#Elektr_energiyasi #Murojaatnoma

Hurmatli yurtdoshlar, elektr energiya sarfini tejang va uyingizdagi issiqlik haroratini saqlang!

Toshkent viloyati boʻyicha kuz-qish mavsumiga tayyorgarlik koʻrish mobaynida hududlardagi transformatorlar taʼmirdan chiqarilib, aksariyati yangilandi va zarurat tugʻilgan joylarga qoʻshimcha  transformatorlar oʻrnatildi. 

Tumanlar kesimida elektr kabellar yangilandi va taʼmirlandi, shuningdek, yangi temir beton tayanchlari oʻrnatildi. Viloyat hududidagi qozonxonalar qayta ishga tushirilib, issiqliq quvurlari mahallalar kesimida joylarga yetkazib berildi, koʻp qavatli uylarning isitish tizimi bilan bogʻliq masalalar hal qilinmoqda.

Har bir xonadonda elektr-energiyasini tejash orqali mahallamiz aholisini energiya manbalari bilan uzluksiz va barqaror taʼminlashga erishamiz. Buning uchun quyidagi talablarga rioya qilishimiz zarur:

– qish mavsumi davomida havo harorati keskin pasaygan kunlarda doimiy foydalanib kelingan energiya sarfini kamaytirib, faqatgina zaruriy ehtiyojimiz uchun ishlataylik;

– kundalik faoliyatda tejamkor maishiy texnika va yoritish uskunalaridan foydalanaylik, qoʻlbola isitish moslamalaridan foydalanmang;

– uydan va ishxonadan chiqayotganingizda elektr jihozlarini rozetkadan ajrating;

– xonadoningizni issiq saqlash uchun avvalo eshik va romlarni izolyatsiya qilib, isitkich atrofini boʻshating hamda xonada issiqlik erkin aylanishi taʼminlang;

– mutaxassislarni jalb qilgan holda issiqlik batareyalaridan havoni chiqarib tashlang.

Hurmatli fuqarolar!

Elektr energiyasidan tejamkorlik bilan foydalanish masalasiga barchamiz eʼtiborli boʻlishimiz zarur!

🌐Telegram 🌐Website 🌐YouTube 📱Instagram 📱Facebook 📱Twitterr