#медициналық_көриклер
#социаллық_қорғаў

Қарақалпақстан Республикасы Денсаўлықты сақлаў министрлиги басламасы менен Нөкис қаласы «Жаңа базар» МПЖға қараслы «Қоскөл-4» посёлкасында Нөкис қалалық медицина бирлеспеси ҳәм усы бирлеспеге қараслы 2-санлы шаңарақлық поликлиникасының тар тараў қәнигелери (кардиолог, невропатолог, хирург, окулист, оториноларинголог ҳ.т.б.) ҳәм УДТ, ЭКГ тексериўлери қатнасында «Мобил поликлиника» шөлкемлестирилип, халықты тереңлестирилген медициналық көриктен өткерди.

Көрик нәтийжелерине қарап, кеселлик анықланған наўқасларға стационар ҳәм амбулатор шараятта емлениўи ушын тийисли көрсетпе ҳәм усыныслар берилди.

Сондай-ақ, ҚР Денсаўлықты сақлаў министри М.И. Қурбанов аймақтағы социаллық қорғаўға мүтәж болған пуқаралардың үйлерине барып, ҳалынан хабар алды ҳәм имканияты шекленген наўқасларды арбашалар менен тәмийинледи.

👉👉👉 @qrdssm