#Nızamshılıqtaǵı_jańalıqlar

⚡️Eski úlgidegi aydawshılıq gúwalıǵın almastırıw múddeti 1 jılǵa sozıldı.

«Milliy aydawshılıq gúwalıǵınıń hámde avtotransport quralınıń dizimnen ótkerilgenligi haqqındaǵı gúwalıǵınıń jańa úlgilerin engiziw is-ilájları haqqında»ǵı Húkimet qararına ѳzgerisler kiritildi. (690-san. 17.11.2021 j.)

🔰 Eski aydawshılıq gúwalıǵın tómendegi múddetlerde jańa úlgidegi aydaushılıq gúwalıǵına májbúriy almastırıladı:

●2010-jılǵa shekem berilgenleri - 2022-jıl 31 martqa shekem

●2010-2020 jıllarda berilgenleri - 2022-jıl 30 iyunǵa shekem

●2013-2015 jıllarda berilgenleri - 2022-jıl sentyabrge shekem

●2015 jıldan keyin berilgenleri - 2022-jıl 31 dekabrge shekem

Aldın 2021-jıl 31-dekabrge shekem almastırıw májbúriy edi.

❕Joqarıdaǵı múddetlerge shekem almastırılmaǵan gúwalıqlar haqıyqıy emes dep esaplanadı.

🔗👉 Telegram · Facebook · YouTube

#Nızamshılıqtaǵı_jańalıqlar

❗️Ólimdi dizimge alıw menen baylanıslı kompozit mámleketlik xızmetler kórsetiledi.

Húkimet qararına (89-san, 25.02.2022 j) kóre Ólimdi dizimge alıw menen baylanıslı kompozit mámleketlik xızmetlerdi kórsetiwdiń hákimshilik reglamenti tastıyıqlandı.

🔰 Reglamentine kóre:

➖Medicina birlespesi xızmetkeri – ólim halatı tastıyıqlanǵannan soń, ólgen shaxs haqqındaǵı maǵlıwmatlardı PHAJ bólimine avtomatlastırılǵan málimleme sisteması arqalı jiberedi.

➖PHAJ bólimi – málimleme sisteması arqalı avtomatik túrde ólim haqqındaǵı akt jazıwların dizimge aladı hám maǵlıwmattı medicina birlespesi hám Pensiya qorına elektron túrde jiberedi.

➖ Medicina birlespesi xızmetkeri – QR - kod túsirilgen ólim haqqındaǵı maǵlıwmatnamanı arza beriwshige dárhal eki nusqada shıǵarıp beredi.

➖ Pensiya qorı bólimi – hár aydıń 5-sánesine shekem ótken ayda bul aymaqta tólengen jerlew ushın napaqalardıń ulıwmalıq muǵdarınan kem bolmaǵan muǵdarındaǵı tólemlerdi Komerciyalıq banktiń esap betlerine qarjılandıradı.

➖ Komerciyalıq bank – QR - kod túsirilgen ólim haqqındaǵı maǵlıwmatnama tiykarında Pensiya qorına elektron sorawnama jiberiw arqalı tastıyıqlaydı hámde aldınnan qarjılandırılǵan qarjılar esabınan napaqa tólemin ámelge asıradı.

➖ PHAJ bólimi ólgen shaxstıń jaqın tuwısqanları hám miyrasxorlarınıń qálegen waqıttaǵı talabına tiykar eksterritorial princip tiykarında ólim haqqındaǵı gerbli gúwalıqtı shıǵarıp beredi yamasa pochta baylanısı arqalı arzada kórsetilgen mánzilge jiberedi.

🗓 Qararǵa muwapıq, 2022-jıl 1-aprelden Tashkent qalasında, 2022-jıl 1-iyuldan bolsa pútkil respublika aymaqlarında medicina birlespesi tárepinen ólim haqqında medicinalıq gúwalıq beriw tártibi biykar qılınıp, tek ǵana elektron sistema arqalı ólim haqqında medicinalıq maǵlıwmatnama qáliplestiriw tártibi engiziledi.

Kanalǵa aǵza bolıw: https://t.iss.one/qrmxa