#тадбир #ватанпарварлик #ёшлар #мактаб #маҳалла

Ёшларни ватанпарварлик руҳида тарбиялаш, эл-юрт тақдирига дахлдорлик ҳиссини сингдириш ва ҳарбий касбга бўлган қизиқишларини янада ошириш мақсадидаги “Турон йўлбарслари” ҳарбий-спорт мусобақасининг Қорақалпоғистон Республикаси босқичи бўлиб ўтди.

Очилиш қисмида қатор мутасадди ташкилотлар ва Нукус ҳарбий прокуратураси вакиллари иштирок этди. Сўз олганлар ёшларга эътибор, уларга яратилган шароитлар, мамлакатимиздаги ҳар бир ёш келажакда Ватан ҳимоячиси эканлиги ҳақида таъкидлаб ўтдилар.

Қизғин баҳсларда жамоалар саф машқларини бажариш, ўқув қуролини қисмларга ажратиш ва йиғиш, “Моҳир мерган”, камондан отиш, 20 метр масофага арқондан ўтиш, умумқўшин ҳимоя воситаларини кийиш, турникда тортилиш, биринчи тиббий ёрдам кўрсатиш каби шартларда жисмоний имкониятларини, “Темур тузуклари билимдони” шартида эса маънавий-маърифий билимларини синовдан ўтказишди.

Якунида ғолиб жамоалар ташкилотчилар томонидан диплом, кубок, медаль ва эсдалик совғалар билан тақдирланди.

🇺🇿 Бизни кузатиб боринг:

✅ Telegram ‖ 💬 Facebook

🌍 Web_site ‖ 📹 YouTube

#тадбир #ватанпарварлик #ёшлар #мактаб #маҳалла

Гулистон ҳарбий прокуратураси томонидан ҳарбий қўмондонлик билан ҳамкорликда Сирдарё вилоятидаги ҳарбий қисмларнинг бирида Тошкент вилояти Бекобод туманининг олис ҳудудларидаги 44 ва 45-сонли мактабларнинг юқори синф ўқувчилари учун "Очиқ эшиклар куни" ташкил этилди.

Унда ўқувчи-ёшлар ҳарбийлар учун яратилган шароитлар билан яқиндан таништирилди.

Шунингдек, Қуролли Кучларда мавжуд замонавий аслаҳалар, ўқув хоналари билан таништирилиб, эртамиз эгаларининг ўзлари ҳам бу каби воситалардан фойдаланиб кўрганлиги тадбирнинг унутилмас онларга бой бўлишига замин яратди.

Тадбирлар мазмунли ва мароқли ўтди.

Шу каби Самарқанд ҳарбий прокуратураси томонидан Нуробод туманининг олис ҳудудидаги 47-сонли умумий ўрта таълим мактабида “Прокурорлик соати” ўтказилди.

Жараёнда ватанпарварлик, ҳуқуқ, ҳалол меҳнат ва ҳарбий хизмат мавзуларида суҳбат қурилди.

🇺🇿 Бизни кузатиб боринг:

✅ Telegram ‖ 💬 Facebook

🌍 Web_site ‖ 📹 YouTube

#тадбир

Жиззах ҳарбий прокуратураси томонидан Марказий ҳарбий округ қўшинлари қўмондонлиги билан ҳамкорликда вилоят мудофаа ишлари бошқармаси ва унинг туман бўлимлари бошлиқлари ҳамда вилоятдаги умумтаълим мактаблари чақирувга қадар бошланғич таълим ўқитувчилари иштирокида ҳуқуқбузарликнинг олдини олишга қаратилган профилактик тадбир ўтказилди.

Унда иштирокчиларга соҳага доир янги нормалар мазмун-моҳияти, ёшларни ватанпарлик руҳида тарбиялаш борасида амалга оширилаетган ишлар ҳамда чақирув мавсумидаги ва келгусидаги вазифалар муҳокама қилинди.

Шу каби Урганч ҳарбий прокуратураси томонидан ҳарбий қисмларнинг бирида профилактик тадбир ўтказилди.

Мулоқотда ҳуқуқбузарликлар таснифи ҳақида, бундан ташқари, ҳарбий хизматчиларнинг уй-жой таъминоти асослари хусусида тушунчалар берилди.

🇺🇿 Бизни кузатиб боринг:

✅ Telegram ‖ 💬 Facebook

🌍 Web_site ‖ 📹 YouTube

#тадбир #қабул

Андижон ҳарбий прокуратураси томонидан вилоят Миллий гвардия, қўриқлаш, мудофаа ва фавқулодда вазиятлар бошқармалари билан ҳамкорликда Улуғнор туманида оммавий сайёр қабул ўтказилди.

Жараёнда ҳарбий хизматчилар, ходимлар ва уларнинг оила аъзолари тингланди.

Жами 19 та мурожаатдан 4 таси ижобий ҳал этилиб, 8 та мурожаат юзасидан ҳуқуқий тушунтириш берилди, ечими вақт талаб қиладиган 7 та мурожаат назоратга олинди.

Сўнгра туман қўриқлаш бўлимида яратилган шароитлар, энергия тежамкорлиги борасида кўрилган чора-тадбирлар ўрганилиб, масъулларга тегишли кўрсатмалар берилди.

🇺🇿 Бизни кузатиб боринг:

✅ Telegram ‖ 💬 Facebook

🌍 Web_site ‖ 📹 YouTube