“Dolzarb 90 kun”: Renessans ta’lim universiteti talabalari zamonaviy IT-ta’limni mustahkam o‘rganmoqda

Talabalar hozirda COLBA maktabida “School 21” modeli asosida tashkil etilgan zamonaviy IT kurslarida faol ishtirok etmoqda. Ushbu tashabbus axborot texnologiyalari bo‘yicha chuqurlashtirilgan amaliy bilimlarni egallashga xizmat qiladi.

Kurslar doirasida talabalar dasturlash asoslarini puxta o‘zlashtirib, amaliy mashg‘ulotlar orqali nazariy bilimlarni real loyihalarda sinab ko‘rmoqda. Bu esa ularning texnologik savodxonligini oshirish, analitik fikrlashni rivojlantirish, murakkab muammolarga innovatsion va kreativ yechimlar topish ko‘nikmalarini shakllantirishda muhim ahamiyat kasb etadi.

Ushbu kurslarning ahamiyatli jihati shundaki, talabalar o‘rgangan bilimlarini bevosita amaliy vazifalarda sinab ko‘rish bilan birga, jamoa bilan ishlash, vaqtni boshqarish kabi zamonaviy kasbiy ko‘nikmalarga ham ega bo‘ladi.

Bu esa ularning mehnat bozorida raqobatbardosh kadr sifatida shakllanishiga zamin yaratadi.

☎️Murojaat uchun:
+998555067007 | Yozish💬

📌Samarqand darvoza ko’chasi, Charxnovza 17

⚡️(Litsenziya №715272, 18.11.2022y.)

📝Telegram|💻Instagram|📝Facebook|🟥Youtube| 🏛 Websayt

“Dolzarb 90 kun”: Yozgi ta’tilni mazmunli tashkil etishda Renessans ta'lim universiteti talabalari faolligi ortib bormoqda

Ta’til kunlarida bolalarning bo‘sh vaqtini mazmunli tashkil etish, ularning jismoniy va ijodiy salohiyatini rivojlantirish maqsadida Renessans ta’lim universiteti talabalarining hududlardagi maktablarda qator tashabbuslari amalga oshirilmoqda.

Jumladan, universitet talabasi Roza Umirzakova Toshkent viloyatining Yangi yo‘l tumanida joylashgan 17-umumta’lim maktabida 3-4-sinf o‘quvchilari uchun turli mavzularda rasmlar chizish bo‘yicha ijodiy master-klass mashg‘ulotini tashkil etdi.

Mazkur tadbir doirasida o‘quvchilar o‘z tasavvurlari va ijodiy g‘oyalarini qog‘ozga tushirish imkoniyatiga ega bo‘ldi. Shuningdek, ularning estetik didi va tasviriy ifoda ko‘nikmalari shakllanishiga ijobiy ta’sir ko‘rsatdi.

Bunday tashabbuslar yosh avlod vakillarining samarali hordiq chiqarishini ta’minlaydi, qolaversa, talabalar uchun ham ijtimoiy faoliyat bilan keng shug'ullanish, pedagogik va tashkiliy ko‘nikmalarni mustahkamlashga xizmat qiladi.

☎️Murojaat uchun:
+998555067007 | Yozish💬

📌Samarqand darvoza ko’chasi, Charxnovza 17

⚡️(Litsenziya №715272, 18.11.2022y.)

📝Telegram|💻Instagram|📝Facebook|🟥Youtube| 🏛 Websayt

"Dolzarb 90 kun": Renessans ta’lim universitetida Koreya aerokosmik universiteti bilan hamkorlik uchrashuvi bo‘lib o‘tdi

Renessans ta’lim universiteti va Koreya aerokosmik universiteti o‘rtasidagi hamkorlik bitimi asosida navbatdagi uchrashuv tashkil etildi.

Tadbir doirasida koreyalik talaba-yoshlar tomonidan ilmiy-taqdimotlar hamda dron texnologiyalari asosida tashkil etilgan innovatsion futbol o'yini namoyish etildi.

Mazkur uchrashuv ikki oliy ta’lim muassasasi o‘rtasidagi do‘stona aloqalarni mustahkamlash hamda ta’lim sohasidagi xalqaro aloqalarni yanada kengaytirishga xizmat qildi.

“Koreyalik tengdoshlarimizning erkin va ochiq fikrlashi, taqdimot uslublari va texnologiyadan foydalanishdagi yondashuvlari bizda katta qiziqish uyg'otdi,” — deydi tadbir ishtirokchilaridan biri.

Shuningdek, bu kabi hamkorlik kelgusida qo‘shma ta’lim loyihalarini amalga oshirish, talabalar almashinuvi va ilg‘or xorijiy tajribalarni amaliyotga tatbiq etishda muhim ahamiyat kasb etadi.

☎️Murojaat uchun:
+998555067007 | Yozish💬

📌Samarqand darvoza ko’chasi, Charxnovza 17

⚡️(Litsenziya №715272, 18.11.2022y.)

📝Telegram|💻Instagram|📝Facebook|🟥Youtube| 🏛 Websayt

“Dolzarb 90 kun”: Milliy hunar – bebaho meros

Renessans ta’lim universiteti Xorijiy filologiya kafedrasining koreys tili yo‘nalishida tahsil olayotgan talabalar ishtirokida xalqimizning boy madaniy merosini yanada chuqurroq o‘rganish maqsadida amaliy sayohat tashkil etildi.

Sayohat davomida talabalar milliy hunarmandchilik namunalari bilan yaqindan tanishib, qadimiy idish-tovoqlar, zargarlik buyumlari va boshqa etnografik eksponatlarni katta qiziqish bilan kuzatdi. Ayniqsa, ajdodlarimizning qo‘l mehnati bilan yaratilgan buyumlar ularda chuqur taassurot qoldirdi.

Milliy qadriyatlarimizni yoshlar orasida keng targ‘ib qilish, ularni ajdodlar merosiga hurmat ruhida tarbiyalash – ushbu tashabbuslarning asosiy maqsadidir.

Renessans ta’lim universiteti bu kabi amaliy loyihalar orqali yosh avlodni milliy o‘zlik, boy qadriyatlar va ajdodlar merosi ruhida tarbiyalashga alohida ahamiyat bermoqda.

☎️Murojaat uchun:
+998555067007 | Yozish💬

📌Samarqand darvoza ko’chasi, Charxnovza 17

⚡️(Litsenziya №715272, 18.11.2022y.)

📝Telegram|💻Instagram|📝Facebook|🟥Youtube| 🏛 Websayt