📌 Запрашаем на канферэнцыю!

Наша каманда 25 чэрвеня ладзіць у Вільні канферэнцыю “Жанчыны ў зняволенні: нябачны боль пенітэнцыярнай сістэмы Беларусі”.

Беларусь працягвае трымаць сумнае лідэрства ў Еўропе не толькі па колькасці зняволеных у адносінах да колькасці насельніцтва, але і па колькасці зняволеных жанчын. Па нашых дадзеных, у беларускіх турмах утрымліваецца не менш за 30 000 вязняў, з якіх каля 10 % — жанчыны. А сярод палітычных зняволеных жанчыны складаюць ужо амаль 15 %.

Жанчыны ў пенітэнцыярнай сістэме застаюцца нябачнымі:
— сістэма аховы здароўя не ўлічвае іх спецыфічных патрэбаў;
— доступ да псіхалагічнай і медыцынскай дапамогі выразна абмежаваны;
— гвалт, прыніжэнне і абыякавасць з боку адміністрацыі з’яўляюцца не выключэннямі, а нормай.

Трагічныя выпадкі смерці Ганны Кандраценка і Тамары Каравай, якія нядаўна памерлі пасля вызвалення, толькі падкрэсліваюць патрэбу ва ўсебаковым аналізе ролі пенітэнцыярных медыцынскіх службаў.

На канферэнцыі 25 чэрвеня каманда “Лекараў за праўду і справядлівасць” прэзентуе:
🔹 вынікі комплекснага даследавання пра стан здароўя і правы жанчын у зняволенні;
🔹 сведчанні тых, хто прайшоў праз турмы;
🔹 экспертаў і экспертак з галіны медыцыны, права і псіхалогіі.

Праграма канфэрэнцыі таксама прадугледжвае дыскусію на згаданыя тэмы.

Запрашаем зацікаўленых прыняць ўдзел ў абмеркаванні крызіснага становішча зняволеных жанчын у Беларусі.

Рэгістрацыя тут
Падрабязнасці тут

📅 25 чэрвеня 2025 г.
📍 Канферэнц-зала Conti Hotel – Raugyklos g. 7, Вільня
🕙 10.00 – 16.30

📣 «Тыдзень супраць катаванняў 2025»

З 23 па 29 чэрвеня адбудзецца «Тыдзень супраць катаванняў», арганізаваны Прававой ініцыятывай і Міжнародным камітэтам па расследаванні катаванняў у Беларусі. Кампанія прымеркавана да Дня ААН у падтрымку ахвяр катаванняў (26 чэрвеня) і накіравана на тое, каб супрацьстаяць сістэмнаму гвалту ў Беларусі, захоўваць памяць пра пацярпелых і дамагацца справядлівасці.

❗️ Чаму гэта важна
Катаванні ў Беларусі – гэта не мінулае, а рэальнасць, якую перажываюць тысячы. Нягледзячы на міжнародныя забароны, правы людзей працягваюць парушацца штодзённа. Сярод ахвяр усё часцей аказваюцца жанчыны, чые гісторыі часцей застаюцца ў цені.

Арганізатары падрыхтавалі серыю анлайн і афлайн мерапрыемстваў у Вільні, Варшаве, каб падтрымаць тых, хто пацярпеў ад гвалту, а таксама расказаць пра гэта свету.

📍 Ключавыя падзеі «Тыдня супраць катаванняў»

🔸 25 чэрвеня, Вільня
Канферэнцыя «Жанчыны ў зняволенні: нябачны боль пенітэнцыярнай сістэмы Беларусі»
• Даследаванне стану здароўя жанчын у турмах
• Экспертныя выступленні і сведчанні
• Арганізатар: «Лекары за праўду і справядлівасць»

🔸 27 чэрвеня, Вільня
Прэзентацыя кліпа «Сяджу не за сябе»
• Жывыя размовы, квіз, дэгустацыя напояў, атмасфера «дваровай рамантыкі»

🔸 22 чэрвеня, Варшава
Публічная дыскусія «Голас квір-супольнасці»
• Гісторыі і падтрымка для пацярпелых ад рэпрэсій

🔸 24 чэрвеня, анлайн
Публікацыя расследавання пра катаванні ў калоніі №17 (Шклоў)

🔸 25 чэрвеня, анлайн
Прэзентацыя Нацыянальнага індэкса правоў чалавека ад БХК
• Даследаванне відаў катаванняў, заснаванае на 5-гадовай працы дакументатараў

🔸 28–29 чэрвеня, анлайн
Паказ монаспектакля «Паслязаўтра будзе заўтра»
• Пабудаваны на рэальнай гісторыі палітзняволенага

🔔 Рэгістрацыя на канферэнцыю «Жанчыны ў зняволенні: нябачны боль пенітэнцыярнай сістэмы Беларусі» завершаная

Дзякуем за вялікую цікавасць да тэмы здароўя зняволеных жанчын у Беларусі. Колькасць жадаючых далучыцца перавысіла чаканні і ўмяшчальнасць залы, таму мы вымушаныя спыніць рэгістрацыю.

💬 Калі ўдзел у канферэнцыі 25 чэрвеня для вас асабліва важны — напішыце нам на [email protected] і коратка раскажыце, чаму хочаце быць. Мы разгледзім вашу заяўку асобна.

🙏 Дзякуем за вашу актыўнасць і зацікаўленасць. Да сустрэч!

📝Прэзентацыя Васіля Завадскага на канферэнцыі «Жанчыны ў зняволенні: нябачны боль пенітэнцыярнай сістэмы Беларусі»

Учора ў Вільні мы правялі канферэнцыю «Жанчыны ў зняволенні: нябачны боль пенітэнцыярнай сістэмы Беларусі», на якой прадставілі вынікі экспертных даследванняў, што сведчаць пра сістэмную дыскрымінацыю жанчын у зняволенні, у тым ліку праблемы з доступам да медыцынскай дапамогі і парушэнні з боку дзяржавы.

Азнаёміцца з прэзентацыяй Васіля Завадскага https://doctorsby.com/2025/06/26/13616/

Фота: Макс Моррыссан

#ЖанчынаНеДляТурмы
#WomenBehindBars

💔Якое становішча жанчын у беларускай турме? Рэпартаж з канферэнцыі

Мы падрыхтавалі рэпартаж з праваабарончай канферэнцыі пра становішча жанчын у беларускіх турмах. Эксперты распавядаюць пра псіхалагічныя наступствы зняволення, сістэмныя праблемы пенітэнцыярнай сістэмы і тое, чаму Беларусь істотна адстае ад еўрапейскіх стандартаў.

Глядзець рэпартаж па спасылцы:
https://youtu.be/1aLQ69yquMA

#ЖанчынаНеДляТурмы
#WomenBehindBars

💔Погляд знутры: умовы ўтрымання жанчын у ШІЗА беларускіх калоній

Наталля Дуліна, былая палітзняволеная і дацэнтка кафедры італьянскай мовы МДЛУ, падзялілася сваім досведам утрымання ў ШІЗА жаночай калоніі ў снежні 2024 года. Яе гісторыя — гэта погляд знутры на тое, як парушаюцца базавыя чалавечыя патрэбы і як жанчыны ў беларускіх калоніях вымушаны выжываць ва ўмовах, якія цяжка назваць чалавечымі.

«Было холадна, але днём можна хадзіць па камеры, рабіць нейкія практыкаванні, а ўначы – не. Уначы ты ляжыш на гэтых бярвёнах, на гэтых дошках. Нічога не дазваляюць узяць у камеру – ні якісьці дадатковы джэмпер, ні целагрэйку, нічога. То бок ты такім чынам павінен спаць. Ты можаш такім чынам спаць? Не, таму што холадна!», — кажа былая палітзняволеная.

Чытайце па спасылцы: https://doctorsby.com/2025/07/30/13675/

#ЖанчынаНеДляТурмы
#WomenBehindBars