قصص🍃وروايات🍃رائعة🌹

#من_المجهول ،،، #من_النور_الى_الظلام

#الجزء_الواحد_والعشرون

#هاجر_إبراهيم [Hajar Sh] ♡

إنّ آلامَ الإنسانِ فظيعةٌ فلا تتعجّب، إذا رأيتَهُ من حينٍ لآخر يتكلّم مع نفسِه.
- ميخائيل بولغاكوف -

- فعلاً آلام القلب شيء سيء وفظيع. ، الفقدان والخذلان وربط ذكريات الماضي مع معاناة الحاضر والخوف من المستقبل .
كل هي الأشياء بتدخل الانسان بشكل عام لدوامة رهبة وخوف من المضي بطريقه ، بتحوله لشخص بيصير كل همه يقدر يجمد الوقت ، كل همه توقف عقارب هالساعة ، ويتجمد كلشي حوله. ، ليعيش بعدها لوحده بعالم واقف نسبياً عن الحركة ، القلق من كلشي جديد وعدم الرغبة بالتغيير ، شي صعب. ، حالة فعلياً مستعصية ويمكن صعب علاجها

مع الأسف "رهاب المجهول" والخوف من الغد صار جزء لا يتجزأ من حياتنا ، وورم من الاستحالة استئصاله من جذور عقلنا الباطن. ..

…" ما كل شيء إلا دخان ! كل شيء يتبدد ! كل شيء يزول آخر الأمر ! "
-دوستويفسكي-

***

قدام قزاز غرفة العناية كان بيان واقف ، حاطط راحات ايديه عليهم ونظرات عيونه عم تلاحق حركات الدكتور وفريقه وهنن محاوطين ملاك. ، شافه ابتسم لتتوسع ضحكة بيان معه بعد ماشاف الممرضة بتكاغيلها وملاك بتحرك اطرافها بالحركات المعتادة لأي طفل بعمرها

طلع الدكتور وهو مبتسم ليقرب عليه بيان وهو عم يبكي من فرحته
الدكتور: الحمدلله عسلامتها. ، الطفلة نجت ، كافحت لتقدر تعيش ، وبفضل رب العالمين نفدت منها بخير وسلامة

تنهد بيان براحة وهز راسه و رد : الله يسلمك دكتور. ، الحمدلله عكل حال. ، شكراً الك
الدكتور: ولو هاد شغلنا وواجبنا
بيان: وايمت بنقدر نخرجها دكتور؟
الدكتور: حالياً البنت مافيها شي ، ايمت مابتشوفوا الوقت مناسب بتطلعوها
بيان: ان شاء الله

راح الدكتور تارك بيان واقف وصافن بـ ملاك ، فجأة رن جواله و رد بس شاف اسم ندى : اهلين بندوش والله
اختفت ابتسامته بس سمع شهقاتها المتكررة.
بيان: ندى بترجاكي تحكيلي انتي ليش صايرة كتير عاطفية هالأيام

ردت ندى من بين شهقاتها بصوت عم يرجف وبدون مقدمات: بيان. ، اروى ماتت

بقي لحظات واقف مكانه وهو شارد بالعدم. ، كان عم يحاول يستوعب اللي حكته. ، حس بغصة مو طبيعية صابت قلبه و رجع اخد نفس و رد باستنكار: ندى. ،، ندى ازا كانت هي وحدة مزحاتك ف اعرفي انها مزحة ثقيلة دم تمام

ردت ندى: والله ماعم امزح. ، اروى انقتلت اليووم على باب شركة ورد. ، اروى راحت يابيان. ، راااحت

وانفجرت بالبكي تاركة بيان شارد بصدمة. ، ارتفعت انفاسه وبلحظة وحدة تجمعت الدموع بعيونه وبلشت تتساقط متل حبات المطر على خدوده
لف راسه على غرفة العناية واطلع بـ ملاك. ، شهق بحزن وتوجه لعندها وفات لتبعد الممرضة وهي عم تحكي : لا تخاف على بنتك سيد بيان هي بخير ، الحمدلله عسلامتها

قرب بخطوات بطيئة وقعد عالسرير وحملها براحات ايديه وصفن بوجهها الملائكي. ، كانت أول مرة الو بيحمل بيبي بهالعمر. ، واول مرة بيركز بملامح طفل. ، انفجر بالبكي بس شاف الشبه اللي كان يربطها بـ اروى وضمها بحنية على صدره وغمض عيونه لينهمروا دموعه بصمت بيعكس الاعاصير اللي جوا ضلوعه لتتأثر الممرضة بهالمشهد وتمسح دموعها

… … … … … … … … … … …

بغرفة مشفى باردة. ، عكست كآبتها اضوائها الخافتة ، مافيها الا سرير وكرسي وحيد بجنبه. ، وكأنه هالغرفة تجهزت بس لغرض توديع للأرواح ، توديع جسد منزوع الروح. ، توديع حدا كان غالي بيوم من الايام بحياة غيره

على هالسرير انحطت جثة اروى اما طيف قعد على هالكرسي الوحيد ، كان بيتأملها بتركيز. ، بعده عقله عم يحاول يستوعب اللي صار. ، تشويش غريب كان طاغي على عقله ليسببله حالة معقدة من تضارب المشاعر. ، كان صافن فيها بعدم تصديق. ، بقلبه لسا موجود فيه شوية امل انها رح تفتح عيونها بأي لحظة. ، احساس بالعجز شعره وهو ماسك ايدها الباردة ، شو كان نفسه بهداك الوقت ينزع روحه ويزرعها فيها لترجع للحياة.

لكن بقي ساكن وحجر عينه معلق عليها بصمت قاتل. ، اما على بابها كانوا ديمة وجاد واقفين مع ورد اللي كان مستند عالحيط وصافن فيهم بحزن. ، كانوا عم يبكوا. ، كان جاد عم يحاول بقدر الامكان انه يهديها لكن كيف وهو ذاته بدو مين يهديه ويهون عليه وكأنه اللي خسرها كانت اخته من ابوه وامه

وصلوا نوار وسلمى وندى مع سعيد لعندهم
نوار: كيف صار هيك. ، احكوووو
ماقدروا جاد وديمة ينطقوا لكن ورد قرب على عمه وهداه وبلش يسردله اللي صار

الدموع شقت طريقها من عيونهم لتبلل وجناتهم بس سمعوا من ورد ، وفاتوا لجوة. ، انهمروا دموع سلمى بس شافت منظر ابنها وهو صافن بـ أروى بهدوء. ، قربت منه ووقفت وراه وحضنت راسه وحطته على صدرها. وهي عم تبكي وتحكي: الله يصبرك يا ابني. ، الله يصبر قلبك

مع هيك بقي طيف ساكت وشارد بوجه اروى بدون مايبدي اي ردة فعل

❤2

214 views🤍❤️, 13:12