان غضبي منهم اني جريتها علي داير بكل الطرق اوضح ملكيتي فيها ❤️❤️❤️،،،، ح تقولو اني متناقض في علاقتي مع نون بس زي كل مرة ح اقول ليكم انو كل الأمور ال هي بتدخل فيها انا ببقى متناقض بس علي الأرجح بكون مايل ليها هي،،،، والحاجه دي من زمان ما معترف بيها فعليا كده بس حاسي وبكابر في نفسي،،رجعنا البيت هي ما علقت علي الحصل كل العملتو دخلت غرفتها بقيت لافي جنب باب غرفتها ادخل ولا لا ادخل ولا لا،، تاني قولته احسن لي بكره الصباح،،، بس لمن الصباح ،، علي اساس انها بتصحه قدامي،، و ما طلعت من غرفتها،، ولا اتلفه فتحت باب غرفتها ودخلت،، كان شكلها ملاكي شديد وهي نايمه،،،،بديت اصحي فيها بعد ما تاملتها كويس،،، أول ما صحت كان واضح انها نافره مني بس اتجاهلت الموضوع ده،، قولته من حقها طبعا،،، ما كان غالبني اعمل الشاي براي بس عايزها تشرب معاي،،،، زعلت مني نفسي وانا سامعها وهي بتلوم في نفسها،، عارف انها ح تكون حاسه كرامتها في الواطه،، فقولته ليها ما ضروري،، لكن هي أصرت والحاجه دي خلتني احترمها شديد،،، يعني خلت زعلها علي جنبه و بقت تفتش في راحتي،،،عشان كده جيت اتفاهمته معاها حاولتا أوضح ليها طبيعة العلاقه بيناتنا،،، بس هي بكل بساطه قالت تعرس،،،، لالا هي متخيله اني اخليها كده ب الساهل تعرس غير

ليه حديقه من غير بواب،،، فاتعصبته في الحكايه دي وأخذته موقف،، بس نظراتها و ملامحه وهي هاديه،،، ومسكينه ، خلتي اوتومتك ارتاح،،، حتى وانا مع تسنيم كان بالي رايق شديد،،،، المشكله انا زاتي ما عارف تسنيم دي، فهمي معاها شنو من جهه داير نون ومن جهة داير تسنيم،، بضبط انا عايز شنو ما عارف،، الزاد علي انو تسنيم بتجيني في الوتر الحساس من البدايه قالت لي وصلني معاك قولته ليها اخوانك وين،،طوالي اشتغلت الدراما حقتها انت ما بقيت تحبني وانت قولته لي انا ما باقي علي غير...... يعني والله بتاخد الأمور بحساسيه شديد فقولته لي نفسي يعني ما فيها حاجه لو وصلتها معاك كده كده في دربك،،، الحاجه الوحيده الكانت موقفاني انو نون تعرف،،،،،وشكل ده الحصل لاني لمن خلصته شغل وجيت راجع من الباب بقيت انادي في نون من قبيل وانا مستحمل وكاتم شوقي ليها،،،، بس اتفاجات انها مافي في البيت،، خدين يديني في راسي قولته تاني يا نون تاني،،، أقرب مزهريه جنبي شلتها كسرتها،،، يعني هو ما بتوب من حكايه انها تطلع ما توريني اتصلت ب شيماء قولته ليها نون معاكم؟؟! قالت لي لااا قولته ليها شوفي ناس امها، قالت لي تاني عملته ليها شنو يا عمر،، قولته ليها شوفيهم قالت لي ما معهم قبل شويه كنت معاهم،، طيب ح تكون مشت وين،،، ياخ ليه هي انسانه ما مسؤوله كده ما عارف انو في زفتين كلب وراها بيقلق عليها،، بس لي منو ح اقول لي نون المتهوره،، ساعه كامله وانا ما عارف هي وين، قربت اجن ب سببها شعور العجز ده أسو شعور ممكن يعيشو القرد بقيت لاقي حولين نفسي ،،، ، لحدي ما اذكرته زوجة أيمن صحبي قولته تكون معاها؟؟!؟،، طيب امشي اشوفها،، داير اتحرك امشي،،، سمعت صوت الباب بيفتح دخلت وقفلت الباب ب وراها،، كان من شكلها اني بتكي لاااا ما بتبكي وبس دي اتشق بالبكاء،، فجريت طوالي عليها وضميتها،،، ما _قومتي بالعكس كانت ثابته،، كانو في زول مات ليهم،،، بعد مسافه خدين يديني في خصرها وبقيت يعاين ليها في عيونها قولته ليها مسيت وين انتي خوفته عليك،،، ليه تعملي العمليه البطاله دي معي،،،، مع كلامي ده دفرتني عنها ب قوة،،استغربته الحصل معاها شنو لحدي الصباح كانت كويس،، بس هي انفعلت ودموعهغ اشتغلت زي المطر،، وقالت لي بتقول العمليه العملتها انا بطاله!! طيب انت،، موقفك شنو،،، ولا يمكن ما بتحس،، بس كل همك كيف تاذي غيرك،،، بذات نون دي،، تعبته منك،،، وتعبت من حبي ليك،، كل ما اقول بكره بيتغير بلقى ماشي اسوء،،، جيت علي نفسي عشانك برضو ما نفع،، ولمن اتجاهلتك أخذته موقف،، انت عارف نفسك اناني،، اناني بطريقه موذيه ،، بكل بساطه عايزني اهتم بيك بس ما اهملك،، في حين انت تكون ما مقيد من ناحيتي ،، أقع ولا اموت ما مهم،، من يوم العرس وانت بتتفن في انك تجرحني،، حتى ما رعيت لي،، ما قولته دي نون الربيتها مع انك كب مرة بتقول انا المربيك،، وين تربيتك دي ،، ياخ الحيوان بيحن،، انت شنو،، حتى عمري البتعيب فيهو ما شفع ليك،،،،ولا كمان خجلان مني وخجلان من اسمي اتكتب علي اسمك،،،،ياااخ انت شنو بني آدم زينا،،!!!،،،، ياااخ انت لو بتحب تسنيم دي حاجه بتخصك بس احترمني احترم فكرة اني بقيت مرتك وذي ما انت ما بترضي مازن يتكلم معاي انا زاتي ما برضى،،، هااا،، بس شكلك ما بتقدر تتخلي عن حبيبة قلبك لدرجه ماشي وجاي توصلها وانا بحنسك تحانيس عشان نطلع ،، و اعرف انك زي ما انت مجبور علي انا كمان مجبوره عليك،، بس الاختلاف انا بحبك وانت ما بتحبني انا شايفاك محور الكون عندي وانت اصلا ما شايفني،،، عشان كده زي ما دخلنا بالحسنة نطلع بالحسنة وانا علاقه بستهلك نفسي وبتستهلك مشاعري ان شاء الله عمرها ما استمرت عشان كده اديني ورقتي وفك نفسك وفكني.....ودخلت غرفتها ما خلتني اتكلم،، حتى لو داير اتكلم ح اقول شنو،، اقول ليها انا كنت عوير،، معليش كنت شافع،،، ده كلو طلعت كاتمه في قلبها،، بعد كلامها ده حسييت نفسي صغير صغييير شديد قدامها،،رغم كل كلامها ركزت لأنها اعترفت انها بتحبني طيب كيف؟،،، يعني الفترة دي كلها انا معذبها معاي وهي بالمقابل تحبني!!،،،كلامها كان بينزل فى قلبي زي الجرح،، كلام ح يعمل فيني أثر طول عمري،، ما ح اقدر اطلع من شعور الذنب دا ،،، كان اهون علي تقتلني مليون مرة،،، ما قدرته استحمل جريت علي جهة غرفتها ما هو ابقى ما راجل لو خليتها كده زعلانه،، دقيت الباب علي كذا مرة ما ردت قلقته وخوفته عليها قولته ليها والله يا نون ما تفتحي الباب ده اكسرو ،، برضو ما ردت قولته ليها طيب ح اعد لحدي تلاته فتحتي فتحتي ما فتحي والله العظيم اكسر الباب ده واريحك منو بالمرة،، برضو ما ردت لالا دي بتحداني قولته ليها واحد،،، اتنين،،، مع تلاته فتحت الباب،، وشها واقع من البكى اتمنيت لو للحظه نتبادل الشعور......

___

*من جانبي*
لمن غلبني اتحمل طلعت مشيت لي اسيل قدر ما حاولت تعرف اني مالي ما وريتها،، ما عرفته اقول ليها شنو قال ليها عرسنا كان ب وصيه ولاا اقول ليها عمر ما دايرني وبحب بت غيري،، اكيد ح تكره عمر و انا الحاجه دي ما بقدر استحملها كونها تكرهو لالا قولته احسن احافظ علي صورة السمحه في رأسها،،، حاولت تهديني تتكلم معاي بس الحال في حالو،، لحدي ما قولته ليها احسن امشي البيت،،، قالت لي لالا ما تمشي ب حالتك دي،، قولته ليها لالا ما تخافي علي،،، قدمتني لحدي بيتنا،،أول ما دخلت البيت لقيت عمر،، عيونو كان فيها لمعه،، لمعه غريبه،، بس هو فاجأني لمن حضني،، أخذته وقفه مع نفسي يعني الصباح معاها وهسي معاي،، انفعلت فيهو بطريقه حسيت نفسي مرتاحه شديد كل الجواي طلعتو،،، قبل ما يرد دخلت غرفتي،،، ما ندمانه علي اي كلمه قولتها ولا حتى علي اعترافي خليهو يحس شويه ويعرف البي والعلي،، بعد مسافه سمعتو بيدق في الباب،، ما كان عندي اي نيه افتح ليهو لكن هو انفعل شديد قال ح يكسر الباب ما بعيد يعملها فتحت ليهو الباب عاين لي مسافه،، دخلني لي جوا وقفل باب الغرفه،، قلته ليهو عمر ؟؟ جراني عليهو ضماني عليهو بقوة قدر ما حاولته اسحب نفسي من ما قدرته،،، قال لي ما بتهوني ولا ح تهوني علي ف يوم اشوفك زعلانه،، قولته ليهو عمر ابعد!،، قال لي ابعد عنك؟؟!! انا اتخلقته عشان اكون قريب ليك،،، وإذا انتي بتحبني انا بقلب الدنيا عشانك قلب،،،قبل ما ارد باسني،، في لحظه ضعف مني ومنو وفي لحظة تقارب بيناتنا،، ما عارفه متين وصلني السرير،،ما كانت حاسه ب اي شي غير همساتو في اضاني،،، وحصل الحصل ❤️،، لمن صحيت الصباح لقيت نفسي في حضن عمر رفعت راسي لقيتو صاحي،، أول ما حسه ب حركتي تكل يدو ومال علي قال لي اممم يا نوامه من قبيل منتظرك تصحي،،، خجلته وغطيت وشي ب يديني،، ضحك ومرر يدو في وشي قال لي ما تقولي لي خجلانه،، طب ده ينفع!! ،، واصل قال بعد المجهود العملتو دا كلو مفروض ما تخجلي مني،،،قولته ليهو بصوت عالي نسيباً عمر،،، ضحك قال لي يا عيون عمر انتي،،، قولته ليهو ممكن تخليني اقوم،،، قال لي قومي انا هسي ماسكك!!!! بقيت ما عارفه اعمل شنو،، هو فهمني وضحك ضحكه كده بعدها قال لي تعالي تعالي ما حسيت لنفسي الا وهو شايلني ودخلني الحمام....
بعديها الحياه اختلفت بيناتنا او ممكن اقول اتبادلنا الادوار،، فرق كبير بين اول ايام عرسنا وهسي،، عمر بقى هو البيتونس معاي ويحاول يفتح مواضيع،، يعني ظهرت شخصيه جديده لي عمر ،، حنين لدرجه بتتحير فيهو،، بس برضو عند موقفي قدر ما يحاول يتكلم معاي انا بكون ساكته ما قادره أتجاوز الحصل بيناتنا مفروض ما كان يحصل ب اي طريقه من الطرق،، كيف سلمته ليهو نفسي كده،، يوم قال لي نون فضل ليك اسبوع علي امتحاناتك،، و شايفك ما بتقري!!،،قولته ليهو ااا فعلا،، قال لي طلعي لي شيتاتك كلها عشان اراجعها معاك ونقعد نفهم ونحفظ مع بعض * بقرأ اداره اعمال نسبه لي انو عمر قرأ ادراه فمن حبي ليهو قريتها،،، كنت هبله معليش "،، كنت ح اعناد لكن تاني قولته يا عويره انتي ما عارفه اي حاجه ح تضيعي نفسك،، قبل ما ارد قال لي ما تفكري كتير لاني كده كده ح اقريك وما ح ارضى غير أنك تجي البروفه حقت الدفعه،، عاينت ليهو نظام في خيالي ما بفكر اجي البروفه تجي انت تقول لي بجيبها ح اجيبها كيف اها وريني يا باشمهندس انت،،، قال لي بتعايني كده لي جادي واعتبريهو تحدي مني ليك،،كما جبتك البروفه،،، قولته ليهو تمام،،، مشيت طلعت ليهو كل الشيتات،،هو لمن شافهم قال لي انتي قولي لي انسحب بس،،، قولته ليهو لو ما قادر ما مشكله كده كده كنت بقرأ براي،،، قال لي يازوله ده كان زمان هسي انا معاك،، قولته ليهو عمر الغيرك شنو،، يعني عايز تصل لي وين،، قال لي ممكن تخليها كيف ما تجي تجي؟؟؟ ونعيش اليوم ب يوم والباقي الله كريم؟،، قولته ليهو بس لا انا م بعيش علي حاجه مجهوله،،، ما عارفه مصيري معاك شنو،، قال لي يابت الحلال مصيرك معاي مستحيل يكون مجهول والمكان الفيهو انا انتي تكوني فيهو ❤️ قال كلام ده وشال الشيتات مني ودخل غرفتو،، احساس انا قولته ليهو ترجع اي حاجه لي مكانها.وكل زول في غرفتو،،، رغم انو ملامح وشو كانت رافضه الموضوع بس ما اعترض،،، فعلا كده الاسبوع قبل الامتحانات كان معسكر معاي عديل،، وصل لمرحله بقى بليل ما بينوم عادي انا انوم واخليهو مساهر،، وهكذا،،، جد جد اجتهد معاي شديد،،، مرات كتيره بقول هو الممتحن ما انا،،،،،،، رغم ده كلو كنت كل ما تجيني فرصه بتجنبو هو مرة يتغاظ ومرة يمشيها لي،،،، أول امتحان من الصباح هو بشجع فيني قال لي ح يجي ساهل بس انتي ركزي وافهمي السؤال بيقول شنو ما تستعجلي زي كل مرة بتعملي،، قولته قصدك شنو!! يعني انا انسانه دايما بستعجل،، قال لي واضح يانون انتي عايزه تنكديها لينا من الصباح،، قولته ليهو كمان كمان انا نكديه،،،خلاص بقيت جاهزه عشان اردح لقيتو وقف علي العربيه علي جنبه،، قرب مني ب سرعه وباسني،،، قال لي وجبهتو قصاد جبهتي عشان

تعرفي تسكتي،،، بعديها حرك العربيه واتحركنا،، انا ب جاي فصلته فصله واحده،، بقى ماسك يدي هو كل مرة يعاين لي شكلي ويضحك لمن وصلنا قال لي اهم اهم حاجه التركيز،،،، يلا يلا انزلي،، دايره انزل مسكني قال لي اقيفي اقيفي،، باسني في جبيني وقال لي بتوفيق،،،، ما تنسى بعدين تتصلي بي طيب💛🌼،،، ما رديت وطلعت طوالي،،، من بوابة الجامعه صادفتني صحبتي إيناس سلمت علي قالت لي العروسه العندها امتحانات ان شاء الله تكون قريتي بس، 🤣🤣،،، قولته ليها قريت الكلام انتي ح انافسك في مرتبة الشرف 💛،،، قالت لي الله الله دي حاجه تشرفني 🌹،،، الامتحان كان حلو شديد،، كل ما احل سؤال بتذكر كلام عمر نسبه لي انو مراجع معاي الماده كلها ✔️،، أول مرة في حياتي يجيني امتحان ساهل كده،،ومن طلعت من الجامعه لقيت عمر منتظرني قال لي اها ابشر؟؟،، قولته ليهو اكيد ساهل مافي حاجه بتغلبني،، ضحك قال لي من ناحيه مافي حاجه بتغلبك ف دي حاجه اكيده،،،واتحركنا علي بيت،، لمن وصلنا قال لي ما تعملي اكل انا ح اطلب دليفري،، فعلا اكلنا قالي لي تاني نبقى علي الامتحان البعديه،، توالت الامتحانات وعمر لسه عند وعدو وبيتعب اكتر مني،، حتى في يوم بعد ما خلصته من الامتحان، وجينا راجعين مشى غرفتو طوالي ورقد نام،، ساعه ساعتين تلاته اربعه،، خمسه،، سبعه ساعات وهو لسه،،قلقته قولته اشوف الحصل معاهو شنو،، دقيت الباب ما رده،، ولا كضبت دخلت طوالي، كان شكلو فتران كده وتعبان صحيتو قولته ليهو عمر!! ما رده،،، هو الفترة الفاتت انضغط شديد معاي حنيت علي حالو وقربت منو ،، وأثناء ما بصحي فيهو صحى،، وقام مهجوم قال لي في شنو الحصل ليك شنو،،، قولته ليهو اهدأ اهدأ ما حصل لي حاجه بس انت كويس؟،، مسح وشو ب يدينو قال لي لااا كويس الحمد لله،،، قولته ليهو خلاص اعمل ليك حاجه تأكلها،، دايره اقوم مسكني وجراني علي حضنو،، اتهجمته قال لي انتي ما عندك بكره امتحان صح؟؟،، قولته ليهو فكني،، و ايوه ما عندي امتحان،، من نظرات عينو واللمعه فيهم وقربو مني فهمته الحاجه الفي راسو،، قولته ليهو عمر انتظر انت تعبان وانا شغاله امتحانات قال لي و هو بيستعدل اتحمليني لانو انا شوقي ليك بقى يلعب بي لعب ❤️❤️❤️،،،
بعد اليوم ده اختلفت المقاييس واختلف اسلوب الكلام وبقينا قريبين من بعض
صحيت علي قبلات متفرغه في وشي،،قال لي مع اني ما نفسي اقطع اللحظه دي بالذات بس انتي بكره ح تكوني نازله امتحان عشان كده قومي،، من هنا القرايه اختلفت،،كان بيقول لي كل ما تخلصي صفحه ح ابوسك في جبهتك وخدودك المسكراني ديل اما اذا خلصتي الشيت كلو فبعديها نتوكل بس، 🤣🤣❤️ يعني يا اما عمر ده تافه يا اما انا ما كنت بعرفوا كويس،،،، لكن والله كلمة بختي بيهو بسيطه شديد،،،حتى الاكل مرات بيعملو والبيت بينظفو و لمن اقول ليهو اساعدك يقول لي لااا اقري انتي عشان القى بعدين وقت معاك واسع ❤️❤️❤️

*"هناك من يضئ عتمي دائما هنا عمر ""*

ايام الامتحانات مرت سريع ما كان نفسي ب اي شكل من الأشكال انها تنتهي يعني تلاته اسابيع من أجمل ايام حياتي،،، خاصه انو عمر مدلعني وكمان تسنيم بقى ما جيب سيرتها كتير،، اخر امتحان كنت مبسوطه انو خلاص كده،،بس عمر كان مبسوط اكتر مني،، ف حبيت اخربها عليهو قولته ليهو الا نمشي ناس امي قال لي ياخي ضروري نمشي هسي؟ قولته ليهو عمر عليك الله قال لي امممممم،، مالو نمشي لسه الايام بيناتنا طويله،،، أول ما وصلنا هناك امي بقت تشاكل فيني مالك عامله كده غبشه وتشبه بت سعاد،،، قولته ليها يا أمي بسم الله انا كنت شغاله امتحانات،، قالت لي يعني معناها تهملي نفسك كده!!!،، هسي تقعدي عشان احننك قولته ليها امي لااا ما عايزه ، هي تحلف وانا احلف في النهايه قعدتني قولته ليها عمر ولا بينتظرني قالت لي يقعد يونس مالو غريب عننا،، فعلا امي خدت لي شكل ظريف،، بعد ما طلعتها قالت لي اها دايره ليها قعدت دخان قولته ليها مستحيل مستحيل امي دي الحاله جايه اسلم عليكم،،، قالت لي اسكتي يا الخمجانه يا ما شبه البنات،،، قولته ليها امي عمر قال هسي ح يناديني قالت لي عمر انا بقدر ليهو انتي مالك شفقانه عليهو كده،، اخواني عجبهم الكلام وبقو يضحكو فيني،،، زي كل مرة كلام امي بيمشي علي كلامي.....،، بعد ما خلصته كان عاجبني شكل الحنه مع الدخان بقت رهيبه وبسيطه رغم أنها ما شالت شديد بس ظريفه،، لمن جيت طالعه،، عمر همس لي جنب اصاني قال لي الليله للصباح ب حنتك دي،، حسيت نفسي قدر السمسمه،،، اخواتي امي مركزين معانا اكتر من ما مركزين في حياتهم،، قال لي احسن نطلع عندنا بيت يلمنا بدل ما نتلمه بفصيحة اداب هنا،،، مسك يدي وقال ليهم اها ما نستغنا نحنا،، امي قالت ليهو خلي نون معانا قال ليها والله لو بتستقبلوني معاها طوالي،،، امي ضحكت قال ليهو لقينك وين؟؟؟ قال ليها لاا ان شاء الله مرة تانيه بعد ما ودعنهم ركبنا مشينا علي البيت،،، هو يشاغل قال لي شنو لكن دي دعوة صريحه منك لي،، قربته ابكي من الخجل والله،،، حتى لو قولته ليهو امي

ح يقول لي لو انتي ما عايزه مافي زول بيجبرك الا اذا كان... 😏،،، سكته،،، بدا يغني لحدي ما وصلنا،، جاريه علي غرفتي مسكني قال لي وين وين!! لسه لسه نحنا ورانا مشوار طويل ،، وصبر فترة امتحاناتك ،،،، قولته ليهو عمر،،، قال لي بصوت مبحوح هو بيقربني منو ده وقت عمر......

تاني يوم صحيت لقيت عمر طلع،، أخذته نفس انو طلع لاني م كان عندي وش عاين ليهو،، بطني قامت علي تاني بس حاولته اتجاهل الموضوع،،، دايره اقوم لقيت جنبي ورقه من عمر مكتوب فيها ما تفرحي ماشي اشوف لي طريقه اجازه ما هو يرضيك ما يكون عندنا شهر عسل!!،، ابتسمته،، ودخلت الحمام لقيت ورقه تانيه قال لي. شايفك انبسطي،،، قولته عمر ده منجنون والله،، خلصته مشيت المطبخ برضو تاني لقيت ورقه قال لي اكلي كويس ما أوصيك،،، فعلا عملت الاكل دايره اكل ريحتو قلبت بطني اكتر ماهي مقلوبه،، لمن الوجع زاد اتصلت ب امي قالت لي من امبارح منتظره تتصلي قولته ليها ليه،، قالت لي انتي وريني اتصلتي لي ليه قولته ليها انتي عارفه الدخان حق امبارح ده تروخني وهسي بطني قلبت،، قالت لي ده ما الدخان،، امبارح لاحظته ليك من وشك البقى اصفر،،، قولته ليها كيف كيف،، قالت لي يا بتي امشي افحصي يمكن حامل،، لااا اراديا قولته ليها يا أمي متين هو،،، امي قالت لي شنو؟!؟! قولته ليه لااا قصدي بالسرعه دي،، قالت لي يا بتي اقل حاجه اسبوعين عشان يحصل حمل،، سكته،، قالت لي امشي افحصي،، قولته ليها تمام،، غفلت منها فكرة اني ممكن اكون حامل خوفته خ وفي نفس الوقت متحمسه،، أقرب صيدليه مشيت جبت جهاز الكشف،، في الاول ماعرفته استخدمو كيف بس تاني ب جاي و ب جاي عرفته،، و فعليا طلعت حامل،، وقفته مع نفسي مسافه هل مفروض افرح ولا مفروض اصرف كيف،، طيب عمر موقف ح يكون شنو ح يفرح،،،،؟!،، قعدته في السرير وانا لسه بفكر،، امي تتصل وانا ما قادره ارد،،، انتظرت في مكان داك لحدي مع عمر جاء،،، رغم انو اتأخر حتى لمن جاء ما دخل علي في الغرفه،، انتظرت برضو ما جاء داخل،، مشيت عشان اشوف لقيت واقف جنب باب الغرفه استغربته،، حتى وشو كان مخطوفه،، قولته ليهو ليه اتاخرت وكدة،،، ما رده وبقى يعاين لي،، قولته احسن نكون علي بينه واوريهو قولته ليهو عمر اااا عندي ليك خبر ما عارفه إذا ح يعجبك لاا،، قال لي انا زاتي عندي ليك خبر بس تعالي مسكني من يدي وقعدنا في الصاله بره،، قال لي انا عارف انو الكلام الح اقول ليك ما ح تقدر تستحمليهو بس اتأكدى اناذي معاك يعني ما ح اخليك ودي عقبه ونحنا ح نتجاوزها مع بعض بس انتي ما تخليني،،، قلقته واتوترته من كلامو قولته ليهو عمر قول طوالي في شنو،،، قال لي هو منزل راسو انا ح اعرس تسنيم.....

*"ومن اخبركم بأن كل الروايات سعيده!!!!!!*

*#ولكنني أحببتك《07》*♥️
*#الاخيـــــــــــــــــــــــــــــرة*
*#بقلم_نون_علي* 💛🌸
*_____*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
قلقته واتوترته من كلامو قولته ليهو عمر قول طوالي في شنو،،، قال لي هو منزل راسو انا ح اعرس تسنيم.....،، في الأول كنت قايلو بيهظر لانو مستحيل بعد الحصل معانا ده كلو هو لسه بحبها!! قولته ليهو عمر انت بتهظر صح؟!،،، ما رد،، هنا يادوب اتيقنت،، بقيت اهز فيهو بقوة عمر كذب علي كيف يعني تعرس تسنيم طيب انا ح يحصل فيني شنو،، قرب مني ومسك وشي بيدينو بلهفه قال نون انتي مكانك معاي عاينت ليهو في عيونو وانا دموعي نازله مطر قولته ليهو وكيف ح اكون معاك وانت عايز تتزوج تسنيم؟!! زحيت منو بقوة قولته ليهو ياخ حرام عليك انا ما تميت معاك سنة جاري تعرس تسيم طيب ما فكرته فيني ما فكرته في نظرة الناس ح تكون اتجاهي شنو !! قال لي انا انا ما بيهمني الناس بتهميني انتي، فاهمه! ،،،ضحكته ب استهتار قولته ليهو بدليل انك ماشي تعرس فيني ولااا داير تعرس تسنيم حبيبتك!! ،، ختيت يديني في وشي قولته ليهو نحنا تاني ما بننفع مع بعض رجعني بيت ابوي،،،، مع كلامي ده جراني عليهو ضمني لدرجه حسيت ضلوعي اتكسرت،، قال لي انتي مجنونه؟؟؟! كيف اصلا تجيك فكره زي دي اذا انتي مستغنيه عني انا ما بقدر استغنى عنك ولا ب اي شكل من الاشكال ،،، سكت بفكر في كلامو كيف يعني انا المستغنيه؟! طيب مش هو الح يعرس فيني!!،،، قال لي قبل ما تردي داير قول ليك اني انجبرت علي الحاجه دي،،،وانا ك راجل لازم اوفي ب وعدي،،، زحيت نفسي منو بالعافيه قولته ليهو طيب و بخصوص وعدك لي؟؟! قآل لي انا معاك مستحيل اخليك،،،قولته ليهو عمر؟؟؟؟ انت مستوعب البتقول فيهو ده!!!،،، فجأة انفصمت وبقيت بصرخ قولته ليهو انت عارف يعني شنو تعرس تسنيم حبيبتك يعني انا ح اكون طرف بديل انا الطرف المفروض يستحمل ويسكت،،، انا الوحيده الحاكون خسرانه او المظلومه لأنك من البدايه ما دايريني،،،،، طيب وريني فكرته في مشاعري!! انا عارفه ومتاكده انك عارف اني بحبك بس بتتجاهل لكن زي ما انت بتتجاهل انا زاتي ح اتجاهلك ويا ديار ما دخلك شر،،،،و ااااا انا حامل وده للمعلومية يعني، بس يا فرحه ما تمت......
_____
*من جانب عمر*
يمكن انا الختيت نفسي في الوضع الصعب ده من جهة تسنيم ومن جهة نون،،، ما عارف كيف ومتين وليه حصل كدا بس موضوع اني أديت الراجل كلمه في تسنيم ما بقدر أتجاوز ما هو ما معقوله اقول ليهم داير بتكم وبعد ما عرست اقول ليهم معليش خليتها ما لعب عيال هو! ،، والعرس ده موضوع كبير ماينفع انو الإنسان ينسحب اذا هو ما عايز من البدايه مافي زول جبرو،،، واليوم داك بالذات اتصل بي ابو تسنيم قال لي وين يا ولدي خليت بتنا ولا شنو أمها دي داير يتمو ليها العرس سريع،،، وقتها ارتكبته ما عرفت اعمل شنو صعب اخزل الراجل و هو املو فيني وصعب كمان علي أوافق،،، لمن ضغط علي قولته ليهو شوف المناسب معاكم و ادوني خبر،،، بعد ما قفلت اتخنقت حسيت نفسي لازم اكلم نون اهون عليها تسمع مني اكتر من تسمع من بره رغم انو صعبه بس علي بس لازم اوجهها لازم تعرف مني انا،،، لحظتها لو كنت عارف ده الح يحصل كنت عملت الف خطوه قبل ما اعمل الخطوه دي بس الحصل حصل،، موضوع اني اوريها ما كان ساهل،، حتى لمن قالت لي كذب علي كان نفسي اكذب عليها واكذب علي نفسي بس ما كان بيدي حيله ،،، انهيارها بالشكل ده قدامي لحظتها خلاني اتمنيت اني اسوقها لي مكان بعيد كل

البعد عن الناس ومشاكلهم،،، سبحان من جوا قلبي ليها او هو من زمان مايل ليها بس زي ما قالت اني كنت متجاهل،، ضميتها علي حاولته اهدي نفسي قبل ما أهديها،، عارف نفسي اناني فيها،،،وفكره اني اسوقها لي أهلها وكذا بالنسبه لي فكره شبه مستحيله يعني بالنسبه لي احسن نكون قصاد بعض كده،، وانا اصلا يوم ما بقدر عليهو بدونها مابالك بي فترة ما معرفه تنتهي متين؟؟،، لكن لمن قالت لي حامل هنا الوضع اختلف،، وحسيت نفسي صغير شديد قدامها ولو على نفسي اولع فيني نار يعني هي كانت دايره توريني بالخبر ده انا جيت صدمتها كدا؟؟؟؟؟! 💔 لحظتها ما عرفته اعمل شنو افرح ولا ازعل علي نفسي!،،، دخلت الغرفه وانا قرب كرسي قعدتا عليهو،، مسكت راسي وبقيت افكر المواضيع اشربكت في بعضيها شديد ،، بعد مسافه جات طالعه ب شنطتها وقفت علي حيلي قالت لي ولا تحاول معاي،، عاينت في وشها واقع من البكى يا عمري انتي 💔💔💔،، قالت لي اخوي ح يجي يسوقني قولته ليها انا ح اسوقك،، شكلها اتفاجات كانت مفتكره اني ح اعاند وكذا،، وفعليا كنت ح اعمل كدا واحبسها في البيت ده واحبس نفسي معاها،، بس اول ما قالت إنها حامل هنا النظريات اتغيرت والوضع اختلف لازم اعمل ليها الحاجه البتريحها حتى لو علي حساب نفسي،، بعديها سقتها البيت رغم اعتراضها بس في النهايه اقتنعت بعد وصلتها دايره تنزل مسكتها من يدها وحضنتها علي❤️ قولته ليها لوانتي مفتكره انك كدا بتريحي نفسك فانتي كدا بتجني علي،، ما ردت سحبت نفسها مني ونزلت شلته نفسي ونزلت وراها شلت شنطتها ودخلتها بيتها قبل ما امشي قولته ليها أوصيك بالله علي نفسك حافظي عليها ❤️،،،، وطلعت علي كدا،، كان واضح علي امها و اخواتهم انهم عارفين او المتوقعين ده الحيحصل ،،،بعديها الوضع ماشي من مقعد لمعقد اكتر لصعب الحل!،،،
___
*من جانب شيماء اخت عمر..*
موضوع عرس عمر ده هجمنا كلنا يعني بعد قولنا خلاص استقر مع نون تاني رجع لتسنيم!!!.. تقريبا انا الوحيده الكنت عارفه جوانب القصه كلها وعارفه نون ح تكون بتعاني كيف وعمر كذلك رغم اني اتكلمت معاهو وقولته ليهو مافي زول جابرك علي حاجه في النهايه شوف سعادتك وين ما تعذب نون معاك ، قال لي يعني انا عاجبني اعذبها معاي كدا! بس انا وعدته الجماعه ديل،، و اديتهم كلمة رجال دايراني اعمل شنو؟؟؟ قولته ليهو خلاص طلقها،، اتهجم وملامحو اتغيرت قال لي انتي بتقولي كدا! كيف دايراني اطلق نون؟! بالسهوله دي!! دي عمري كلو يا شيماء! بتهظري انتي!!،، سكت منو يمكن لاني متأكده زي ما هي صعب علي نون صعب عليهو،،، لكن تسنيم دي اشوف فيها يوم،، حتى امي رغم انو تسنيم بت اختها بس نهائي ما كانت راضيه عن العرس لكن مافي يدها حيله،، كانت بتاجل في العرس كل مرة علي اساس الوضع يتصلح لكن خالتو نور ام تسنيم قالت ليها انتي مالك كل مرة تاجلي في العرس لو ما دايره بتنا قولي في النهايه انتو الطلبتوها مننا ما شحدناكم تعرسوها،، امي قالت ليها ده كلام شنو يا نور كيف ما دايره تسنيم ما هي زي بتي لكن عشان عمر حياتو ملخبطه وكده،،، قالت ليها خليهو يعرس بتي وبترتبها ليهو كويس،، بتي عاقله وانتي عارفه،،، انا كنت قاعده وبعاين لي خالتو نور وتسننيم الجنبها توزع في البسمات زي مغيوظه ،، مع اني عارفه عمر مستحيل يقدم علي خطوة زي دي مالم يتخت في موقف حساس،، وتسنيم بعرفها،، وبعرف حركاتها،، ربنا ياخدك يا بعيده،،،، استمر الوضع كده و انا ما عارفه اقيف مع منو اخوي من جهه و صحبتي نون من جهه،، وفي يوم كنت قاعده معاها عمر اتصل بي قال لي شيماء شوفي لي طريقه اشوفها انا بالجد بالجد نفسي اشوفها،،، سكته،،، بس تاني حنيت علي حالتو قولته ليهو تمام بفتح ليك الباب اصلا امها مافي في أخواتها واخوها في الشغل،، قال لي وهو بضحك باستهتار اخر الزمن ابقى زي الشافع بفتش في سبب عشان اشوف مرتي!!! والله لو ما خايف عليها بجي اشيلها بالقوة واحبسها في بيتنا،، بس الحمد الله،، قولته ليهو هسي تعال سريع،،، قفلت منو،، مشيت لي أخواتها كلمتهم في الأول رفضو بس تاني حسو ب انو نون ح تتحسن لو شافتو،،، فعلا ما تمه نص ساعه لقيتو قدامي،، دخلت الغرفه وغفلته الباب عليهم ،، دي اكتر حاجه ممكن اخدمهم بيها
___
*من جانبي*
كنت قاعده مع نفسي وببكي احساس خلاص ح يعرس تسنيم ح يعرسها!!! ، قعدته اتحسر علي نفسي واقول يا حليلك بعد الحصل ده كلو ما حباك،،،، بتكلم مع نفسي لقيت الباب قفل قبلته وراي لقيت عمر،،، كان متغير شديد حتى معالم وشو اتغيرت وبقى شاحب،، قولته ليهو انت الجابك هنا شنو؟!!!،، اطلع بره،، ما اتكلم معاي كان بيعاين لي بس ب لمعه غريبه،، سكته،،، جا جاري علي ورفعني فوق وضمني عليهو ودفن وشو في رقبتي و بقى يتنفس ب صوت عالي نسبيا،، انا للحظه تهته وقرب يغمه علي،،، قال لي انسي زعلك مني وانسي اي حاجه وخليني جنبك لاني مشتاق ليك ❤️ لدرجه نفسي اخطفك،، ولو علي ادسك جوا ضلوعي ❤️،،،بقينا ساكتين مافي غير صوت انفاسنا في الغرفه،، انا كنت ضايعه

وكذابه لو قلت ليكم برضو ما مشتاقه ليهو،،،، ما صحيت علي نفسي الا هو بيبوسني في رقبتي قال لي نون انا بحبك انا بريدك ❤️ يمكن كنت بعاند في نفسي بس دي حقيقه انا ما بقدر اغيرها ❤️ انا مش بحبك وبس! انا بتنفس الأرض البتمشي عليها وانا بلاك ولا حاجه ❤️،،، قولته ليهو جيت متأخر،،، مع كلمه دي رفع راسو قال لي انتي مصره تبعدي عني،، قولته ليهو ما انا المصره بس انت الداير تخرب العلاقه البيناتنا،،، قال لي انا عايز اخربها؟!! هو لو علي اخرب الدنيا كلها عشانها،،، قولته ليهو واضح شديد وانت داير تعرس فيني،، قال لي دي حاجه خاصه،، انا هنا ما قدرته اتحمل قولته ليهو زح مني، قال لي افهميني انتي،، صرخته قولته ما عايزه اتكلم معاك انت ما بتفهم؟ اطلع بره حياتي،، زحيت منو بالقوة قولته ليهو طلقني هسي. هسي بس تطلقني،،،، سكتت كان بعاين لي مصدوم قولته ليهو يارب ما اشوفك في يوم تاني انا خلاص زهجت وبقيت ابكي،، جاي علي،، قولته اوع اوع تقرب مني انا الشوفتو منك ما هين كفايه لحدي هنا و اطلع بره،،،، كان واقف داير يقرب لسه احساس يهديني وكذا بس انا صرخته زياده قولته ليهو بره بره ،، مع صوتي جات شيماء جاريه فتحت الباب،، لمن شافت حالتي مسكت عمر من يدو قالت ليهو اطلع اطلع يا عمر قبل حالتها تزيد زياده،،،، عاين ليها ب نظرات وقال ليها حالتها دي ح تزيد ب سببي انا معقوله! ،، ياخ دي لو طلبت اني اموت ليها بموت،،،، قالت ليهو عمر اطلع سريع،،، فعلا طلع مرغم،،،وانا لسه ببكي. شيماء حاولت تهديني قولته ليها انا بحب عمر شديد هو ليه بيعمل معاي كده؟؟؟؟، قالت لي لانو مضطر يعمل كده قولته ليها علي حسابي؟! قالت لي ما علي حسابك انتي بس، علي حسابو برضو،، سكته،،، رقدتني في السرير جابت لي مويه شربته وبقيت اعاين لي السقف،، اخواتي بعد ما طلع عمر جوني قالو لي في شنو ! الحصل شنو عمل ليها شنو!! شيماء قالت ليهم ولا حاجه بس انا ح امشي اعمل ليها كبايه عصير وشوربه كده تروقها،، قلت ليها ما عايزه اي حاجه خلوني براي،، قالت لي لالالا انا ح اعملها واجيك،، غطيت وشي بالمخده،، فعلا بعد مسافه جات قالت لي يلا يلا قومي في الأول اعترضت تاني أصرت اكلتني بالقوة حتى العصير رجاله قالت لي نومي هسي انا اطلع اودي الحاجات دي،،، بعد ما طلعت بقيت بفكر في عمر قلبي قبصني شديد،،، شويه واسمع صوت شيماء تبكي وتقول لاااا عمر،،، عمر،،،
_______
*من جانبي*
لمن سمعت صوت شيماء وهي بتقول عمر عمر،، اتخلعت وجريت ليها حتى ما عملت حساب اني حامل وكذا،، قلت ليها في شنو قالت لي وهي بتبكي عمر عمل حادث 😭😭😭😭😭😭😭😭،،،،، تاني انا ما فهمت حاجه وصلت المستشفي كيف ما عارفه بس فجأة لقيت نفسي قدام غرفة عمر في العملية،،، وأهلي كلهم واقفين وصلت كيف ومتين ما تسألوني لاني لا شعوريا كنت فاقده المنطق،،، اتذكرت وانا بقول ليهو يا رب ما اشوف وشك تاني،،، لالا كده دعوتي استجابت لااااا يارب لالالا،،، دموعي نزلوا عشرة عشرة بس الفايده شنو لمن تكون سبب رئيسي في فقدان حياة زول لي آخر لحظة كان بيقنع فيني،،، بس انا عملت شنو،، بصدو عن طريقي وبدعي عليهو وده كلو عشان عايز يعرس وفيها شنو لو عرس على الاقل قدام عيوني ما زي هسي بين الحياة او الموت،، ياريتني ما قلت ليهو كده ياريتني انا المتت قبل ما اقول كده

" لمن يكون زول عزيز علينا داخل على عملية او في عملية لحظتها يادوب بنحس الحياه هايفه انو ولا حاجه قصادو،،، اهدافنا طموحاتنا و الحاجات البنسعي بتبقى ما مهمه عندنا و بتموت داخلنا،، لو جاء زول اتكلم لينا عن اسلوب حياتو ح يجينا شعور انو ما عندو موضوع،،،، وقتها اكبر الأمور بالنسبه ليك ح تبقى اتفه الأمور عندك.....
والعناد والزعل والعتاب لمن يجموا مع بعض بزيدوا المشاكل والخلافات بتكتر بس شعور الفقدان بكل بساطة بيمحيهم 💛 و عقلنا الباطن ح يعمل على اساس انو تاني ب اي شكل من الأشكال ما يعمل خلاف مع الشخصيه دي 💛
عاينت جنبي،، خالتو نجوى تبكي وتقول ما بكيت وشيماء جنبها واعمامي وكلهم،، بعديها طلع الدكتور من عندو قال لينا حمد الله على السلامة ما عندو حاجه خطيره شويه كسور وفي ضربه في راسو مع العلاج والراحه ح يبقى كويس،،، طلع،، بعديها بقينا قاعدين حتى اخواتي وامي يعني ماشاء الله أمة لاا آله الا الله،، ولاحظت لي تسنيم مع اني نفسي اقوم اضربها اكفتها بس مسكت نفسي،،، حتى هي من نظراتها لي نفسها تقتلني عديل،،، أعمامي قال قعدتكم دي مافي داعي ليها كلكم ترجعوا البيت،، طبعا انا حلفت كان ارجع لمن لقوني مصرة قال خلاص خليك،، معاك مؤيد ومازن،، تسنيم لمن عرفت قالت زاتي بقعد بس قال ليها لالا،، قالت لي تخلوا نون وانا لاا قال ليها نون مرتو،، هنا سكتت،، وفعلا. كلهم طلعوا بقيت انا ومؤيد ومازن حارسنوا،،، لمن الدكتور جاء بجنبنا قلت ليهو الا ادخل ليهو مع انو رفض وشديد كمان لكن تاني قال لي سريع سريع وأهم حاجه تتعقمي قلت ليهو تمام تمام.....

لمن دخلت ل عمر كل ثباتي القدام اهلي انهار بقيت بعاين ليهو لافين ليهو راسو بشاش و يدو اليمين فيها كسر والتانيه مجرحه يعني حاله صعبه شديد،،، قربت منو مسكت يدو،،،،، ما اتخيلت في يوم نصل المرحله دي،،، أو يحصل لي عمر كده،، تاني بكيت،، وكل ما أعاين في وشو ازيد بكى،، ما انا السبب،،،، جاء الدكتور داخل قال لي بعد كده اطلعي طلعت وانا عيني لسه عليهو نفسي يصحى ويجرني عليهو زي زمان بس هسي اختلف الحال،،،،،

اليومين المرو من أصعب الايام ما بتجي حاجه قدام الفترة الكنا مختلفين فيها وكل يوم ببيت معاهو،، لحدي اليوم التالت كنت ماشه على الدكتور اسألو ليه ما صحى لحدي هسي لمن سألتو قال لي لانو نحنا بنديهو مسكنات لانو لو صحى الوجع ح يألمو شديد ف تاني نخليهو يصحى ونديهو مسكنات لمن جيت راجعه لقيت الاصانصير واقف لمن يصلني احسن اطلع ب السلالم رغم أنها صعبه علي بس احسن من الوقفه وصادفتني تسنيم زي الزول الكان منتظرني استغربت بس حاولت ما اشتغل بيها،، لمن جيت ب جنبها قالت لي رقاد عمر هنا بسببك وبعدين كان ما انتي وش شوم كان عرسنا من زمان،،، قالت لي ده وهي بتحاول تستفزني لكن اتجاهلتها خوف من اي اصطدام بيناتنا لكن هي زاد حقدها مني ومسكت يدي ولزتني على السلالم لتحت،،، دايره اتمسك في يدها بس الوقت ما ساعفني وجيت مدردقه
فوق تاني ما سمعت حاجه غير شيماء بتكورك،،،، في عز وجعي قلت شيماء دي ما بتفتر من الكواريك تاني ما فهمت اي شي غير وانا صحيت على صوت امي وهي بتقرأ القرآن جنبي،، اوتومتك ختيت يدي على بطني قلت ليها امي 💔💔💔💔،، أول ما سمعت صوتي جاتني جاريه حضنتي قالت لي اخيرا صحيتي،، قلت ليها ليها الحصل شنو،، قالت لي وقعتي من السلالم وجينا وحصلناك،، قلت ليها و البيبي يا امي،، عاينت لي قالت لي يا بتي انتي مؤمنة بقدر ربنا؟!،،، هنا شهقت قلت ليها لالالا يامي،، قالت لي وهي بتتبكي ربنا يعوضكم عوض صالح من عندو ،، قلت ليها كيف كيف يعني الكلام ده بالبساطه دي 💔💔💔💔،،، يعني حتى الحاجه البتربطني بعمر انتهت،،، من شدة ما بكيت اغمي على تاني،،، بس لمن صحيت لقيت عمر قاعد قصادي بكرسي متحرك،، كيف ومتين وين ما عرفت،،، يادوب ممكن اقول بكيت بعدلي 💔،، يمكن وصلني شعور اني ما حافظت على البيبي مع انو ما كان عندي يد في الموضوع بس شعور الذنب متملكني،،، هو اول ما شافني ببكي قال لي لاااااا ما تبكي ربنا يعوضنا ان شاء الله،،، والصبر على المصيبه في اولها،،،،، لمن لقاني لسه ببكي،، رفع نفسو يا الله يالله وجا قعد جنبي وضماني عليهو،، قال لي ولا تزعلي نفسك ولا تشيلي نفسك الزمن ومالو بكره املأ ليك الدنيا شفع،، هنا يادوب وعيت على نفسي واتذكرت كل الحصل دايره ابعد ضماني عليهو زيادة قال لي وين وين؟!،، بقاني قرابة الربع ساعة على الوضع ده ما نسمع غير صوت انفاسنا،، وانا كنت في حاله لا يعلم بها الا الله ملخبطه وجايطه ما قادره احدد موقفي معاهو،،، بس الحاجه العارفاها رغم زعلي ده كلو كان في جزء مني مبسوط انو عمر قدامي كويس وسليم. الحمد لله ... بعد مسافه قال لي تاني مافي حاجه ح تبعدنا عن بعض قلت ليهو وانا بدس نفسي بين احضانو وانا اصلا ما نفسي ابعد ❤️،، اخد ليهو صنن زي كأنو بستوعب في كلامي،،، رفع راسي بيدينو قال لي كدي عيدي القلتيهو تاني!! خجلت ودنقرت راسي،، قال لي ياااه لو كنت عارف الحادث ده ح يغيرك كدا كنت عملت حادث من زمان،، اتهجمت من كلامو قلت ليهو انت ما عارف انا الحصل علي شنو لمن سمعت الحصل ليك،،، قال لي عارف ومعليش امسحيها لي في وشي،، وباسني في جبهتي،، وكمان شيماء حكت لي كل الحصل معاك،، اتذكرت تسنيم و الوقعه ،، قلت ليهو ااا قاطعني قال لي ما تبرري ليها وكل زول بياخذ عقابو على العملو،، رفعت راسي أعاين ليهو لقيت عينو فيها زي شرار بس مجرد ما عاين لي نظراتو اتغيرت قال لي امممم انتي ما عارفه الحصل شنو لمن صحيت وما لقيتك، افتكرتك من شدة ما بقيتي تكرهيني استخسرتي فينيي انك تجي تشوفيني و مع ذلك مكانتك جواي ما اتهزت بالعكس قلت من حقها بس بعد ما عرفت الحصل ليك ما قدرته انتظر ولا دقيقه واصريت اني اجيك،،،،.... بسمع في كلامو وانا وشي ماشاء الله جاب قلوب❤️❤️ يعني يادوب ممكن اقول ليكم بختي ❤️ فجأة سمعت صوت وهو بتألم من حاجه اتخلعت رفعت راسي قلت ليهو مالك الواجعك شنو انادي الدكتور!،، قال لي الجراحه الفي راسي وانا بتلقائي شديد رفعت راسي على مستوى راسو وماسكه وشو بيديني احساس اعرف الحصل شنو بس هو استغل الفرصه ومسكني من خلف راسي بيدو السليمه و قربني منو ❤️❤️❤️❤️❤️ ما حسيت بنفسي الا بانفاسي المقطوعة وانا باخد في نفسي ❤️هو كذلك قرب جبهتو من جبهتي قال لي لازم اعمل كدا عشان اضمن اكتر انك جنبي،، ما خلاني ارد واصل ❤️❤️❤️،،،..

*•أني أتوه بكَ رغماً عن ثباتي ‏🖤🌸*

ورجعنا بيتنا من تاني هو من اول يوم لقيتو نقل هدومو في غرفتي قال لي من طلعتي من البيت ده وغرفتك بقت غرفتي وهسي غرفتنا سوا رغم اني حالف في اليوم الارجعك ما ح افكك مني تاني بالساهل،، بس هسي ح احترم انك تعبانه،، لكن ده ما بمنع من شويه.... قاطعتو بيدي قلت ليهو عمر؟؟!!،،، قال لي وهو بضحك انتي خليت فيهو عمر،، بسبب شوقي ليك قربت اروح فيها هسي جاي تقولي عمر!؟!،،،وداير يواصل اتذكرت طوالي تسنيم قلت ليهو تسنيم حصل معاها شنو،، سكتت قال لي دي الجاب سيرتها هسي شنو؟! قلت ليهو وريني بس؟! قال لي ياستي مع انو ده ما وقتو بس ح ارضي فضولك ،،ومسكني من يدي وقعدني على كرعينو 💛🌻 واصل،، بعد ما شيماء ورتني العملتو معاك ما اكذب عليك اتعصبت شديد يعني هي وأهلها ما كفاهم انهم يجوطوا حياتنا لااا وكمان دايره تقتلك؟؟؟؟؟ ورغم ده كلو ابوها راجل كبير بروح فيها بسبب امها وهي،، عشان كدا وريتو الحصل وكلمت أعمامها وخليت يتصرفوا معاها،، وكان جايين يعتذروا ليك لكن مهما اعتذروا ما ح يرجعوا الراح،،، 💔 و الراح ما هين،، بس الحمد لله انتي في عافيه وكويسه،، ان شاء الله بكره نمل البيت شفع و انا ما وراي اي حاجه غيرك ❤️💋،،، في كل مرة بحمد ربنا على عمر وشخصيه يستاهل انك تحاربي عليها تحاربي عشان حبك عشانها،،، وقت ما نلقى الإنسان المناسب معانا نحاول ما تخليهو لغيرنا لانو نحنا ما بنعرف البحصل شنو! 💛🌻،،
*في النهايه ربنا ما بكتب لينا غير السمح و ما بدسنا لغير الناس البتشبهنا الح تقدرنا و ح تشوفنا اكبر انتصارتها 💛🌻،،..*

*وشريك حياتك البتلقيهو بالهين ما زي البتلقيهو بالصعب 💛🌻 ومافي زول بيشيل قسمةزول،،*
*كل زول بقسمتو و بنصيبو،،،*
*ويارب ويارب اكتب لينا النصيب الحلو في اي حاجه 💛*

💛🌻،،،🌻
*ولو ممكن تدعوا لي ابوي بالمغفرة والرحمه وربنا يجعل علي قبرو نور يارب،،،🌻*
*نون💛*
*النهـــــــــــــــــــ💛ـــــاية*
*كـــــــــــــــــــــــــــــل الـــــــــــــــــــــــــــــود*

تمت✅✅✅