#Abdulla_Qodiriy_ijod_maktabi_3_yoshda
#qutlovlar

Aziz ustozim buyuk shoir Halima Xudoyberdievaning “Avliyolar” she’rini adabiy bir tabrik sifatida qabul qiling!

Men agar ko‘rmasam, ko‘ra olmasam,
Ko‘zimni quyoshlar to‘sayotgandir.
Balki bu bolalar orasida ham,
Buyuk avliyolar o‘sayotgandir?!

Alarning tushiga balki kirishib,
"Qayon ketmoqdasiz?" deb chekib ohlar.
Asolarin yerga niqtab, urishib,
Kelayotgandirlar valiyullohlar.

Suvlar buzilganda sardobalarda,
Bizmas, ular zahar yutayotgandir.
Teraklar saf tortib sahobalarday,
Alarning kelishin kutayotgandir.

Xaloskor bo‘ronday ular turadi,
Alg‘ov-dalg‘ov qilib yerning ustini.
Ular yomon urar, qattiq uradi,
Do‘sti kiprik qoqmay sotsa do‘stini.

Bobolar daryoga solganlar yugan,
Bugun borlar yugan tashlar borlarga.
Aldov bolalagan, yolg‘on urchigan,
Ular kirarmikin bu bozorlarga?!

Kelsinlar, kirsinlar, borimiz ko‘rsin,
Kirdan forig‘ etsin yer yo‘llarini.
Biroz rangi ketgan orimiz ko‘rsin,
Va...qoqsinlar iymon dovullarini.

Shunda balki barcha uyg‘onib, sachrab,
Farqlay bilarmidik ziyoni, zarni.
Va jannat qushlari - bolalar ichra
Ko‘rib qolarmidik avliyolarni.


Guljamol Asqarova,
Zulfiya nomidagi Davlat mukofoti sovrindori,
O‘zbekiston Yozuvchilar uyushmasi a’zosi

t.iss.one/qodiriy_abdulla

#abdulla_qodiriy_ijod _maktabi_3 yoshda
#qutlov

Hurmatli Abdulla Qodiriy nomidagi ijod maktabining jamoasi va o‘quvchilari! Sizlarning 3 yoshingiz bilan qutlaymiz. Qisqa vaqt mobaynida ko‘p yutuqlarga erishdingiz, hurmatli ustozlar, millat bolalari qalbiga vatanparvarlik, umuminsoniy qadriyatlarni singdirib kelmoqdasizlar. O‘quvchilarning kelajakda ijodkor bo‘lib, shoiru adiblar degan yuksak nomga etishishiga tilakdoshman. O‘quvchilarning ilm-fanda erishayotgan yutuqlari bunga misol bo‘la oladi. Aziz o‘quvchilar! Ilm-fan sohasida yanada katta yutuqlarga erishingiz. Sizlarning dunyo sahnasiga O‘zbekiston nomini olib chiqishingizga ishonch bildiraman.

Hurmat bilan Alisher Navoiy nomidagi Toshkent davlat o‘zbek tili va adabiyoti universiteti professori, filologiya fanlari doktori Pardayev Qo‘ldosh Uzaqovich

t.iss.one/qodiriy_abdulla

#abdulla_qodiriy_ijod_maktabi_3 yoshda
#qutlov

2019-yili Abdulla Qodiriy tavalludiga 125-yil toʻlgandi. Shu bois uning shaxsi va ijodiga hurmat koʻrsatildi. U yashagan uy va shiypon muzeyga aylantirildi. Uning nomidagi bogʻda adibning ijod maktabi va muzeyi qurildi.

2019-yil 26-dekabr sanasi. Abdulla Qodiriy ijod maktabi va “Turon” kutubxonasi ochildi. Oʻsha kunni hozirgiday eslayman. Prezident maktabni ochib qaytgach, “Turon” kutubxonasida biz ziyolilar bilan koʻrishdi. Oʻshanda davlat rahbari: “Agar ular oʻshanda qatagʻon boʻlib, otilmaganida, biz bugun boshqa Oʻzbekiston boʻlardik!”, dedi. Ha, afsus, millat oydinlari otilib ketdi. Ammo bir taskin bor. Nasib etsa, Abdulla Qodiriy ijod maktabi yo unga oʻxshash maktablarda oʻqiyotgan qorakoʻzlar ertaga millat oydinlariga aylanadi. Bir musht boʻladi. Bir-birini qoʻllaydi. Bir-birini sotmaydi.

Bugun millat oydinlarining nomi tiklanyapti. Oʻzbek tili va adabiyot fani chuqur oʻtiladigan ijod maktablari, aniq fanlar koʻproq oʻrgatiladigan Prezident maktablari yaratilyapti. Yaqin oʻtmishda keraksiz kiyimday shaharning bir chekkasiga uloqtirilgan “Turon” singari kutubxonalarimizning qaddi tiklandi. Nima uchun? Millat uygʻonishi uchun! Kuchli boʻlishimiz uchun! Ertaga boshqalarga qaram boʻlmasligimiz uchun! Oʻzbekning bolalari “Obid ketmon”nikiday bahaybat ketmoni bilan emas, adabiyot va ilm-fan yutuqlari bilan yuksalishi, qahramon boʻlishi uchun! Xalqimiz yaxshi yashashi uchun! Xorazmiyu Beruniylar, Qodiriyu Choʻlponlar qayta tugʻilishi uchun!

Men ishonaman, Abdulla Qodiriy ijod maktabi oʻquvchilar orasidan ham shunday buyuk insonlar albatta yetishib chiqadi.

Fozil Farhod, Oʻzbekiston Yozuvchilar uyushmasi Axborot xizmati boʻlimi boshligʻi

t.iss.one/qodiriy_abdulla

#abdulla_qodiriy_ijod_maktabi_3 yoshda
#qutlov

Abdulla Qodiriy nomidagi ijod maktabining matematika fani o‘qituvchisi Hulkar Shamsiyeva va 9-A sinf o‘quvchilari tomonidan ijod maktabi tashkil topganining 3 yilligiga bag‘ishlab tayyorlangan videorolik

t.iss.one/qodiriy_abdulla

#abdulla_qodiriy_ijod_maktabi_3_yoshda
#qutlov
   Hurmatli Аbdulla Qodiriy nomidagi ijod maktabi jamoasi! Barchangizni kichik yubiley sanasi bilan qolaversa, kirib kelayotgan 2023-yil bilan tabriklayman. Yurtboshimiz taʼkidlaganlaridek, jadid bobolarimiz boshlab bergan xayrli ishlarni davom ettirish, xalq erki, millat ravnaqi yoʼlida jonbozlik koʼrsatadigan, ijodkor yoshlarni tarbiyalashda Sizning zimmangizga katta maʼsuliyat yuklatilmoqda. Bu borada barcha professor-oʼqituvchilarga kuch-gʼayrat tilab qolaman. Uchinchi renessans asoschilari boʼladigan yoshlar aynan sizning ijod maktabingizdan yetishib chikishiga umidvorman. Zero, adabiyot butun millatning maʼnaviyatini shakllantiruvchi buyuk kuchdir.

   Nizomiy nomidagi Toshkent davlat pedagogika universiteti Xotin-qizlar masalalari boʼyicha rektor maslahatchisi, filologiya fanlari boʼyicha falsafa doktori, dotsent.
Toʼxtaeva Nargiza Narziyevna

t.iss.one/qodiriy_abdulla

#abdulla_qodiriy_ijod_maktabi_3_yoshda
📝Abdulla Qodiriy nomidagi ijod maktabi mana bugun uch yoshda o‘ylaymanki, ushbu maktab yaqin kelajakda tarix fanlari nomzodi Hilola Nazirova boshchiligida yangi o‘zbek adabiyotining ulkan namoyandalarini, o‘zbek romanchiligining davomchilarini va asosiysi yangi O‘zbekistonda muhim ijtimoiy-madaniy jarayonlarga befarq bo‘lmagan va uning faol ishtirokchilarini tarbiyalashi shubhasizdir. Zero bir ziyoli insonni hayotda qilgan ezgu ishlarini o‘rganib, uni hayotga tatbiq qilgan inson huddiki tarixda o‘tgan ushbu insonga hayot bahsh etganlik maqomini oladi. Shubhasiz bu yerda tahsil olayotgan yoshlarimiz yaqin kelajakda Abdulla Qodiriy orzu qilgan yoshlar bo‘lib yetishadi va maqsad qilgan sof milliy an’analarga asoslangan o‘zbek jamiyati poydevorlarini yanada mustahkam bo‘lishiga xizmat qiladilar.
O‘zbekiston xalqaro islom akademiyasi
Islomshunoslik islom sivilizatsiyasini o‘rganish ICESCO
kafedrasi professori v.b. Bekmirzayev Ilhomjon Isroiljonovich.

t.iss.one/qodiriy_abdulla

#abdulla_qodiriy_ijod_maktabi_3_yoshda
#tadbirdan_lavhalar

🎥Abdulla Qodiriy nomidagi ijod maktabining 10-b sinf o‘quvchisi Abdugaffarova Dilnura

t.iss.one/qodiriy_abdulla