Freedom QJ League

🕌 Қасиетті Ораза Айт мерекесі қабыл болсын!

Бұл мейрам – сабыр мен шүкірдің, жан тазалығы мен жүрек жылуының айрықша көрінісі. Freedom QJ League баршаңызға жақсылық пен игілік, әр шаңыраққа береке мен бірлік тілейді.

❤15👍5🔥3🤝1

1.29K views03:49

Freedom QJ League

🎖️ Тимур Турлов «Парасат» орденімен марапатталды

Қазақстан Республикасы Президенті Қасым-Жомарт Тоқаевтың тапсырмасы бойынша Премьер-Министр Олжас Бектенов елдің әлеуметтік-экономикалық дамуына, сондай-ақ заңдылық пен құқықтық тәртіпті нығайтуға елеулі үлес қосқан азаматтарға мемлекеттік наградаларды табыстады.

Freedom QJ League Қамқоршылық кеңесінің төрағасы, Freedom Holding Corp. компаниясының бас атқарушы директоры Тимур Русланұлы Турлов «Парасат» орденімен марапатталды.

Еске сала кетейік, Тимур Русланұлы Лиганың Қамқоршылық кеңесінің төрағасы ғана емес, сонымен қатар Қазақстан шахмат федерациясының президенті, Қарағанды облыстық футбол ассоциациясының (QOFA) президенті және қарағандылық «Шахтер» клубының жаңа иесі.

Оның басшылығымен елімізде бірнеше әлем чемпионаттары өткізілді, ал спортшылар түрлі деңгейдегі жүздеген медаль жеңіп алды. Олардың қатарында шахмат олимпиадасында әйелдер құрамасының тарихи күміс жүлдесі мен Қазыбек Нөгербектің жасөспірімдер арасындағы әлем чемпионатындағы жеңісі бар.

Freedom Holding Corp. және Қарағанды облысы әкімдігінің бірлескен жұмысы аясында өңірде жаңа заманауи футбол академиясы, 3 500 орындық стадион, жабық манеж және басқа да маңызды инфрақұрылым нысандарының құрылысы жүргізілуде. Сондай-ақ кадр даярлау мәселесіне ерекше назар аударылып отыр: бапкерлер үшін біліктілікті арттыру бағдарламалары, оның ішінде халықаралық тағылымдамалар мен UEFA лицензияларын алу мүмкіндіктері қарастырылған.

👍12❤8🔥8

22.4K viewsedited 09:50

Freedom QJ League

🩷

Freedom QJ League 2026: қатысушы клубтар тізімі

Қазақстан футбол федерациясының 2026 жылғы 19 наурыздағы бұйрығымен бекітілген Freedom QJ League 2026 маусымына қатысатын командалар құрамын ұсынамыз.

Флагмандық жасөспірімдер турниріне өткен маусымда Freedom QJ League U-17 жарысында өнер көрсеткен 2009 жылы туған ойыншылардан құралған командалар қатысады.

Лига тарихында алғаш рет U-15 командалары қатысады. Осылайша, биылғы маусым бірден екі жас санаты – 2011 және 2012 жылы туған ойыншылар үшін дебюттік жыл болады.

Лиганың дебютанттары қатарында Қазақстандағы мадридтік «Атлетико» академиясы, сондай-ақ бұған дейін Лигада өнер көрсеткен Орал қаласының «Ақжайық» клубының мұрагері – оралдық «Жайық» бар.

Алдағы маусымда «Атырау» өңірдегі инфрақұрылымның бір мезгілде төрт команданың қатысуын қамтамасыз етуге дайын болмауына байланысты Freedom QJ League B лигасында өнер көрсетеді. «Мұнайшылардың» Лига А-дағы орнын ҚФФ академиясы (U-18 және U-17 турнирлерінде) және «Атлетико» (U-16 және U-15 турнирлерінде) иеленеді.

Сондай-ақ, кеңею Лига А-дағы логистикалық жүйенің өзгеруіне әкелетінін атап өткен жөн. U-18 және U-17 командалары өз алаңында ойнаған кезде, U-16 және U-15 командалары сырт алаңда матч өткізеді – және керісінше. Осылайша, клубтар әр турда кемінде бір үй матчын өткізетін болады.

Please open Telegram to view this post