#Bahorning_birinchi_kuni
#Kõklam_ilhomlari

Hayot

Sensan naqadar goʻzal,
Boldan yaralgan onlar.
Totisang qand-u asal,
Har bir kuzatgan damlar.

Boqib koʻzing quvonar,
Olam shodliklaridan,
Toʻyib, toʻyib dil yayrar,
Baxtli hayot zavqidan.

Joʻshqin borliq taftiga,
Koʻz tegmasin hech qachon.
Inson yetsin ahdiga,
Murod ila baxtiga.

Dunyo

Dunyo bu- yorugʻ olam,
Insonga boʻlar malham.
Nafis, zarrin nurlari,
Yetaklar samoga ham.

Shaffof sarchashmalari,
Yashnatadi dunyoni.
Mehri doim siylaydi,
Farzandi-yu mehmonni.

Tashvishi doim shirin,
Yugurasiz, yelasiz.
Hayotdek asal, mayin,
Sezmayin unutasiz.

Dunyo ishlari qiziq,
Chegarasi yoʻq tuzuk.
Charchamaysiz, tolmatsiz,
Hech orqada qolmaysiz.

Qaytmoqda bahor

Kuzda ketgan turnalar,
Yurtga qaytdilar yana.
Gʻoz-u oʻrdak, maynalar,
Samo quchmoqda mana.

Charx urib parvozida,
Kuy taratar sozida.
Doʻstlar bilan shoʻx-shodon,
Davra tuzmoqda shu on.

Bahor iforli tafti,
Yayratmoqda dillarni.
Mayin shabboda ahdi,
Qutlamoqdir ellarni.

Lolazor

Qir adirda chamanzor,
Yashnagan gul, lolazor.
Qirmizi alvon gulga,
Talpinar dil intizor.

Koʻrib quvnaydi koʻzlar,
Taʼrifga loldir soʻzlar.
Toʻshalgan yashil gilam,
Bezanga gul-la shinam.

Kapalaklar yayragan,
Qushlarjon shoʻx sayragan.
Poylab uchar bedona,
Gulzorni qilmay begona.

Mislsiz chamanzorlar,
Tutashgan samolarga.
Ifor bilan lim toʻla,
Musaffo havolarga.

✍️ Abdulla Qodiriy nomidagi ijod maktabi o'quvchisi Guliraʼno Anvarova Azizjon qizi

#Kõklam_ilhomlari
#Zulfiya_107_yilligi

Sogʻinganda

Sogʻinganda izlab bir nishon,
Yoningizga olar edim yoʻl.
Koʻksingizga qoʻyib bir bor bosh,
Yuragingiz nolasin tinglab.
Koʻzlarimda tomchi-tomchi yosh,
Dardingizni tingladim bugun.
Bagʻru dil qon,qalbimdir vayron,
Togʻlar bardosh berolmas nechun?!

Sabrligim sizdir otajon...

✍ Abdulla Qodiriy ijod maktabining 8-"A" sinf oʻquvchisi Abdugʻaniyeva Komila

(Zulfiya "Koʻrganmiding koʻzlarimda yosh" she'ridan ta'sirlanib)

#Kõklam_ilhomlari

Vatan mehri

"Oʻtmishingni oʻylab oʻgriydi dilim",
Tirnalar koʻnglimning har bir burchagi.
Tirnalgan joylardan tomchilaydi qon,
Oʻylasam yuragim ezilar har on.

Izgʻirin kechada yetim boʻtadey,
Jovdirab qaradi koʻzlaring shu zum.
Olib ketdi bagʻringdan minglab oʻgʻlingni,
Oʻshal jigarband-u jirgargoʻshangni.

Bu kunlaring oʻtdi shukrona boʻlsin,
Aslo qaytmasin bu qora oʻtmishing.
Koʻrmagin padarkush, nobakorlarni,
Otasin xor qilgan insofsizlarni.


✍Abdulla Qodiriy ijod maktabining 9-"A" sinf oʻquvchisi Abduhakimova Visola

#Kõklam_ilhomlari

Seni sogʻindim bahor

Koʻzim ochirmasa dunyo tashvishi,
Qalbimni ogʻritsa gʻiybatchi kishi.
Endi qiziqtirmas uning har ishi,
Men seni juda ham sogʻindim, bahor.

Yuzlarimni silab essa bir shamol,
Meni oʻrab olar shirin oʻy-xayol.
Boshimda hilpirar bir shoyi roʻmol,
Men seni juda ham sogʻindim, bahor.

Kelishing eshitgach yorishdi bu dil,
Zavq-u shavqqa toʻlib yayraydi koʻngil.
Ey dardu alamlar, shu onda soʻngil,
Men seni juda ham sogʻindim, bahor.

Daraxtlar burkanar gul-u chechakka,
Bahorim, oʻxshaysan sen kelinchakka.
Goh mehrim ulugʻdir shu boychechakka,
Men seni juda ham sogʻindim, bahor.

Koʻnglim ochib kuylay qaldirgʻoch misol,
Ey bahor, yaqindir bizning shu visol.
Aytgil, qalbimdasan begʻubor inson,
Men seni juda ham sogʻindim, bahor.

✍ Abdulla Qodiriy nomidagi ijod maktabining 8-"A" sinf oʻquvchisi Abdugʻaniyeva Komila
Abdulla Qodiriy nomidagi ijod maktabi

#Kõklam_ilhomlari

Navroʻz

Tashrifingdan yayradi dillar,
Oʻngu-soʻlda ochildi gullar.
Taʼzimda majnuntol egdi bosh,
Xush kelibsan yurtimga Navroʻz!

Tongda esgan mayin shabboda,
Sochdi yurtga bahor atrini.
Quyosh nuri yengil havoda,
Kuyga soldi sheʼrning satrini.

Yashil koʻklam qutlab olamni,
Sepin yoydi shodlab dalamni.
Shoshqin soylar intizor kuylar,
Marhabo deb kelishing poylar.

✍Abdulla Qodiriy nomidagi ijod maktabi o'quvchisi Anvarova Gulira'no

#Kõklam_ilhomlari
#Õzga_olam

***

Miyamga chaqmoqdek uriladi o'y
Istagimni topdim,shunday emasmi?!
Halı bor deydi bu yurak hasadgo'y
Bu axir yolg'on-ku, yo to'g'ri sasmi?
Qachon?
Qachon ro'yobini ko'rsatar tushlar,
Ro'yolar tushlarga aylanar qachon?
Tinimsiz otilgan so'zlar dilkushlar
Xotiram kemirar bir yirtqichsimon.
Ha,seni izladim, illo bir seni
Topmadim,toptadim,yugurdim, chopdim
Dod dedim,tor kelib dunyoning eni
O'zimni topdim men,o'zimni topdim

✍Abdulla Qodiriy nomidagi ijod maktabi o'quvchisi Abdulakimova Gulsanam

#Kõklam_ilhomlari

Zaynab ogʻusi

Oʻtib ketdi tarixlarda qoldi u yogʻdu,
Oʻtib ketdi Margʻilonning bir durdonasi.
Zaynab endi har kechada ichadi ogʻu,
Zaynabni ham qon yigʻlatgan Kumush nolasi.

Mana, yana xotirladim Otabekni ham,
Kumush - ketgan ishqi birla koʻzlarida yosh.
Yigʻlasa ham yoshin toʻkib Otabekka kam,
Endi yoʻqdir koʻnglin bergan oʻsha qalamqosh.

Nega ketdi, demang axir nega deb soʻrmang,
Demang Zaynab aybdor, Zaynabda gunoh.
Unga qorongʻu edi-ku taqdiri butun,
Taqdirlarni bitguvchisan, ey qodir Alloh.

✍ Abdulla Qodiriy ijod maktabining 8-"A" sinf oʻquvchilsi Abdugʻaniyeva Komila

Abdulla Qodiriy nomidagi ijod maktabi