Ўзбекистон Республикаси Бош прокуратурасининг ташаббуси билан Қорақалпоғистон Республикаси прокуратураси томонидан мутасадди ташкилотлар ҳамкорлигида жорий йилнинг 8 февраль куни Республика Президенти томонидан илгари сурилган 5 ташаббусни кенг жорий этиш, хусусан болаларни маданият ва санъатга бўлган қизиқишларини кучайтириш, китобхонликни кенг тарғиб қилиш, Ўзбек тилининг халқимиз ижтимоий хаётида ва халқаро миқиёсидаги обрў-эътиборини тубдан ошириш, ёшларни ватанпарварлик, миллий анъана ва қадриятларга садоқат билан, улуғ аждодларимизнинг бой меросига ворислик руҳида тарби ялаш ҳамда буюк мутафаккир Алишер Навоийнинг таваллуд кунини кенг нишонлаш мақсадида Республикадаги 1-сонли “Меҳрибонлик уйи” тарбияланувчилари иштирокида “Навоийхонлик кечаси” ўтказилди.

Тадбир 3 босқичдан иборат тарзда олиб борилди.
1-босқич 1-сонли “Меҳрибонлик уйи” тарбияланувчиларга Республика “Ёш томошабинлар театри”нинг кўргазмалари таништирилиб, театр актёрлари, И.Юсупов номидаги ихтисослаштирилган мактаб ўқувчилари ва Меҳрибонлик уйи тарбияланувчилари томонидан Алишер Навоийнинг ҳаёти ва ижоди ҳақида кенг тушунчалар берилди, шоирнинг ғазалларидан ўқиб эшиттирилди, мусиқий дастурлар билан давом эттирилди.

Шундан сўнг иштирокчилар мазмунли ҳордиқ чиқаришлари учун театр актёлари томонидан “Меҳробдан чаён” асари сахналаштирилган спектакл намоийш этилди.

Тадбир қизғин, бадиий жанрларга бой тарзда юқори кайфиятда ўтди.

Тадбирнинг 2-босқичида “Меҳрибонлик уйи” тарбияланувчилари билан “Қорақалпоғистон Республикаси тарихи ва маданияти давлат музейи”га саёхат уюштирилди.

Тадбирнинг 3-босқичида “Меҳрибонлик уйи” тарбияланувчиларига Нукус шаҳрида жойлашган “Айзия” ресторанида тушлик ташкиллаштирилиб, болажонлар томонидан тайёрланган бадий чиқишлар ва концерт намойиш қилинди.

Шунингдек, “Айзия” ресторани маъмурияти томонидан болажонларнинг кайфиятини янада кўтариш мақсадида ширинликлар улашилди.

Нукус шаҳар прокуратураси томонидан ташкиллаштирилган кураш мусобоқаси.

Р А С М И Й М А Ъ Л У М О Т

“Сув таъминоти ва оқава сув объектлари қурилиши бўйича инжиниринг компанияси” ДУК Қорақалпоғистон Республикаси ҳудудий бошқармаси ҳамда “Оржап қувир қурылыс” масъулияти чекланган жамияти томонидан Нукус шаҳри маҳаллалари ичимлик сув тармоқлари ва “Қизкеткен” сув тақсимлаш иншоотига етказиб берувчи қувурлари қурилиши ва реконструкцияси учун 2020 йил 08 февраль куни пудрат шартномаси тузилган.

Мазкур шартномага асосан “Оржап қувир қурылыс” МЧЖ томонидан қиймати 117 млн. сўмлик қурилиш-таъмирлаш ишлари бажарилмаган бўлишига қарамасдан, бажарилганлиги ҳақида расмий ҳужжат ҳисобланган ҳисоб-фактураларга сохта маълумотлар ва ёзувлар киритилиб, жами 117 млн. сўмлик бюджет маблағларини ўзлаштириш йўли билан талон-тарож қилинганлиги аниқланди.

Ушбу ҳолат бўйича Қорақалпоғистон Республикаси прокуратураси томонидан “Сув таъминоти ва оқава сув объектлари қурилиши бўйича инжиниринг компанияси” ДУК Қорақалпоғистон Республикаси ҳудудий бошқармаси ҳамда “Оржап қувир қурылыс” масъулияти чекланган жамияти мансабдор шахсларига нисбатан Ўзбекистон Республикаси Жиноят Кодексининг 167-моддаси 3-қисми “а” банди ва 209-моддаси 1-қисми билана жиноят иши қўзғатилди.

Ҳозирда мазкур жиноят ишининг дастлабки тергов ҳаракатлари Нукус шаҳар прокуратураси томонидан олиб борилмоқда.

Бугун, 16 февраль куни Ахборот ва оммавий коммуникациялар агентлигида бўлиб ўтган брифингда Ўзбекистон Республикаси прокуратура органлари томонидан 2020 йилда амалга оширилган ишлар хусусида ахборот берилди.

Видео кўриш

Тўлиқ матни

👉 @uzbprokuratura

Қорақалпоғистон Республикасида қурилиш соҳасидаги ноқонуний ҳаракатлар аниқланди

Ёшлар ва тадбиркорларнинг муаммолари ҳал қилинмоқда.

Муҳтарам Президентимизнинг 2020 йил 25 декабрь куни мамлакатимиз ёшлари билан ўтказилган “Ёшлар форуми”да берган кўрсатмалари ҳамда 29 декабрь куни Ўзбекистон Республикаси Олий Мажлисига йўллаган Мурожаатномасида белгилаб берилган вазифалар ижросини таъминлаш мақсадида Қорақалпоғистон Республикаси прокуратураси органлари ходимларининг ёшлар билан учрашувлари мунтазам амалга оширилиб келинмоқда.

Хусусан, Қорақалпоғистон Республикаси прокурори Ф.Е.Алламбергеновнинг ташаббуси билан жорий йилнинг 20 февраль куни Тўрткўл туманига ташриф буюрилиб, тумандаги Халқ таълими бўлимига қарашли 8,15 ва 36-сонли умумтаълим мактабларида ўқувчиларга яратилган шароитлар ва тадбиркорлик соатларининг ўқитилиши билан танишилди.

Бундан ташқари, Қорақалпоғистон Республикаси прокуратураси ташаббуси билан Тўрткўл тумани ёшларини тадбиркорликка қизиқтириш ва жалб қилиш мақсадида ўтказилаётган бир ҳафталик “Тадбиркорлик асослари” мавзусидаги семинар-тренинг якуни бўйича имтиёзли кредит олишни кафолатловчи сертификатлар топширилди.

Бундан сўнг, туман ёшлари ва тадбиркорларнинг муаммоларини ҳал қилиш, уларнинг тадбиркорлик ташаббусларини қўллаб-қувватлаш бўйича ҳам очиқ мулоқот тарзида учрашув ташкил этилди.

Бундай тадбирларни ўтказишдан асосий мақсад-ёшларнинг замон талабларига мос билим олиши, шунингдек улар ҳаётидаги муаммоларни аниқлаш ва ижобий ечимини таъминлаш, ўз вақтида кўмак бериш, айниқса, уларни тадбиркорликка қизиқтириш ва жалб қилиш ҳамда тадбиркорликни ривожлантиришдан иборат.

Учрашув якунига кўра, туманда яшовчи 70 нафарга яқин ёшлар ва тадбиркорларнинг муаммолари тингланиб, шу жойнинг ўзида 9 та мурожаат ижобий ҳал қилинди ва 33 та мурожаатлар қонунчиликда белгиланган тартибда кўриб чиқиш учун назоратга олинди.