#Қорақалпоғистон_Республикаси

Нукусда офсет ва картон қоғозлар ишлаб чиқарилади

Мазкур лойиҳа Ўзбекистон Республикасининг Хитой Халқ Республикасидаги элчихонаси, "Qinhuangdao Julin Import & Export Co., Ltd" (ХХР) компанияси ва "Central Asia International Paper" масъулияти чекланган жамияти ўртасида олиб борилган изчил саъй-ҳаракатлар амалий натижаси бўлди.

Қорақалпоғистон Республикаси Вазирлар Кенгаши ахборот хизматининг маълумот беришича, хитойлик шериклар 2020 йил якунига қадар ишлаб чиқариш ҳажмини 15-20 тоннагача етказишни режалаштирган. Хусусан, умумий ҳажмда 10 миллион АҚШ доллари йўналтирилган ҳолда қўшимча равишда босма, офсет ва картон қоғозлар ишлаб чиқариш мўлжалланган.

Қорақалпоғистон Республикаси имкониятлари ва зарур хом ашё базасига эга экани хитойлик сармоядор эътиборини тортди. Шундан сўнг ҳамкор сармоядорлар ушбу лойиҳани Нукус шаҳрида ишга тушириш юзасидан қарор қабул қилди.

Каналга уланиш: 👇
@hudud_inform

#Қорақалпоғистон Республикаси #Давлат_солиқ_бошқармаси тизимидаги вакант лавозимлар учун очиқ мустақил танлов эълон қилинди

Ўзбекистон Республикаси Президенти ҳузуридаги Давлат хизматини ривожлантириш агентлиги Қорақалпоғистон Республикаси филиали Қорақалпоғистон Республикаси Давлат солиқ бошқармаси билан ҳамкорликда қуйидаги вакант лавозимларга очиқ мустақил танлов эълон қилади:

— Юридик шахсларга хизмат кўрсатиш бўлими Давлат солиқ бош инспектори;

— Солиқ аудити шўъбаси Давлат солиқ бош инспектори;

— Инсон ресурсларини ривожлантириш бўлими бошлиғи ўринбосари;

— Камерал солиқ текширувлари шўъбаси Давлат солиқ бош инспектори;

— Ресурс солиқлари маъмуриятчилиги бўлими Давлат солиқ катта инспектори;

— Нукус шаҳар давлат солиқ инспекцияси Камерал солиқ текширувлари шўъбаси Давлат солиқ катта инспектори;

— Нукус шаҳар давлат солиқ инспекцияси Ҳудудларни ижтимоий-иқтисодий ривожлантириш секторида ишларни ташкил қилиш бўлими Давлат солиқ катта инспектори (2-секторга масъул) 0,5 ставка;

— Кегейли тумани давлат солиқ инспекцияси Солиқ назорати бўлими бўлим бошлиғи;

— Қонликўл тумани давлат солиқ инспекцияси Камерал солиқ текширувлари шўъбаси Давлат солиқ бош инспектори;

— Қораўзак тумани давлат солиқ инспекцияси Ҳисобни юритиш ва бюджет даромадларини прогнозлаштириш бўлими Давлат солиқ бош инспектори;

— Мўйноқ тумани давлат солиқ инспекцияси Юридик шахсларга хизмат кўрсатиш бўлими давлат солиқ бош инспектори;

— Шуманай туман давлат солиқ инспекцияси Ҳудудларни ижтимоий-иқтисодий ривожлантириш секторида ишларни ташкил қилиш бўлими давлат солиқ катта инспектори (3-секторга масъул) 0,5 ставка;

— Элликқалъа тумани давлат солиқ инспекцияси Юридик шахсларга хизмат кўрсатиш бўлими бошлиғи.

▶️ Танловда иштирок этиш учун номзодлар Давлат хизматини ривожлантириш агентлигининг Давлат фуқаролик хизматчилари вакант лавозимларининг ягона очиқ портали орқали рўйхатдан ўтишлари, вакант бўлган лавозимга сўралган ҳужжатларни электрон шаклда тақдим этишлари зарур.

❗️Ҳужжатлар 2021 йил 20 апрелдан 29 апрелгача (шу куни ҳам) қабул қилинади.

🔷 Порталдан фойдаланиш бўйича видеоқўлланма

🔷 Порталдан фойдаланиш ва ҳужжатларни электрон тақдим этиш бўйича қўлланма

🔷 Ягона идентификация тизими — id.egov.uz'дан фойдаланиш бўйича видеоқўлланма

Порталнинг расмий канали — https://t.iss.one/vacancy_argos