#30_июль_Халықлар_дослығы_күни

"БИЗ БИР БОЛСАҚ- БИР ХАЛЫҚПЫЗ, БИРЛЕССЕК -ЎАТАНБЫЗ!"

Бир дәрьядан суў ишетуғын қарақалпақ ҳәм өзбек миллетлери "ет пенен тырнақ"қа усас, үрп-әдет, дәстүрлери дерлик бирдей, еки түрли тилде сөйлегени менен бир халыққа айналып кеткен оларды бир-бирисиз көз алдымызға келтириў  қыйын.

   Қоңыраттан Қашқадәрья ўәлаятына келген бир топар мәҳәлле белсендилери, нураныйлар ҳәм мәденият тараўы хызметкерлеринен ибарат делегация ағзаларын Мүбәрек районы ҳәкими Мухтор Ҳайитмурадов  жыллы жүзлилик пенен күтип алды.

  Делегация ағзалары райондағы "Истиқлол" мәкан пуқаралар жыйынында болып,
аймақтағы кәмбағаллықты қысқартыў, үй алды қыйтақ жеринен өнимли пайдаланыў шаңарақлық исбилерменликти раўажландырыў бағдарында мәҳәлле жетилиги тәрепинен алып барылып атырған жумыслар менен танысты.

   Буннан соң әййемги қалалардың бири есапланған Шахрисабз қаласында аймақ турғынларының нәзерине Қоңырат районының мәденият бөлими хызметкерлери тәрепинен концерт бағдарламасы  усынылды.

Telegram