#Taqdimot

✅Kuni kecha O’zbekiston davlat drama teatrida Jan-Batist Molyer qalamiga mansub “Xasis” spektaklining yopiq premyerasi bo’lib o’tdi. Spektaklni Abdulla Qodiriy nomidagi ijod maktabining “Chig‘atoy gurungi” drama to‘garagi rahbari, yosh rejissyor Rasuljon Tog’ayqulov sahnalashtirdi.

♻️ Rejissyorni yutug‘i bilan qutlash uchun bir guruh o‘qituvchi va o‘quvchilar spektakl tomoshasiga tashrif buyurishdi.

💠Eslatib o‘tamiz, mazkur spektaklning katta premyerasi 2023 yilning 3-4-5 mart kunlari soat 18:00 da O’zbekiston davlat drama teatrida bo‘lib o‘tadi.

Rasmiy sahifalarimiz:
Telegram Facebook

#Taqdimot

⚡️O‘zbekiston Yozuvchilar Uyushmasi tomonidan “Turon “axborot kutubxonasida Safar Olloyorning yangi kitobi taqdimoti o‘tkazildi. Taqdimotda adabiyotshunos olim, Pedagogika fanlari doktori, professor Qozoqboy Yo‘ldoshev, Safar Olloyor, Yozuvchilar uyushmasi a’zolari bilan birga Abdulla Qodiriy nomidagi ijod maktabi o‘quvchilari ham ishtirok etishdi.

📚“Qalb saltanati” deb nomlangan yangi nashr xususida Qozoqboy Yo‘ldoshev ko‘plab iliq fikrlarni bildirib o‘tdi. Mazkur kitobda muallifning 500 yaga yaqin soneti joy olgani e’tirof etildi. So‘zga chiqqan muallif - Safar Olloyor kitob tarixi xususida qisqa so‘z yuritib, yig‘ilganlarga yangi she’rlardan o‘qib berdi.

📌Tadbirda ijod maktabi o‘quvchilari ham turli savollarga javob olish barobarida o‘zlari yoqtirgan she’rlardan yod olishdi.

Rasmiy sahifalarimiz:
Telegram Facebook

#Zamin_Creаtive
#Taqdimot


❇️ Xabaringiz bor, Abdulla Qodiriy nomidagi ijod maktabida “Zamin Creative” ta'lim dasturi doirasida aktyorlik mahorati, Fashion Design va media savodxonlik sohalari bo‘yicha to‘garaklar faoliyat yuritadi. Mazkur mashg‘ulotlarda ijod maktabi o‘quvchilari Toshkent shahridagi 101,102, 106-maxsus (imkoniyati cheklangan bolalar) maktablari o'quvchilari bilan birga ko‘nikmalarga ega bo‘lishadi.

⚡️Kuni kecha “Zamin Creative”ning aktyorlik yo‘nalishi a’zolari Antuan de Sent-Ekzyuperining “Kichkina shahzoda” asaridan parcha sahnalashtirib, ijod maktabi o‘qituvchi va o‘quvchilari uchun taqdimot o'tkazishdi. Bir oy davomida tayyorlanilgan mazkur ijodiy ish tomoshabinlarga manzur bo‘ldi.

Yuqorida spektakl namoyishidan lavhalar...

Rasmiy sahifalarimiz:
Telegram Instagram Facebook

#Taqdimot

⚡️O‘zbekiston Respublikasi Fanlar akademiyasi O‘zbek tili, adabiyoti va folklori institutida buyuk qomusiy olim Abu Rayhon Beruniy tavalludining 1050 yilligiga bag‘ishlangan tadbirlar doirasida O‘zbekiston xalq yozuvchisi Isajon Sultonning “Abu Rayhon Beruniy” romani taqdimoti bo’lib o’tdi.

💫O‘zbekiston Yozuvchilar uyushmasi a’zolari, adabiyotshunoslar va olimlar qatnashgan mazkur anjumanda Abdulla Qodiriy nomidagi ijod maktabi rahbari Hilola Nazirova ham ishtirok etdi.

✅Kitob taqdimoti davomida asar yuzasidan turli muhokamalar, savol-javoblar, ijobiy fikrlar ifoda etildi.
Yig‘ilganlar Isajon Sultonning “Abu Rayhon Beruniy” romani kelajak avlod vakillari uchun tarixni badiiy bo‘yoqlar tasvirida ko‘rishlariga imkon yaratishini alohida ta’kidlashdi.

Telegram | Instagram |Facebook

#tadbir
#taqdimot


🔰Kecha Abdulla Qodiriy nomidagi ijod maktabining ustoz va o’quvchilari Yoshlar ishlari agentligi Pres klubida bo’lib o’tgan “Uyg’onish” hamda “Zulfiqor ruh” kitoblarining taqdimotida ishtirok etishdi.

📌Unda “Uyg’onish” to’plami mualliflari Abdulqodir Zohidiy, Feruza Muhiddinova kabi olimlar ishtirok etib, taqdimotning birinchi qismida ma’ruza qilishdilar.

🛑Tadbirning ikkinchi qismi olovqalb shoir Shavkat Rahmonning “Zulfiqor ruh” saylanmasiga bag’ishlandi. Bunda shoirning turmush o’rtog’i, oila a’zolari ham ishtirok etdi.

Shuningdek, tadbirda Mirzo Kenjabek, Xurshid Davron kabi ustoz shoirlar Shavkat Rahmon bilan bog’liq xotiralarini bo’lishdilar.

✅Eslatib o’tamiz, maktabimiz Ijodiy to’garak rahbari Nigora Asqaraliyeva “Anorbooks” nashriyotining muharriri ham hisoblanadi.

Yuqorida ana shu tadbirdan lavhalarni tomosha qilishingiz mumkin.


Telegram | Instagram |Facebook

#ijod_maktabi
#taqdimot

KITOBDAN YAXSHI DO’ST YO’QDIR JAHONDA…

⚜️ Abdulla Qodiriy nomidagi ijod maktabi o’quvchilari adibimiz Abdulla Qodiriyning besh jildlik “To’la asarlar” kitobi taqdimotida o’z chiqishlari bilan qatnashdi.

🖇 Bugun Alisher Navoiy nomidagi O’zbekiston Milliy kutubxonasida "INFO CAPITAL BOOKS" nashriyoti tomonidan, adibimiz Abdulla Qodiriyning besh jildlik “To’la asarlar”i yangi va zamonaviy ko’rinishda, yangicha uslub va dizayn asosida qayta nashr etilgan kitoblar taqdimoti bo'lib o'tdi.

📌 Ushbu kitob "Info Capital Books" nashriyoti hamda Milliy kutubxona bilan hamkorlikda, adibning nevarasi
Xondamir Qodiriy mas’ulligida tayyorlandi.

⚡️XX asr O’zbek adabiyotining ulkan namoyondalaridan biri, o’zbek romanchiligi asoschisi Abdulla Qodiriyning besh jildlik “To’la asarlar”ida sevimli asarlarimizdan biri “O’tkan kunlar”, “Mehrobdan chayon”, “Diyori bakr” va “Obid ketmon” asarlari o’rin olgan.

✨ Shuningdek, “O’tkan kunlar" asariga O’zbekiston qahramoni, tarjimon Ibrohim G’afurov, "Mehrobdan chayon" asariga O’zbekiston xalq shoiri -Usmon Azim, "Obid ketmon" asariga adabiyotshunos olim - Umarali Normatovlar so’zboshi yozganlar.

📌 Ijod maktabi o’quvchilari, xususan, Abdulla Qodiriyning evara-yu chevaralari Samariddin Qodiriy, Akromova Nozimaxonlar nutq so’zlab, bobolariga mos avlodlar bo’lishga va’da berishdi. Shuningdek, ijod maktabi o’quvchisi Yo’ldasheva Shirin adib qalamiga mansub “Ahvolimiz” she’rini yoddan aytib berdi.

📚 Har bir kitob o’zi hikmatlarga yo’g’rilgan ulkan xazina bo’lib, kitob o’qish - xalqimiz ma’naviyatini, uning dunyoqarashini yanada boyitishga hissa qo’shishi bilan birga, inson uchun muvaffaqiyat va saodat eshiklarini ochuvchi kalit va hayot yo’llarini yoritguvchi chiroq kabidir.

Ijod maktabining rasmiy sahifalariga ulanish:
Telegram | Instagram |Facebook

#taqdimot

“Hasratning shakli” turk tilida nashr qilindi

🔰Oʻzbekiston Yozuvchilar uyushmasida taniqli shoir Nosirjon Joʻrayevning Turkiyada chop etilgan “HASRETİN ŞEKLİ” (“Hasratning shakli”) kitobi taqdimoti boʻlib oʻtdi.

🏢Ushbu tadbirda Abdulla Qodiriy ijod maktabi ustoz va o’quvchilari ham ishtirok etishdi.

📌Taqdimotda yozuvchi-shoirlar, adabiyotshunoslar, shoirning muxlislari hamda yoshlar ishtirok etdi.

✅Unda Oʻzbekiston Yozuvchilar uyushmasi raisi Sirojiddin Sayyid, “Jahon adabiyoti” jurnali bosh muharriri Ahmadjon Meliboyev, filologiya fanlari doktori, dotsent Rahmon Qoʻchqor, filologiya fanlari doktori Rahimboy Jumaniyozov, tarjimon Ogulnur Atayeva va boshqalar soʻzga chiqdi.

📸Suratlar muallifi Ahmad To’ra

Ijod maktabining rasmiy sahifalariga ulanish:

Telegram | Instagram |Facebook

Президент Шавкат Мирзиёев мактабгача ва мактаб таълими сифатини ошириш, педагоглар малакасини ошириш тизимини такомиллаштириш бўйича таклифлар тақдимоти билан танишди.
—
Президент Шавкат Мирзиёев ознакомился с предложениями по повышению качества дошкольного и школьного образования, совершенствованию системы повышения квалификации педагогов.

#Mirziyoyev #taqdimot #talim #maktab

Prezident.uz|Facebook|Instagram|YouTube|X

Президент Шавкат Мирзиёев мактабгача таълимни ривожлантириш, иқтидорли ёшлар билан ишлаш тизимини такомиллаштириш бўйича таклифлар тақдимоти билан танишди.
—
Президент Шавкат Мирзиёев ознакомился с презентацией предложений по развитию дошкольного образования и совершенствованию системы работы с одаренной молодежью.

#Mirziyoyev #taqdimot #maktabgachatalim #fanolimpiadalari

Prezident.uz|Facebook|Instagram|YouTube|X