#Qarshi_tájriybesi
#Birge_islesiw_memorandumı
#Onlayn_xızmetler
#Ashıq_sáwbetlesiw

MXA: JASLARDÍŃ ISBILERMENLIK KÓNLIKPELERIN ASÍRMAQTA

📌 Jaslardı dástúriy yamasa aralıqtan oqıw kursların kóbeytiw, jumıssız jaslardı bul sistema arqalı kásip-óner hám isbilermenlikke oqıtıp, olarda biznes kónlikpelerin qáliplestiriw boyınsha bir qatar jumıslar ámelge asırılıp kelinbekte.

Nókis qalası mámleketlik xızmetler orayı xızmetkerleri tárepinen grafik tiykarında “Jaslar orayı”nda isbilermenlik penen shuǵıllanbaqshı bolǵan jámlespegen jaslar arasında elektron mámleketlik xizmetlerden erkin paydalanıw kónlikpelerin jánede asırıw maqsetinde “ashıq sáwbetlesiw” tu’rindegi oqıw-seminarı ótkerildi.

💻 O’tkerilgen sáwbetlesiw dawamında olarǵa óz biznesin baslawda birinshi náwbette my.gov.uz, fo.birdarcha.uz sisteması arqalı elektron túrde mámleketlik dizimnen ótiw hámde licenses.uz arqalı iskerligin baslaǵanlıǵı haqqında xabarnama beriw tártipleri boyınsha tusindirildi hámde jaslar usı baǵdarda ózleriniń qızıqtırǵan sorawlarına tiyisli juwaplar aldı.

Mámleketlik xızmetlerden “onlayn” paydalanıw kónlikpelerin asırıw boyınsha oqıw-seminarları dawam etpekte.

Mámleketlik xızmetler agentligi
Qaraqalpaqstan Respublikası basqarması

Kanalǵa aǵza bolıw: https://t.iss.one/qrmxa

#Kóshpeli_qabıllaw
#Ashıq_sáwbetlesiw

Mámleketlik xızmetler agentligi Qaraqalpaqstan Respublikası basqarması hámde Ózbekstan Respublikası Prezidentiniń Qaraqalpaqstan Respublikasındaǵı Xalq qabıllawxanası tárepinen «Qostruba» mákán keńes puqaralar jıyınında jasawshı puqaralar halınan xabar alınıp, kóshpeli mámleketlik xızmetler kórsetildi.

Kanalǵa aǵza bolıw: https://t.iss.one/qrmxa

#MXA_kóshpeli_qabıllaw
#Ashıq_sáwbetlesiw

Alıs aymaqlarda kóshpeli xızmetler.

Kegeyli rayonı Mámleketlik xızmetler orayı tárepinen Mámleketlik xızmetler agentliginiń mobil avtobusında, rayon orayınan 25 kilometr uzaqta jaylasqan, xalıq sanı 7 mıńǵa jaqın bolǵan “Qumshungúl” APJda kóshpeli mámleketlik xızmetler shólkemlestirildi.

Bul kóshpeli xızmetke Mámleketlik xızmetler agentligi Qaraqalpaqstan Respublikası basqarması baslıǵı orınbasarı E.Dosanov qatnasıp, aymaq turǵınlarına kóshpeli xızmetlerden mazmunlı paydalanıw, mámleketlik xızmetler orayları arqalı kórsetiletuǵın xızmetlerdiń túrleri, tarawda ámelge asırılıp atırǵan reformalar, tarawǵa baylanıslı qabıl etilip atırǵan normativ-huqıqıy hújjetlerdiń mazmun-mánisi boyınsha keń túrde túsinik jumısları alıp barılıp, sonıń menen birge taraw qánigeleri qatnasında ashıq sáwbetlesiw ótkerildi.

Sáwbetlesiw dawamında xalıqqa mámleketlik xızmetlerdi kórsetiw hám PHAJ tarawına tiyisli múrájatlar úyrenilip, huqıqıy másláhátler berildi.

Sonday-aq, Respublikamızda qabıl etilip atırǵan normativ-huqıqıy hújjetler, mámleketimizde puqaralarǵa jaratılıp atırǵan keń imkaniyatlar hámde Birden-bir interaktiv mámleketlik xızmetler portalı my.gov.uz sistemasınan paydalanıw imkaniyatlar bar ekenligi haqqında huqıqıy túsinikler berilip, aymaq turǵınlarına oray xızmetkerleri tárepinen 50 den aslam kóshpeli mámleketlik xızmetler kórsetildi.

Kanalǵa aǵza bolıw: https://t.iss.one/qrmxa

#Qaraqalpaqstan_telekanalı_Jańalıqlar
#MXA_kóshpeli_qabıllaw
#PHAJ
#Ashıq_sáwbetlesiw

Kegeyli rayonı Mámleketlik xızmetler orayı tárepinen Mámleketlik xızmetler agentliginiń mobil avtobusında, rayon orayınan 25 km uzaqta jaylasqan, xalıq sanı 7 mıńǵa jaqın bolǵan “Qumshungúl” APJda kóshpeli mámleketlik xızmetler shólkemlestirildi.

Kanalǵa aǵza bolıw: https://t.iss.one/qrmxa

#Kóshpeli_qabıllaw
#MXO_máhálle_puqara
#PHAJ_jańalıqları
#Ashıq_sáwbetlesiw

KÓSHPELI QABÍLLAW: HÁR BIR MÚRÁJAT ITIBARDA.

Mámleketlik xızmetler agentligi Qaraqalpaqstan Respublikası basqarması baslaması menen, Xojeli rayonı orayınan 15 km uzaqlıqta jaylasqan “Jańa jap” awıl puqaralar jıyınında kóshpeli qabıllaw shólkemlestirildi.

Ushırasıwǵa Mámleketlik xızmetler agentligi Qaraqalpaqstan Respublikası basqarması baslıǵı M.Abdijaliev, rayon háqimligi, tiyisli wákilikli uyım qániygeleri, rayonlıq PHAJ bólimi hám MXO qánigeleri qatnasıp, aymaq turǵınlarınıń múrájatları úyrenip shıǵıldı.

Bunday qabıllawlarda xalıq penen pikirlesiw, olardıń mashqalaların úyreniw, sheshim tabıw tiykarǵı másele etip alǵa qoyılǵanı xalqımızdıń mámleketten, jámiyetten razı bolıp jasawında áhmiyetli bolmaqta.

Puqaralardan kelip túsken múrájatlardı uyrenip shıǵıw barısında "Jańa jap" APJda kooperaciya shólkemlestirilip, 10 awıl turǵınınıń bántligi támiyinlendi. Sonday-aq, Basqarma baslıǵı M.Abdijaliev basshılıǵında aymaq turǵınları Muxanbetov Umidjan Zafarovichtiń tuwılǵanlıǵı haqqındaǵı gúwalıǵı hám Izbastiev Sherzod penen Shamshadinova Feruzanıń neke dúzilgenligi haqqındaǵı gúwalıǵı kóshpeli tárizde tapsırıldı.

Bunnan tısqarı, Kegeyli rayonında tuwılǵan, biraq házirgi waqıtta usı aymaqta jasawshı Elbaev Tursınbaydıń tuwılǵanlıq haqkınldaǵı gúwalıǵı eksterritorial tártipte tákirar alıp berildi.

Oray qániygeleri rayonlıq xalıq bilimlendiriw bólimine qaraslı 21-sanlı ulıwma orta bilim beriw mektebinde bolıp, awır aymaqlardaǵı hayallar hám jaslarǵa “Mámleketlik xızmetler hámme ushın” uranı astında, kórgizbeli slaydlar járdeminde oqıw - seminarı shólkemlestirildi hámde elektron aukcion ushın jaslarǵa elektron sanlı imza (ESI) hám talap eń joqarı bolǵan xızmet turleri boyınsha awıl turǵınlarına 100 den aslam mámleketlik xızmetler kórsetildi.

Sonıń menen birge aymaq turǵınlarına Mámleketlik xızmetler orayları arqalı kórsetiletuǵın xızmetlerdiń túrleri, tarawda ámelge asırılıp atırǵan reformalar hámde tarawǵa baylanıslı qabıl etilip atırǵan normativ-huqıqıy hújjetlerdiń mazmun-mánisi boyınsha keń túrde túsinik jumısları alıp barıldı.

Mámleketlik xızmetler agentligi Qaraqalpaqstan Respublikası basqarması

Kanalǵa aǵza bolıw: https://t.iss.one/qrmxa

#Kóshpeli_xızmetler
#MXO_máhálle_puqara
#PHAJ
#Onlayn_xızmetler
#Ashıq_sáwbetlesiw

MÁHÁLLEBAY HÁM PUQARABAY SISTEMASÍ DAWAM ETPEKTE.

Búgingi kúnde bárshe mámleket uyımları «MXO – máhálle – puqara» principi tiykarında puqaralardıń máselelerin úyrenip olardı nızam tiykarında sheshiw ushın ámeliy járdem kórsetpekte. Usılar qatarında Qońırat rayonı Mámleketlik xızmetler orayı tárepinen rayon orayınan 180 km uzaqlıqta jaylasqan «Jaslıq» PPJ turǵınlarına mámleketlik xızmetler kórsetiw hám olardı tarawımız boyınsha qızıqtırǵan sorawlarǵa juwap beriw hám huqıqıy másláhátler beriw maqsetinde kóshpeli qabıllaw shólkemlestirildi.

Kóshpeli qabıllaw barısında puqaralarǵa talap eń joqarı bolǵan xızmet túrleri yaǵnıy kadastr pasportı boyınsha hámde ESI (elektron sanlı imza) alıw boyınsha jámi 70 ten aslam mámleketlik xızmetler kórsetildi.

Bunnan soń «Jaslıq» PPJ aymaǵında jaylasqan 21-28-sanlı Mektepke shekemgi bilimlendiriw shólkemlerine “Mámleketlik xızmetler hámme ushın” uranı astında, kórgizbeli slaydlar járdeminde oqıw - seminarı shólkemlestirildi.

Seminar dawamında jıynalǵanlarǵa isbilermen bolıp mámleketlik dizimnen ótiwdiń tártipleri, jańadan óz biznesin baslaw boyınsha jol-jobalar, sonıń menen birge barlıq mámleketlik xızmetlerden onlayn túrde paydalanıwdıń qolaylıqları hám abzallıqları haqqında túsinikler berip ótildi.

Kanalǵa aǵza bolıw: https://t.iss.one/qrmxa