#æmdzævgæ

БЫРУТÆ
Уастæн, дыууæ хатты амæла уый,
Чи ’рхъуыды кодта быру.
Уастæн, æртæ хатты бабын уа, уый,
Чи загъта: «А зæхх мæн у».

Ох-хай, бырутæ куы фенын, уæд мыл
Бафтауынц алы хатт мæт,
Цæхæрадæттыл гæрæнтæ æртыхст,
Ахæстон фестади кæрт.

Фæлæ мæн иу хьуыды тынгдæр хæры —
Ехх, ныр ныхьхъæр кæн фæдис.
Бирæты зæрдæты алыварс дæр
Ахæм бырутæ куы ис.

Гъæй-джиди, уыдон ныффалгæрон кæн!
Уый у мæ бæллицты сæр.
Зæрдæтæ иумæ куы фæцæвынц, уæд
Тынгдæр фæкалынц цæхæр.

Ситохаты Саламджери