Qaraqalpaqstanda Aral teńizin qollap-quwatlaw maqsetinde Xalıqaralıq ekomarafon ótkeriledi

14-15-sentyabr kúnleri Qaraqalpaqstandaǵı siyrek ushırasatuǵın tábiyiy orın - "Barsa kelmes" aymaǵında "Planetamızdıń keleshegine qosqan úlesimiz" xalıqaralıq ekomarafonı bolıp ótedi. Ilajdıń maqseti Aralboyınıń ekologiyalıq mashqalaları, qurǵaqshılıq hám suw resurslarınan aqılǵa uǵras paydalanıw máselelerine xalıqaralıq jámiyetshiliktiń itibarın tartıwdan ibarat.

Ekologiya, qorshaǵan ortalıqtı qorǵaw hám ıqlım ózgeriwi ministrligi hám ProRun juwırıw mektebi menen birgelikte shólkemlestiriletuǵın marafonda 20 mámleketten 500 ge shamalas qatnasıwshı marafonǵa qatnasıwı kútilmekte. Olar arasında professional sportshılar menen bir qatarda diplomatiyalıq korpus, xalıqaralıq shólkemlerdiń wákilleri hám ekologiya belsendileri de boladı. Marafon tek ǵana óz kúshińizdi sınap kóriw emes, al ekologiyalıq hárekettiń bir bólegi bolıw hám hár birimiz tábiyiy resurslardı asırawda qanday úles qosıwımız haqqında oylaw imkaniyatın beredi.

Eki kúnlik ilaj baǵdarlamasınan úy lagerine jaylasıw, muzıkalıq baǵdarlama, etno-shou, "Barsa kelmes"ge sayaxat, 42 km aralıqqa marafon, 21 km aralıqqa yarım marafon, 5 hám 10 km aralıqqa jarıslar orın alǵan.

Ilajda qatnasıw ushın https://prorun.uz/competition-detail-present/35 siltemesi arqalı yamasa https://t.iss.one/BARSA_KELMES_bot telegram botı arqalı dizimnen ótiń
Ilaj hám dástúr haqqındaǵı tolıq maǵlıwmattı https://barsakelmesmarathon.com/ saytınan alıwıńız múmkin.

______________________________________________

Qoraqalpog‘istonda Orol dengizini qo‘llab-quvvatlash maqsadida Xalqaro ekomarafon o‘tkaziladi

14-15-sentabr kunlari Qoraqalpog‘istondagi noyob tabiiy maskan – “Borsa kelmas” hududida “Sayyoramiz kelajagiga qo‘shgan hissamiz” Xalqaro ekomarafoni bo‘lib o‘tadi. Tadbirdan ko‘zlangan maqsad Orolbo‘yining ekologik muammolari, qurg‘oqchilik va suv resurslaridan oqilona foydalanish masalalariga xalqaro jamoatchilik e’tiborini jalb qilishdan iborat.

Ekologiya, atrof-muhitni muhofaza qilish va iqlim o’zgarishi vazirligi hamda ProRun yugurish maktabi hamkorligida tashkil etiladigan marafonda 20 ta davlatdan 500 nafarga yaqin ishtirokchi qatnashishi kutilmoqda. Ular orasida professional sportchilar bilan bir qatorda diplomatik korpus, xalqaro tashkilotlar vakillari va ekologiya faollari ham bo‘ladi. Marafon nafaqat o'z kuchingizni sinab ko'rish, balki ekologik harakatning bir qismi bo'lish va har birimiz tabiiy resurslarni asrashga qanday hissa qo'shishimiz haqida o'ylash imkoniyatini beradi.

Ikki kunlik tadbir dasturidan uy lagerida joylashish, musiqiy dastur, etno-shou, “Borsa kelmas”ga sayohat, 42 km masofaga marafon, 21 km masofaga yarim marafon va 5 va 10 km masofada poygalar o’rin olgan

Tadbirda qatnashish uchun https://prorun.uz/competition-detail-present/35 havolasi yoki https://t.iss.one/BARSA_KELMES_bot telegram boti orqali ro‘yxatdan o‘ting.

Tadbir va dastur haqida batafsil ma’lumotni https://barsakelmesmarathon.com/ saytidan olishingiz mumkin.

Biziń betlerimiz: || Bizning sahifalarimiz:
Telegram | Instagram | Facebook | X