#Kóshpeli_xızmetler
#MXO_máhálle_puqara
#PHAJ

“AWÍR AYMAQ”LAR QATARÍNA KIRIWShI ÁLIY AWÍLÍNDA KÓShPELI XÍZMETLER ShÓLKEMLESTIRILDI

Moynaq rayonı Mámleketlik xızmetler orayı hám rayonlıq PHAJ bólimi menen birgelikte, rayon orayınan alıs aymaqlardıń biri bolǵan “Qızıljar” awıl puqaralar jıyınında jaylasqan «Abat awıl hám Abat máhálle» mámleketlik dástúrine kirgen «Áliy» awılǵa barǵan halda kóshpeli mámleketlik xızmetler kórsetildi.

Kóshpeli xızmet dawamında tarawdaǵı jańalıqlar, sonıń menen bir qatarda Ózbekstan Respublikası Prezidentiniń 2021-jıl 23-marttaǵı PP-6191-sanlı pármanı mazmun-mánisi, puqaralar ushın jaratılıp atırǵan imkaniyatlar haqqında aytıp, huqıqıy másláhátlar berip ótti. Sol kúnniń ózinde 50 den aslam puqaralar mámleketlik xızmetten paydalandı. Kimler kadastr hújjetleri, kimlerdúr arxiv maǵlıwmatların alıw boyınsha arzalar berdi.

Sonday-aq, rayonlıq PHAJ bólimi tárepinen jaqında turmıs qurǵan jas shańaraq iyelerine neke gúwalıqları kóshpeli túrde tapsırıldı.

Aytıp ótiw kerek xalqımızdıń uzaǵın jaqın, awırın jeńil qılıw maqsetinde kórsetilip atırǵan kóshpeli xızmetler puqaralarımızdıń waqtı hám qárejeti tejeliwine xızmet qılıp atırǵanlıǵı menen áhmiyetli bolıp tabıladı.

Mámleketlik xızmetler agentligi
Qaraqalpaqstan Respublikası basqarması

Kanalǵa aǵza bolıw: https://t.iss.one/qrmxa

#Kóshpeli_xızmetler
#MXO_máhálle_puqara
#PHAJ

Kóshpeli xızmetler “Altınsay” APJda

Beruniy rayonı Mámleketlik xızmetler orayı hám rayonlıq PHAJ bólimi xızmetkerleri tárepinen rayon orayınan 47 km uzaqta jaylasqan “Altınsay” APJda awıl turǵınlarına kóshpeli tártipte kadastr pasportın tayarlaw, kóshpes múlkke bolǵan huqıqın mámleketlik dizimnen ótkeriw, balalardı mektepke shekemgi bilimlendiriw mákemelerine náwbetke qoyıw sıyaqlı jámi 70 ten aslam mámleketlik xızmetler kórsetildi. Sonday-aq, rayon PHAJ bólimi tárepinen de sol aymaqta jasap atırǵan puqaralardıń múrájatları úyrenilip, kóshpeli tártipte gúwalıqları óz iyelerine tapsırıldı.

Sonnan awıl turǵınlarına Prezidentimizdiń 2021-jıl 23-mart kúngi PP-6191-sanlı Pármanı menen puqaralar hámde isbilermenlik subektlerinen talap etiliwi biykar etilip atırǵan hújjetler haqqında, puqaralar nekeden ótiw tártibi, tuwılǵanlıq haqqında gúwalıqların alıw tártibi hámde PHAJ bólimi tárepinen kórsetiletuǵın xızmetler haqqında túsindiriw jumısları alıp barıldı.

Kanalǵa aǵza bolıw: https://t.iss.one/qrmxa

#Kóshpeli_xızmetler
#MXO_máhálle_puqara
#PHAJ
#Onlayn_xızmetler

Kóshpeli xızmetler “Qumjıqqın” APJda.

Puqaralarǵa qolaylıq jaratıw maqsetinde Xojeli rayonı Mámleketlik xızmetler orayı, PHAJ bólimi, ádillik bólimi hám Bas ministrdiń Isbilermenler múrájatların kórip shıǵıw qabıllawxanası qánigeleri tárepinen puqaralardıń uzaǵın jaqın, awırın jeńil etiw maqsetinde rayon orayınan 27 km uzaqta jaylasqan “Qumjıqqın” APJ aymaǵında kóshpeli qabıllaw shólkemlestirildi.

Kóshpeli qabıllawda kadastr hújjetleri boyınsha, kommunal taraw boyınsha 13 múrájat qabıllanǵan bolsa, mektep oqıwshı jaslarına STIN hám puqaralardı jıynap barılatuǵın pensiya sistemasına esapqa qoyıw boyınsha 35 múrájat qabıllanıp, sol jerdiń ózinde unamlı sheshim taptı, al qalǵan múrájatlardıń orınlanıwı qadaǵalawǵa alındı.

Sonıń menen birge, usı aymaqta jaylasqan Xalıq bilimlendiriw bólimine qaraslı 31-sanlı ulıwma bilim beriw mektep oqıtıwshılarına taraw qánigeleri tárepinen Ózbekstan Respublikası Ministrler Kabinetiniń 2021-jıl 17-sentyabrdegi 572-sanlı Qararı hámde mámleketlik xızmetler kórsetiw tarawına baylanıslı bolǵan keyingi ózgerisler haqqında túsinikler berildi.

Kanalǵa aǵza bolıw: https://t.iss.one/qrmxa

#Kóshpeli_qabıllaw
#MXO_máhálle_puqara
#PHAJ_jańalıqları
#Ashıq_sáwbetlesiw

KÓSHPELI QABÍLLAW: HÁR BIR MÚRÁJAT ITIBARDA.

Mámleketlik xızmetler agentligi Qaraqalpaqstan Respublikası basqarması baslaması menen, Xojeli rayonı orayınan 15 km uzaqlıqta jaylasqan “Jańa jap” awıl puqaralar jıyınında kóshpeli qabıllaw shólkemlestirildi.

Ushırasıwǵa Mámleketlik xızmetler agentligi Qaraqalpaqstan Respublikası basqarması baslıǵı M.Abdijaliev, rayon háqimligi, tiyisli wákilikli uyım qániygeleri, rayonlıq PHAJ bólimi hám MXO qánigeleri qatnasıp, aymaq turǵınlarınıń múrájatları úyrenip shıǵıldı.

Bunday qabıllawlarda xalıq penen pikirlesiw, olardıń mashqalaların úyreniw, sheshim tabıw tiykarǵı másele etip alǵa qoyılǵanı xalqımızdıń mámleketten, jámiyetten razı bolıp jasawında áhmiyetli bolmaqta.

Puqaralardan kelip túsken múrájatlardı uyrenip shıǵıw barısında "Jańa jap" APJda kooperaciya shólkemlestirilip, 10 awıl turǵınınıń bántligi támiyinlendi. Sonday-aq, Basqarma baslıǵı M.Abdijaliev basshılıǵında aymaq turǵınları Muxanbetov Umidjan Zafarovichtiń tuwılǵanlıǵı haqqındaǵı gúwalıǵı hám Izbastiev Sherzod penen Shamshadinova Feruzanıń neke dúzilgenligi haqqındaǵı gúwalıǵı kóshpeli tárizde tapsırıldı.

Bunnan tısqarı, Kegeyli rayonında tuwılǵan, biraq házirgi waqıtta usı aymaqta jasawshı Elbaev Tursınbaydıń tuwılǵanlıq haqkınldaǵı gúwalıǵı eksterritorial tártipte tákirar alıp berildi.

Oray qániygeleri rayonlıq xalıq bilimlendiriw bólimine qaraslı 21-sanlı ulıwma orta bilim beriw mektebinde bolıp, awır aymaqlardaǵı hayallar hám jaslarǵa “Mámleketlik xızmetler hámme ushın” uranı astında, kórgizbeli slaydlar járdeminde oqıw - seminarı shólkemlestirildi hámde elektron aukcion ushın jaslarǵa elektron sanlı imza (ESI) hám talap eń joqarı bolǵan xızmet turleri boyınsha awıl turǵınlarına 100 den aslam mámleketlik xızmetler kórsetildi.

Sonıń menen birge aymaq turǵınlarına Mámleketlik xızmetler orayları arqalı kórsetiletuǵın xızmetlerdiń túrleri, tarawda ámelge asırılıp atırǵan reformalar hámde tarawǵa baylanıslı qabıl etilip atırǵan normativ-huqıqıy hújjetlerdiń mazmun-mánisi boyınsha keń túrde túsinik jumısları alıp barıldı.

Mámleketlik xızmetler agentligi Qaraqalpaqstan Respublikası basqarması

Kanalǵa aǵza bolıw: https://t.iss.one/qrmxa

#Kóshpeli_xızmetler
#MXO_máhálle_puqara
#PHAJ
#Onlayn_xızmetler
#Ashıq_sáwbetlesiw

MÁHÁLLEBAY HÁM PUQARABAY SISTEMASÍ DAWAM ETPEKTE.

Búgingi kúnde bárshe mámleket uyımları «MXO – máhálle – puqara» principi tiykarında puqaralardıń máselelerin úyrenip olardı nızam tiykarında sheshiw ushın ámeliy járdem kórsetpekte. Usılar qatarında Qońırat rayonı Mámleketlik xızmetler orayı tárepinen rayon orayınan 180 km uzaqlıqta jaylasqan «Jaslıq» PPJ turǵınlarına mámleketlik xızmetler kórsetiw hám olardı tarawımız boyınsha qızıqtırǵan sorawlarǵa juwap beriw hám huqıqıy másláhátler beriw maqsetinde kóshpeli qabıllaw shólkemlestirildi.

Kóshpeli qabıllaw barısında puqaralarǵa talap eń joqarı bolǵan xızmet túrleri yaǵnıy kadastr pasportı boyınsha hámde ESI (elektron sanlı imza) alıw boyınsha jámi 70 ten aslam mámleketlik xızmetler kórsetildi.

Bunnan soń «Jaslıq» PPJ aymaǵında jaylasqan 21-28-sanlı Mektepke shekemgi bilimlendiriw shólkemlerine “Mámleketlik xızmetler hámme ushın” uranı astında, kórgizbeli slaydlar járdeminde oqıw - seminarı shólkemlestirildi.

Seminar dawamında jıynalǵanlarǵa isbilermen bolıp mámleketlik dizimnen ótiwdiń tártipleri, jańadan óz biznesin baslaw boyınsha jol-jobalar, sonıń menen birge barlıq mámleketlik xızmetlerden onlayn túrde paydalanıwdıń qolaylıqları hám abzallıqları haqqında túsinikler berip ótildi.

Kanalǵa aǵza bolıw: https://t.iss.one/qrmxa