#trening

Abdulla Qodiriy nomidagi ijod maktabida 10-A sinf o'quvchilari bilan "O'zimni anglash" trening mashg'uloti otkazildi.

Mashg'ulot shartiga ko'ra har bir o'quvchi doska yonida turgan sinfdoshiga ta'rif berishi talab etiladi.

Natijada ishtirokchi o'zidagi yutuq va kamchilik nimadaligini tushunib etadi.

Bu o'z navbatida o'quvchiining o'ziga bo'lgan ishonchini ortishiga xizmat qilish bilan birga kamchiliklari ustida bosh qotirishiga undaydi. Treningdan ko'zlangan maqsad jamoadagi o'zaro psixologik muhitni yanada barqarorlashtirishdir.

Psixolog: Saida Qoraboyeva

#trening

Abdulla Qodiriy nomidagi ijod maktabi 10-B sinf o‘quvchilari bilan “Yaxshilikka qadamlar” trening mashg‘uloti o‘tkazildi. Treningdan ko‘zlangan maqsad sinfdagi ijtimoiy-ma’naviy muhitni yaxshilash va pozitiv qarashlarni rivojlantirishdan iborat edi.
Mashg‘ulot shartiga ko‘ra, ishtirokchilar ikki guruhga bo‘linib,  yetti qadam masofa uzoqlikda turib olishdi. Har bir qadam tashlanganda bir-birlariga ijobiy so‘zlarni aytishdi. Qadamlar so‘nggida yuzma-yuz kelganlar qo‘llarini keng yozib, quchoqlashishdi. Shu tariqa davom etgan treningda ishtirokchilarning emotsional ko‘tarinki kayfiyatlari ta’minlandi.

Psixolog: Saida Qoraboeva

#trening

Abdulla Qodiriy nomidagi ijod maktabi 8-A sinf o‘quvchilari ishtirokida “TILAKLAR DARAXTI” trening mashg‘uloti tashkil etildi. Ushbu mashg‘ulot guruhdagi ijtimoiy-ma’naviy muhitni yaxshilash va pozitiv qarashlarni rivojlantirish maqsadida o‘tkazildi. Trening qoidasiga ko‘ra, doskaga katta daraxt surati chiziladi va u “Tilaklar daraxti” deb nomlanadi. Har bir o‘quvchi ushbu daraxtga tilak yozilgan uchtadan qog‘ozchani yopishtiradi. Birinchi tilak -guruhga, ikkinchi tilak - sinfdagi biror o‘quvchiga, uchinchi tilak esa maktabdagi bir ustozga atalgan bo‘lishi kerak. Trening yakunida trener tilaklarni birma-bir o‘qib eshittiradi.
Natijaga ko‘ra o‘quvchilarda yuqori kayfiyat, o‘zaro ijobiy munosabatlar va sinfda ijobiy muhit yuzaga keldi.

Psixolog: Saida QORABOYEVA

Abdulla_Qodiriy_maktabi

#biz_zo'ravonlikka_qarshimiz
#trening

✅Maktabimizda 7-8 sinf o‘quvchilari bilan ”Biz zo‘ravonlikka qarshimiz!” shiori ostida trening mashg‘uloti va davra suhbati tashkil etildi.
🎥Tadbir avvalida o‘quvchi yoshlarga “Zo‘ravonlikka qarshimiz” nomli video rolik namoyish etildi.
📌 So‘ng maktab psixologi tomonidan yoshlarga “Zo‘ravonlikning turlari, qanday holatlar zo‘ravonlikka kirishi va qonunda bu holatlarga qanday javobgarlik belgilangani" haqida maʼlumotlar berildi.
📍Tadbir davomida o‘quvchilar tomonidan “Zo‘ravon” rolli o‘yini ham o‘kazildi. Shuningdek, mazkur jarayonda o‘quvchilar mavzu yuzasidan fikr almashdilar va o'zlari uchun kerakli xulosaga ega bo'ldilar.

ABDULLA_QODIRIY_IM

#trening

✅Avval xabar berganimizdek, maktabimizda “Oriental” universitetining “Pedagogika-psixologiya” fakulteti talabalari amaliyot o‘tashmoqda. Ular turli sinflarda o‘quvchilar bilan bir qator metodikalar, testlar olish bilan birga trening mashg‘ulotlari ham o‘tkazishmoqda.

🟩Bugun amaliyotchi talabalar Salieva Dilnoza va Xudoyberganova Dilfuza maktab psixologi Saida Qoraboeva bilan hamkorlikda 11-B sinfi o‘quvchilari orasida “Xotirani sinash” trening mashg‘ulotini tashkil etishdi.

📈Mashg‘ulotni o‘tkazishdan maqsad, diqqatni bir joyga jamlay olish va xotirani mustahkamlashdan iborat. Shartga ko‘ra o‘quvchilar uch guruhga bo‘linishdi. Trener tomonidan 25 ta katak chizilgan vatman qog‘ozga turli xildagi buyumlar joylanib, ishtirokchilardan ularni eslab qolishlari uchun o‘n soniya vaqt belgilandi. O‘n soniya davomida buyumlar turgan kataklar yodda qolishi talab etildi. So‘ng mashg‘ulot olib boruvchi buyumlarni chetga surib qo‘yadi. O‘quvchilar esa ana shu buyumlar qaysi katakda turganini eslab, qayta joylashlari lozim.

Birinchi gurux – “Turon” jamoasi 45 soniyada 23 ta buyumni o‘z joyiga qo‘ya oldi.

Ikkinchi guruh – “Vinni pux” jamoasi esa 55 soniyada 18 ta buyumni joyladi.
Uchinchi guruh - “Komfort” jamoasi esa 15 soniyada barcha buyumlarni o‘z joyiga keltira olishdi.

🎉Natijalarga ko‘ra, hech qanday xatolik qilmagan uchinchi jamoa g‘oliblikni qo‘lga kiritishdi.
🎯Mazkur o‘yin tarzida o‘tkazilgan mashg‘ulot o‘quvchilarning diqqatini jamlashga, xotirasini yana bir bor sinashga va jamoaviy birdamlikni ta’minlashlariga yordam berdi.

Bizni ijtimoiy tarmoqlarda kuzating ⬇️

Telegram Facebook