#Kun_nafasi

Chori Avaz tavalludiga 65 yil toʻldi

ERTA

Meni qushlar uygʻotar erta,
Erta kutib olaman tongni.
Bahor erta aytadi ertak,
Men tinglayman hovuchlab jonni.

Oʻn oltiga toʻlgan boladay
Unutaman erta oʻtmishni.
Erta meni kuylay boshlar nay,
Kuzataman ertaga qishni.

Qushlar erta yelkamga qoʻnar,
Chah-chahlashar yoqimli, mayin.
Kadarlarning qaddin yoy qilib,
Tong ertaga boshqacha otar.

Men yonurman tongning muzdayin
Havosidan bot-bot yoqilib.

✍ Chori AVAZ

Abdulla Qodiriy nomidagi ijod maktabi

#Kun_nafasi
#Sõnggi_qõngiroq
#Bitiruvchi_2022

🔔 Abdulla Qodiriy nomidagi ijod maktabida "Abdulla Qodiriy dilbandlariga oq yo'l" nomli soʻnggi qoʻngʻiroq tadbiri boʻlib oʻtdi.

Mazkur tadbirda Abdulla Qodiriy nomidagi ijod maktabi direktori B.Bekov, O'zbekiston Yozuvchilar uyushmasi a'zosi Boymurodov Alisher, hamkor tashkilot rahbarlari, o'quvchilarning ota-onalari, ustozlar hamda barcha sinf o'quvchilari ishtirok etdi.

✅ Tadbirda O'zbekiston Respublikasi Prezidenti tabrigi o'qib eshittirildi. Xususan, tabrikda shunday deyilgan:

“Qadrli maktab bitiruvchilari!

Sizlarni maktab taʼlimini muvaffaqiyatli tugatib, mustaqil hayotga – umringizning yanada goʻzal va masʼuliyatli bosqichiga qadam qoʻyayotganingiz bilan chin qalbimdan samimiy tabriklayman.

Mamlakatimizdagi barcha umumtaʼlim dargohlarida “soʻnggi qoʻngʻiroq”lar yangrab, qadrdon maktabingiz, mehribon ustozlaringiz bilan xayrlashuv tadbirlari oʻtkazilayotgan ushbu quvonchli va gʻoyat hayajonli damlarda hammangizga kelgusi hayotda ulkan yutuq va omadlar tilayman.

Umid va ishonch ramzi boʻlgan yetuklik shahodatnomalari barchangizga muborak boʻlsin!

Hech qachon unutmang, kelajakda sizni yanada ulkan va masʼuliyatli marralar kutmoqda. Oldingizga aniq maqsad qoʻyib, bor kuch-gʻayratingiz, bilim va salohiyatingiz bilan harakat qilsangiz, koʻzlagan choʻqqilarga albatta erishasiz.

Baxt va omad hamisha hamrohingiz boʻlsin, aziz oʻgʻil-qizlarim!
 
Shavkat MIRZIYOYEV,
Oʻzbekiston Respublikasi Prezidenti”

❇️ O'quvchilar tomonidan ustozlarni ulug'lovchi qo'shiqlar hamda she'rlar ijro etildi.

🔅 Tadbir soʻngida maktabning faol o'qituvchilari, iqtidorli oʻquvchilar va ularning ota-onalari faxriy yorliqlar va tashakkurnomalar taqdirlandi.

Veb-sayt | Telegram | Facebook | YouTube

#Tõgaraklar_faoliyati
#Kun_nafasi

Abdulla Qodiriy nomidagi ijod maktabining 7-"A" sinf o'quvchisi Norbekova Gulsanamxon tomonidan tayyorlangan video lavha

Telegram| Facebook| Veb-sayt| You Tube

#kun_nafasi

Bolalik
Oʻtar begʻubor damlar,
Sezilmas ketgan onlar.
Astagina yiroqlar
Shoʻxlik- u, noz, firoqlar.

Gashti oʻta oʻzgacha,
Tabiati boshqacha.
Bol oqadi soyidan,
Xotira koʻp oʻzidan.

Bolalik poshsholigi,
Maftun etar dunyoni.
Qadri buyuk shodligi,
Lol etadi insonni.

Bolalikning mazasi,
Qolar inson yodida.
Xotirlab debochasi,
Soʻzlar katta yoshida.

Argʻimchoq
Bolaligim- poshsholigim,
Oʻtgan damlar uchib argʻimchoq.
Koʻngil istab oymomo tomon,
Sayr uchun quchib argʻimchoq.

Argʻimchogʻim oy bilan tutash,
Yulduzlarga yetmoqqa kurash.
Havo boʻlar menga belanchak,
Madadkorim sen boʻlsang kerak.

Qirq kokilim yayrar havoda,
Shoʻx ovozim uchar samoda.
Quchogʻingda yayraydi koʻngil,
Baxtiyor kuy taratar sofdil.

Argʻimchogʻim ahdli tulporim,
Manzilini quchgan tulporim.
Senda shodlik, mukammal quvonch,
Senga mehrim oʻzgacha, ishonch.

✍️ Guliraʼno Anvarova

#Kun_nafasi
Yoshlik
Yoshlik, yoshlik, bebaho yoshlik,
Surar joʻshqin hayot gashtini.
Oltin damlar oʻtmoqda zavqli,
Doʻstlar bilan davralar shavqli.

Vatan toʻla gul-u lolaga,
Oʻxshar xuddi zar piyolaga.
Quchogʻida qaynaydi hayot,
Yoshlik bunda kuylaydi bayot.

Har qadamda ulkan jasorat,
Qoʻllarida kuchli mahorat.
Yuragida shiddat va ishonch,
Nurli yoʻllar, ishdadir rivoj.

Gulla, yashna begʻubor yoshlik,
Yurtimizni quchaver shodlik.
Goʻzal hayot sen-la farovon,
Koʻkda yulduz chorlar u tomon.

✍️ Abdulla Qodiriy nomidagi ijod maktabi
10-"A" sinf o‘quvchisi
Guliraʼno Anvarova

#kun nafasi
Abdulla Qodiriy nomidagi ijod maktabiga rahbar etib tayinlangan Hilola Nazirova ertalabki saflanishda maktab o‘quvchilari bilan tanishdi va o'quv yili boshidan buyon maktabni boshqarib kelayotgan Zamira Narbayevaga alohida minnatdorchilik izhor etdi.
Maktab jamoasi ham maktab direktori sifatida ish boshlagan shijoatli va g'ayratli kadr - Hilola Bahodirovnaga ishlarida omad va zafarlar tilashdi.
https://t.iss.one/qodiriy_abdulla

#kun nafasi
Abdulla Qodiriy nomidagi ijod maktabining Prezident ta’lim muassasalari agentligi tizimidagi maktablar o‘rtasidagi “Zakovat” turnirida faol ishtirok etib, o'zlarining iqtidorini namoyish etgan o'quvchilar va ularning guruh rahbari Saidakbarxon Nurmuhammadov maktab direktori tomonidan diplom va esdalik sovg‘alari bilan taqdirlandilar.
https://t.iss.one/qodiriy_abdulla