#қабыллаý

⚡️Турдыгүл Базарбаева бүгинги қабыллаýға жумыссызлығы себепли өзиниң бәнтлигин тәмийнлеýге жәрдем сорап, мүрәжат етип келди.Ол дәслеп "Моно орай"да қайта оқытылып,тәрбияшы жәрдемшиси болып жумысқа орналасатуғын болды.
Ал, "Бостан"МПЖ турғыны Генжегүл апа Мәдиреймова болса өзиниң шаңарақ жағдайын айтып,еки перзенти ЖОО да студент екенлигин,олардың контракт пулларын төлеý қыйыншылық туýдырып атырғанын айтып, жәрдем сорап келди.Оның бул мүрәжаты да унамлы шешимин таýды.
Район ҳәкими Б.Мадаминовтың бүгинги қабыллаýынан усылай өзлерин қыйнап киятырған машқалаларының шешим тапқанына разы болып шығып атырғанлар көпшиликти қурады.
Бүгинги қабыллаýда пуқаралар бәнтлик, кредит алыý,материаллық ҳәм медициналық жәрдем,сондай -ақ,жол,коммуникация тараýындағы мәселелери менен мүрәжат етти.Қабыллаýда жәми 40 мүрәжат келип түскен болса,соннан 18 и унамлы шешилди.Ўақыт ҳәм үйрениýди талап ететуғын мүрәжатлар қадағалаўға алынды.

Қоңырат районы ҳәкимлиги Мәлимлеме хызмети
👉https://t.iss.one/qongiratrkuz