#Huquq_time

Кимлар давлат томонидан текинга уй-жой билан таъминланади?

— Турар жойлари авария ҳолатида эканлиги ёки табиий офатдан зарар кўрганлиги белгиланган тартибда тан олинган фуқароларга Ўзбекистон Республикаси Вазирлар Маҳкамаси томонидан белгиланган тартибда текинга уй-жой берилади.

Манбаа: Уй-жой Кодексининг 19-моддаси.

Каналга уланиш👉 https://t.iss.one/qonun_va_huquq

#Huquq_time #Биласизми

Ходимнинг розилигисиз иш ҳақидан ушлаб қолишнинг 7 та асоси

Умумий қоидага кўра ходимнинг ёзма розилиги билан унинг иш ҳақидан ушлаб қолинади. Аммо шундай ҳоллар борки, иш ҳақидан ушлаб қолишда ходимнинг розилиги шарт ҳам бўлмайди. Булар қуйидагилар:

1) солиқлар ва йиғимларни ундириш учун;

2) «Суд ҳужжатлари ва бошқа органлар ҳужжатларини ижро этиш тўғрисида»ги Ўзбекистон Республикаси Қонунида белгиланган суд қарорларини ва бошқа ижро ҳужжатларини ижро этиш учун, шунингдек ваколатли органларнинг қонуний талабларини бажариш учун;

3) иш ҳақи ҳисобига берилган бўнакни ушлаб қолиш учун, бошқа жойдаги ишга кўчиб ўтганлиги муносабати билан хўжалик эҳтиёжларига, хизмат сафарларига берилган, сарфланмаган ва ўз вақтида қайтарилмаган бўнакни ушлаб қолиш учун ҳамда ҳисоб-китобдаги хатолар оқибатида ортиқча тўланган суммаларни қайтариб олиш учун;

4) ходим томонидан иш берувчига етказилган зарарнинг ўрнини қоплаш учун, агар етказилган зарарнинг миқдори ходимнинг ўртача ойлик иш ҳақидан ошмаса;

5) ушбу Кодекс 312-моддаси биринчи қисмининг 2-бандида назарда тутилган жаримани ундириш учун;

6) ходим қайси иш йили ҳисобига таътил олиб бўлган бўлса, ўша йил тугагунига қадар меҳнат шартномаси бекор қилинганда таътилнинг ишлаб берилмаган кунлари учун;

7) қонунда назарда тутилган бошқа ҳолларда.

👉Маълумот учун: Ҳар бир тўлов чоғида иш ҳақидан ушлаб қолинган маблағларнинг умумий суммаси ходимга ҳақиқатда ҳисобланган иш ҳақининг эллик фоизидан ошиши мумкин эмас.

Каналга уланиш👉 https://t.iss.one/qonun_va_huquq