#ПҚ_306
#өзин_өзи_бәнтлеў

ИСЛЕЙМЕН ДЕГЕНГЕ ИМКАНИЯТЛАР ЕСИГИ АШЫҚ

"Ҳәким ата"мәкан пуқаралар жыйынында жасаўшы шебер усталардың бири Қудайбергеновлар  шаңарағы көп жыллардан бери мебель ислеп шығарыўды шаңарағының турақлы дәрамат дерегине айналдырған. Үйинен ашып қойған цехта таярланып атырған
кең ассортименттеги, заманагөй дизайнға ийе мебельлер тек ғана жеке тәртиптеги қарыйдарлардың емес,ал райондағы бир қатар социаллық объектлердиң де көркине -көрк қоспақта.
-Жақында мәҳәллемиздеги ҳәким жәрдемшиси Рустам Бегимбаевтың көмеги менен 100 млн сум жеңилликли кредит алдық.Түркияда ислеп шығарылған заманагөй мебель ислеп шығарыў үскенесин сатып алып келип орнатыўымыз бенен цехымызда жумыс көлеми 1,5 есеге артып, 5 адам турақлы жумыс пенен тәмийнленди. Өнимлеримиздиң сапалылығы және де артыўы менен  қарыйдарлардың изи үзилмей қалды. Ҳеш қандай гиреўсиз кредит алыў мүмкиншилиги алдын жоқ еди, бундай имканиятларды жаратып берген Президентимизге рахмет!
-дейди уста өнермент Шухрат Қудайбергенов.

➥ @qongiratrkuz

#Өзин_өзи_бәнтлеў

Қоңырат районындағы "Ҳәким ата" мәкан пуқаралар жыйыны  ҳәким жәрдемшиси Рустам  Бегимбаев мәҳалле халқын исбилерменлик,  дийханшылық,  үй алды қыйтақ жеринен нәтийжели пайдаланыўға қамтып алып,  турмыс абаданлығын асырыў  ҳәм кәмбағаллықты  қысқартыўға көмеклеспекте .
Ҳәр бир шаңараққа кирип, ўақтынша жумыссыз  болған,  лекин қолынан жумыс келетуғын,  исбилерменликке қәбилети  ҳәм қызығыўшылығы бар,  өнер менен шуғылланыўды қәлейтуғын пуқаралар , әсиресе жаслар менен саўбетлесип,  олардың  қәлеўине қарай  әмелий жәрдем көрсетпекте. 
Гүлбәҳәр Атамуратова үйинде тигиў цехын ашып, өзин-өзи бәнтлеў менен бирге ,қоңсысы Эльмира Каримованы да жумыс пенен тәмийнледи.Үйинде ашқан тигиўшилик цехында биргеликте жумысын жолға қойып, шаңарақларына дәрамат таўып отыр.
-Ҳәм перзентлеримиз тәрбиясына, ҳәм үй жумысларына, ҳәм буйыртпаларды питкериўге арқайын үлгеремиз.Усындай шараятларды жаратып берип атырған Президентимизге миннетдаршылық билдиремиз,- дейди Гүлбәҳар Атамуратова.

➡️ @qongiratrkuz
    

#өзин_өзи_бәнтлеў

Бәнтликти тәмийнлеў арқалы шаңараққа дәрамат киреди, аймақтың инфраструктурасы жақсыланады.
Қоңырат районы орайынан 350 километр қашықлықта жайласқан республикамыздың ең шетки аймағы есапланған "Қарақалпақстан"посёлка пуқаралар жыйынында да халықты исбилерменликке тартыў, жеке бизнести раўажландырыў арқалы турақлы дәрамат дерегин жаратыўға айрықша итибар қаратылмақта.
Аймақ ҳәким жәрдемшиси Жамила Аметованың көмеги менен алған жеңилликли кредит есабынан менен өзин-өзи бәнт еткен жаслардың бири Жанат Балшықбаева ҳәзирги күнде гөззаллық салонын ашып, халыққа турмыслық хызмет көрсетпекте.

Қоңырат районы ҳәкимлиги Мәлимлеме хызмети
➥ @qongiratrkuz

#Өзин_өзи_бәнтлеў

"Қарақалпақстан" посёлка пуқаралар жыйыны турғыны Салима Айдарбаева  бүгин  елимизде жаратылған имканиятлардан пайдаланып, өзин-өзи бәнтлеп отырған исбилермен жаслардың бири.
Ол дәслеп кондитер маманлығы бойынша оқыў курсларында оқып, соң жеңилликли кредит есабынан зәрүрли әспаб, үскенелерин сатып алды.
Посёлка пуқаралар жыйыны баслығы Қутлы Қошымбетованың жәрдеми менен кондитер цехын ашып, өзи менен бирге және еки жастың бәнтлигин тәмийнлемекте. Аймақ халқының буйыртпасына тийкар ҳәр түрли кондитер өнимлерин ислеп шығарып, жақсы күнлерине хызмет етпекте.

•┄┄┄┄┄┄┄༻❅༺┄┄┄┄┄┄┄•

Қоңырат районы ҳәкимлиги  Мәлимлеме хызмети

👉@qongiratrkuz‌‌

#өзин_өзи_бәнтлеў

"Ҳәким ата"мәкан пуқаралар жыйыны турғыны Ҳуршида Кулбаева да аймақ ҳәким
жәрдемшисиниң көмеги менен өзин-өзи бәнт еткен ҳаял- қызлардың бири. Ол  уйинде отырып- ақ жеңилликли кредит есабынан заманагөй тигиў үскенелерин алып,  халықтың буйыртпалары тийкарында  кийим-кеншеклер тигип,  шаңарағына дәрамат киргизбекте.

- Әлбетте, бул мен ушын оғада қолайлы,-дейди Хуршида.- Үй жумысларына, перзентлериме қараўға және буйыртпаларды қарыйдарлардың кеўлиндегидей етип орынлаўға үлгерип атырман.
Үйде жумыссыз  отырған қыз-келиншеклерге де айтарым, кәсип -өнер үйрениң.Сонша имканиятлар берилип атыр, бийпул оқытып атыр, субсидиялар, жеңилликли кредитлер берилип атыр.Үйиңнен шықпай пул табыў мүмкиншилиги де туўдырылып атыр.Ең баслысы, мийнеттен қашпаў керек. Бүгин өнеримниң арқасында өмирлик жолдасыма қол-қанат болып, шаңарағымызға  қосымша дәрамат киргизип отырғаныма шүкиршилигим көп.

•┄┄┄┄┄┄┄༻❅༺┄┄┄┄┄┄┄•

Қоңырат районы ҳәкимлиги Мәлимлеме хызмети
➥ @qongiratrkuz