#oquvchilarimiz_ijodidan
#drabll

Men oyimning vafotini qizil chiroq, mashinaning ovozi va ularning meni itarishi bilan eslayman.

***

Men har doim akamga “Hayot go’zalmi?”,–desam, ular mendan “Yurish-chi, u qanday?”, deb so’rardi.


Nurmuhammad Hasanov
Abdulla Qodiriy nomidagi ijod maktabi, 8-sinf o’quvchisi.

Telegram | Instagram |Facebook

#ijodiy_togarak
#oquvchilarimiz_ijodidan


***
Tun yopdi samoning darvozasini,
Devonavash zulmat oldi bagʻriga.
Dard toʻla yurakni otib yubordim
Yettinchi osmondan hatto nariga.

Chalajon hislarni koʻngildan quvib,
Boʻy choʻza boshladi qalbimda sabot.
Kavshangancha kelib yonimga hilol,
Yulduzlar taʼmini maqtaydi bot-bot.

Butunlay ishonchga oʻranib olib,
Quvonch koʻchalarin kezaman yayov.
Har aytgan soʻzimdan chaqnaydi uchqun,
Har bosgan izimdan unadi olov.

Gʻamning kulbasidan bosh olib ketib,
Baxtning bilagiga taqay koʻzmunchoq.
Men shunday yashayki, alanga olib,
Har bir nigohimda chaqnasin chaqmoq.

Xayolni qitiqlar farahbaxsh hislar,
Yurak mung libosin yirtib tashladi.
Har bitta zarradan chiroy axtarib,
Koʻzlarim hayratga toʻla boshladi.

✍️Shakarova Shalola

Abdulla Qodiriy nomidagi ijod maktabi 8-sinf o’quvchisi.


Telegram | Instagram |Facebook

​#oquvchilarimiz_ijodidan
#ijodiy_togarak


Baxt

Osmon koʻzyoshini sipqordi zamin,
Biz bilgan tuygʻular uzlatga yetdi.
Chaqmoq yulduzlarni tunda erkalab,
Osmonning yuragi bugun darz ketdi.

Baxtni men har tongda bulutga chizdim,
Yomgʻir boʻlib tunda menga qaytdi u.
Nigohlar sirgʻalib oʻtib ketganda,
Bizni bir qilmadi hech qanday tutqu.

Tunov kun tushimga buyurtma berib,
Iltimos qilgandim baxt keltirishin.
Lekin zarracha ham oʻylab koʻrmabman,
Baxtim dardlar bilan qoʻshni turishin.

Oʻylardim baxtimni moviyrangdir deb,
Oʻylardim men bilgan eng goʻzal ohang.
Bilsam, uning rangi shu koʻrinishda-
Xazonrang, armonrang, alvonrang, oqrang.

Koʻzimni yumgancha oʻylayman, ammo-
Kiprik boʻsasidek xayolim qisqa.
Tushunarsiz, balki siz tushunarsiz,
Hayot ham bir safar bizni tushunsa.

Baxt deb oʻylaganim dard ekan asli...

✍️ Marjona Eshqulova
Abdulla Qodiriy nomidagi ijod maktabi, 8-sinf o’quvchisi

Telegram | Instagram |Facebook

#tanlov_uchun
#oquvchilarimiz_ijodidan

🏫Ixtisoslashtirilgan ta'lim muassasalari agentligi tizimidagi Abdulla Qodiriy nomidagi ijod maktabi.

📹11-sinf o'quvchilari tomonidan 1-oktabr "Ustoz va murabbiylar" kuni uchun tayyorlangan videorolik

🌐Ijod maktabining ijtimoiy tarmoqdagi rasmiy sahifalari:
Telegram
Facebook
Instagram

#tanlov_uchun
#oquvchilarimiz_ijodidan

🏫Ixtisoslashtirilgan ta'lim muassasalari agentligi tizimidagi Abdulla Qodiriy nomidagi ijod maktabi
8-"B" sinf o'quvchisi
Shokirova Shabnam
📹1-oktabr "Ustoz va murabbiylar" kuniga bag'ishlangan videorolik


🌐Ijod maktabining ijtimoiy tarmoqdagi rasmiy sahifalari:
Telegram
Facebook
Instagram

#tanlov_uchun
#oquvchilarimiz_ijodidan

Ustoz sovg'asi

Daraxtlar go'yo mo'yqalam bilan bo'yalib oltin tusga kirgandek. Tol novdasidagi yaproqlar kuz shamoliga bardosh berolmay, uzilib, yerga tushardi. Xazonlar maktab ostonasiga ham yetib keldi.
Tasviriy san'at xonasi. Devorlar turli ijod mahsullari, haykallar bilan bezalgan. Partalar ustida turli rang-barang ruchkalardan to bo'yoqlargacha terilgan. O'quvchilar esa Mehriniso opa bergan topshiriqni berilib bajarishar edi.
Shu payt o'qituvchining nazari sinfdoshlaridan moviy qalam so'rayotgan Ilhomjonga ilindi. Biroq uning so'rog'iga barcha rad javobini berardi.
Oradan bir hafta o'tib Mehriniso opa bolalar vazifani qanday qilib bajarishganini tekshirayotganda, uning e'tiborini aynan Ilhomjonning rasmi o'ziga jalb qildi. U moviy qalam o'rniga sariq va yashil ranglarni qo'llabti.
— Buncha go'zal vazifa bu? Qalamlaring sehrli bo'lsa kerak. Qani, bir qaraychi, — deya muallima Ilhomjonning qalamdoniga qo'l cho'zib ochdi va uning ichida eski, kalta va beo'xshov qalamlarni aniqladi. Ular ijod qilishga mutlaq noqulay edi.
— Menda moviy qalam yo'q edi, shu sabab boshqa ranglarni qo'llagandim... — o'quv qurollari eskiligidan xijolatlanib past ovozda gapirdi o'quvchi.
— Lekin sen do'stlaringdan so'rab turishing mumkin edi-ku, — go'yo sinfdagi qolgan bolalarni uyaltirish uchun o'qituvchi bu gapni eshittirib, baland aytdi. Ilhomjon va qolganlar jim bo'lib qolishdi.
— Bunga qaramasdan, sen vaziyatdan yechim topibsan, — deb ustoz bolakayning sochlaridan silab, unga jilmayib qaradi, — balli senga.
Keyin esa stolining ustidan yangi qalamlarni olib butun sinfga qarata:
— Ijodkorlik bilan yondashgani uchun Ilhomjonga alohida sovg'am bor, — dedi. Shu soniyalarda Ilhomjonning qalbida xuddiki o'zgacha tuyg'u, o'zgacha quvonch xissiyotlari paydo bo'ldi.
— Qolganlar esa, — butun sinfga yuzlanib gap boshladi muallima, — kelasi safar bir-biringizdan hech narsa qizg'anmang. Do'stingiz bir-ikki daqiqa buyumingizni ishlatib yana qaytaradi. Sizdan hech vaqo kamaymasa ham, odamiylik ko'payadi. Yodingizda tuting, boshqalarga yaxshilik ulashish — bizning asosiy vazifamizdir.
Bu voqeadan so'ng bolalar har safar birovlarga yordam qo'lini cho'zganda, go'yo uchinchi sinfiga qaytib, tasviriy san'at darsida o'qituvchining gaplarini qayta eshitayotgandek bo'lishardi.

Abdurahmonova Xadichabonu 9-"B" sinf o'quvchisi
🌐Ijod maktabining ijtimoiy tarmoqdagi rasmiy sahifalari:
Telegram
Facebook
Instagram

#oquvchilarimiz_ijodidan
#ona_tilim_mening_faxrim

21-oktabr "O'zbek tili bayrami" kuni munosabati bilan.

O'ZBEK TILIM

O'zbek tilim,she'rlarning baytulidirsan,
Dilda jo'shgan ezgulikning gulidirsan
Har bir so'zing xushnud aylar bu qalblarni
Sen shunchaki tilmas, xalqning kuyidirsan.

Har satrida mardonavor shijoat bor,
Qadimdan to bugungacha amlah dutor
Tinglaydilar jilolarga oshiq bo'lib
O'zbekona so'zlaringda nurli izhor

Ajdodlardan meros bo'lib qolgan bizga,
Barcha so'zi ko'chgan badiiy tilimizga,
Nufuzingni oshirgaymiz, albat, seni
Bu jumlalar aylanajak ahdimizga.


Sen bilan kechirgaymiz har bir lahzani
Vaqti kelib zabt eturmiz o'shal dunyoni
Har zulmatda yorugʻlikning asl timsoli
Sen tarqoq xalqimizning mangu gulshani.

11-"A" sinf o'quvchisi
Abdusattorov Baxtiyor

🌐Ijod maktabining ijtimoiy tarmoqdagi rasmiy sahifalari:
Telegram
Facebook
Instagram

#oquvchilarimiz_ijodidan

USMON AZIM SHE'RIGA NAZIRA

"O‘lgin deding — Yerga ko‘mding — Ildiz bo‘ldim.
Ko‘kka otding — yo‘q bo‘l deding — Yulduz bo‘ldim.’’
Nechun tunda unutulgan kunduz bo’ldim
Bahor bolib tug'ulganman netay endi.

Sahrolarda unib chiqqan nihol o'zim,
Osmonimdan yerga tushgan hilol o’zim,
Yuragimdan chiqqan sado- aytar so’zim
Bahor bolib tug'ulganman netay endi.

Inson uchun toʻgʻri boʻlgan yagona yoʻl,
Hayotimga rang baxsh etgan afsona yo’l
O’zligimni anglatuvchi bir dona yo’l,
Bahor bo’lib tug’ulganman netay endi.

9-sinf o'quvchisi
Sultonamirova Hanifaxon

🌐Ijod maktabining ijtimoiy tarmoqdagi rasmiy sahifalari:
Telegram
Facebook
Instagram