#Bilimlar_kuni
#Yangi_hayot_uchun_yangi_O‘zbekiston_uchun

⚡️Bugun erta tongdanoq yurtimizdagi barcha ta’lim maskanlari singari Abdulla Qodiriy nomidagi ijod maktabida ham “Yangi hayot uchun, yangi O‘zbekiston uchun!” shiori ostidagi “Birinchi qo‘ng‘iroq” tadbiri bo‘lib o‘tdi.

💫Tadbir avvalida ijod maktabi rahbari Hilola Nazirova barchani Mustaqilligimizning 32 yillik shodiyonasi hamda yangi o‘quv yilining boshlanishi bilan tabrikladi.

✅Maktabga faxriy mehmon sifatida O‘zbekiston Yozuvchilar Uyushmasi a’zosi, yozuvchi va tarjimon Yo‘ldosh Eshbek tashrif buyurib, o‘quvchilarga o‘z tilaklarini izhor etdi. Shuningdek, bayramga farzandlari bilan birga kelgan ota-onalar ham so‘zga chiqib, 2023-2024 o‘quv yilida o‘quvchilar va maktab jamoasiga omadlar tilashdi. Tadbir tashkilotchilari tomonidan tayyorlangan badiiy chiqishlar yig‘ilganlarga bayramona kayfiyat taqdim etdi.

✅Ayni vaqtda Abdulla Qodiriy nomidagi ijod maktabida 220ga yaqin o‘quvchilar ta’lim olayotir. Ularning 65 nafari joriy yilda o‘qishga qabul qilindi.

⚡️Tantanali tadbirdan so‘ng barcha o‘quvchilar “Mustaqillik” darslarini o‘tish uchun sinfxonalarga yo‘l olishdi.

📌2023-2024 yangi o‘quv yilidagi ilk darslar boshlandi!

Telegram | Instagram |Facebook