Удзень 25 кастрычніка ў менскім аэрапорце заўважылі прыватны верталёт, які прыляцеў з Кіева. Зьявілася вэрсія, што на ім ва Ўкраіну вывезуць Віталя Шклярава, грамадзяніна ЗША, пра вызваленьне якога дзяржсакратар ЗША Майк Пампэо размаўляў напярэдадні з Лукашэнкам.

➖Бацька Віталя Шклярава зьняпраўдзіў Свабодзе гэтую інфармацыю: сказаў, што Віталь у Менску, разам з маці. Тое ж сказаў і ягоны адвакат.

➖У кампаніі, якая здае ў арэнду гэтыя верталёты, сказалі, што за 4 гадзіны немагчыма даляцець з Кіева да Менску, ды яшчэ без дазапраўкі. Кажуць, што гэта быў не арандаваны верталёт, а прыватны. Ён дагэтуль у Менску

«Адышла! Я забяру яго, з болем ці бяз болю!» З кватэры на Арлоўскай сілавікі выцягваюць людзей, пагражаючы выкарыстаць пярцовы газ!

Яшчэ адно відэа зь сёньняшняга разгону на вуліцы Арлоўскай у Менску

Праваабаронцы «Вясны» ўжо сабралі прозьвішчы 212 затрыманых па ўсёй Беларусі 25 кастрычніка. Сярод іншага стала вядома, што:

➖Менск: на маршы сёньня затрымалі траіх былых рэжысэраў БТ Вячаслава Ламаносава, Натальлю Бібікаву і яе дачку Аляксандру Бабкову, музыканта Эрыка Арлова-Шымкуса.

➖Берасьце: сёньня затрымалі лекара-нэўрахірурга Сяргея Гетманюка: ён адзін з тых, хто змагаецца з каранавірусам.

➖Горадня: стала вядома, што затрыманы сёньня прафэсар Алесь Краўцэвіч застанецца ў ізалятары да суду.

➖Віцебск: трэці затрыманы тут журналіст — Зьміцер Казакевіч — застаецца ў ізалятары да суду ў панядзелак. Яшчэ дваіх выпусьцілі.

Марш у падтрымку «Народнага ўльтыматуму» ў Менску. Выніковае відэа Свабоды