#búgin #házir #kadastr

🌟Mámleketlik kadastrları palatasında 2022-jıl esabatı boyınsha jıynalıs ótkerilmekte.

Ilajda Mámleketlik kadastrları palatası baslıǵı M.K.Valiyev hám aymaqlıq basqarma baslıqları qatnasıp, ótken 2022-jılda aymaqlarda ámelge asırılǵan jumıslar kórip shiǵılmaqta.

Jıynalısta Mámleketlik kadastrları Palatası Qaraqalpaqstan Respublikası basqarması baslıǵı U.Jalelovta qatnasıp, Qaraqalpaqstan Respublikasında kadastr xızmetin kórsetiw boyınsha esabat beredi.

🌐Telegram | 🌐Instagram |🌐 Facebook |🌐 Youtube

#búgin #házir
Jıynalıs dawamında...

Mámleketlik kadastrlar palatasında jıl esabı boyınsha ótkerilip atırǵan jıynalısda Mámleketlik kadastrları palatası Qaraqalpaqstan Respublikası basqarması baslıǵı U.Jalelovta qatnasıp, aymaqta kadastr xızmetin kórsetiw boyınsha esabat berdi.

Basqarma tárepinen ótken jılı Qaraqalpaqstan Respublikasınıń sociallıq-jkonomikalıq tárepten rawajlanıwı, jer múnásibetleri tártipke salınıwı hám xalıqqa mámleketlik kadastr xızmetlerin kórsetiwde nátiyjeli jumıslar ámelge asırıldı.

Atap aytqanda, 2021-jılı 50 mıń 600 kóshpes múlk obektine kadastr pasportı berilgen bolsa, 2022-jılı jámi 60 457 buyırtpa kelip túsken hám sonnan 46 470 kadastr pasportı tayarlandı.

Sonıń menen birge, 2021-jılı 48 mıń 387 mámleketlik dizimnen ótkeriw xızmeti kórsetilgen bolsa, 2022-jılı 56 mıń 736 kóshpes múlk obekti hám 3456 ipoteka, ijara shártnamaları mámleketlik dizimnen ótkerilgenligi atap ótildi.

Basqarma tárepinen 2022-jılı yuridikalıq hám fizikalıq shaxlar tárepinen kelip túsken 1127 múrájat kórip shıǵıldı.

Ózbekstan Respublikası Ministrler Kabinetiniń 2022-jıl 14-fevraldaǵı «Awıl xojalıǵına mólsherlenbegen jer uchastkaların menshiklestiriw haqqında»ǵı Ózbekstan Respublikası nızamın ámelge asırıw ilajları haqqında»ǵı qararına muwapıq, qalalıq hám rayonlıq qurılıs bólimleri menen birgelikte isbilermenlik hám qalasazlıq jumısın alıp barıw ushın elektron aukcion sawdaǵa shıǵarılǵan 1 mıń 986 dana, jámi 282,83 gektar bos jer maydanınan 475 jer ornı, jeke tártiptegi turaq jaylar qurılısı ushın 223 dana, jámi 8,9 gektar jer maydanınan 63 jer uchastka realizaciya etildi.

🌐Telegram | 🌐Instagram |🌐 Facebook |🌐 Youtube