DUNYONI QIZG‘ANMA
Dunyoni qizg‘anma mendan, azizim,
Men sening ko‘changdan o‘tmasman zinhor.
Mening bu olamda o‘z aytar so‘zim
Va o‘zim sig‘inar mozorlarim bor.
Dunyoni qizg‘anma mendan, azizim,
Sen ichgan buloqdan ichmasman aslo.
Sen yurgan tog‘larda qolmagay izim,
Sen kechgan daryodan kechmasman aslo.
Dunyoni qizg‘anma mendan, azizim,
Qalbingni yoqmasin shubha va so‘roq,
Men o‘zga manzilga tikkanman ko‘zim,
U sening kulbangdan juda ham yiroq.
Abdulla Oripov, O‘zbekiston Qahramoni
Abdulla Qodiriy nomidagi ijod maktabi
👍6🤩1